កម្ពុជា រៀបចំពិធីអធិកអធមលើប្រាសាទព្រះវិហារ ដើម្បីអបអរសាទរការចុះក្នុងបញ្ជីបេតិកភណ្ឌពិភពលោក

Phea ra

អាជ្ញាធរជាតិព្រះវិហារ នៅថ្ងៃទី៧ ខែកក្កដា ឆ្នាំ២០២៣នេះ រៀបចំពិធីអបអរសាទរខួបលើកទី១៥ នៃការចុះប្រាសាទព្រះវិហារនៅក្នុងបញ្ជីបេតិកភណ្ឌពិភពលោក នៅលើប្រាសាទព្រះវិហារតែម្ដង។

សេចក្តីជូនដំណឹងរបស់អាជ្ញាធរជាតិព្រះវិហារ បានឱ្យដឹងថា អាជ្ញាធរនឹងរៀបចំប្រារព្ធពិធីឱ្យអធិកអធមជាងឆ្នាំមុនៗ តាមរយៈពិធីរាប់បាតព្រះសង្ឃចំនួន៧៧អង្គនៅគោបុរៈទី៥ នៃប្រាសាទព្រះវិហារ។

តាមអាជ្ញាធរជាតិព្រះវិហារ កម្មវិធីនេះ នឹងមានការចូលរួមដោយលោកជំទាវ បណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ស្ថានទូតនានាប្រចាំនៅកម្ពុជាដែលជាសហប្រធាន សមាជិក និងស្ថាបនិកនៃគណៈកម្មាធិការសម្របសម្រួលអន្តរជាតិ សម្រាប់ការអភិរក្ស និងលើកតម្លៃប្រាសាទព្រះវិហារហៅកាត់ថា ICC-Preah Vihear ព្រមទាំងភ្ញៀវកិត្តិយសជាតិ និងអន្ដរជាតិ ថ្នាក់ដឹកនាំនៃក្រសួងវប្បធម៌និងវិចិត្រសិល្បៈ រដ្ឋបាលខេត្តព្រះវិហារ អាជ្ញាធរជាតិព្រះវិហារ អាជ្ញាធរមូលដ្ឋាន និងសិស្សានុសិស្ស ប្រមាណ ១០០០នាក់។

លើសពីនេះ ក៏នឹងមានកម្មវិធី រត់ប្រណាំងប្រាសាទព្រះវិហារ (Preah Vihear Temple Run) ដែលចែកចេញជាពីរប្រភេទ គឺរត់ចម្ងាយ៧គីឡូម៉ែត្រ និងការដើរសម្រាប់ចម្ងាយ៧០០ម៉ែត្រ នៅទីលានប្រាសាទព្រះវិហារ រួមទាំងការប្រគំតន្ត្រីនៅថ្ងៃទី៩ខែកក្កដា ដើម្បីធ្វើឱ្យការប្រារព្ធពិធីកាន់តែមានភាពសប្បាយរីករាយ។

គួររំឭកថា ប្រាសាទត្រូវបានដាក់បញ្ចូលជាបេតិកភណ្ឌពិភពលោកនៅថ្ងៃទី៧ ខែកក្កដា ឆ្នាំ២០០៨ នៅក្នុងកិច្ចប្រជុំលើកទី៣២ របស់គណៈកម្មាធិការបេតិកភណ្ឌពិភពលោក ក្នុងទីក្រុង កេប៊ិច ប្រទេសកាណាដា។ បច្ចុប្បន្នប្រាសាទព្រះវិហារ​ស្ថិតនៅក្រោមការគ្រប់គ្រងរបស់អាជ្ញាធរជាតិព្រះវិហារ និងទទួលបានការយកចិត្តទុកដាក់គាំទ្រពីប្រទេសស្ថាបនិក ICC-Preah Vihear ទាំងជំនួយថវិកា បច្ចេកទេសលើការងារអភិរក្ស និងអភិវឌ្ឍន៍ក្នុងតំបន់ប្រាសាទព្រះវិហារ៕

អត្ថបទ៖ អក្ខរា

អត្ថបទទាក់ទង

ប្រមុខរាជរដ្ឋាភិបាល ណែនាំឱ្យពិនិត្យឡើងវិញចំពោះការផ្សព្វផ្សាយពាណិជ្ជកម្មគ្រឿងស្រវឹង ពិសេសលើផ្ទាំងប៉ាណូតាមទីសាធារណៈ

  • Phea ra
  • កុម្ភៈ ២, ២០២៤
  • 0

ប្រមុខរាជរដ្ឋាភិបាលកម្ពុជា សម្តេចធិបតី ហ៊ុន ម៉ាណែត បានណែនាំឱ្យអាជ្ញាធរពាក់ព័ន្ធនានាពិនិត្យមើលឡើងវិញអំពីការផ្សព្វផ្សាយពាណិជ្ជកម្ម គ្រឿងស្រវឹង ជាពិសេសការផ្សព្វផ្សាយនៅលើផ្ទាំងប៉ាណូតាមទីសាធារណៈ ដោយត្រូវកម្រិតឱ្យបានសមរម្យ ដើម្បីរួមចំណែកក្នុងការកាត់បន្ថយគ្រោះថ្នាក់ចរាចរណ៍ដែលបង្កឡើងដោយសារការបើកបរក្រោមឥទ្ធិពលគ្រឿងស្រវឹង។ សម្តេចធិបតី ក៏បានណែនាំឱ្យក្រសួងព័ត៌មានសហការជាមួយក្រសួងសុខាភិបាល និងក្រសួងពាណិជ្ជកម្ម ដឹកនាំបង្កើតក្រមប្រតិបត្តិមួយជាក់លាក់ ដើម្បីអនុវត្តចំពោះការផ្សព្វផ្សាយពាណិជ្ជកម្មគ្រឿងស្រវឹង។ ការណែនាំរបស់សម្ដេចធិបតីនាយករដ្ឋមន្ត្រី បានធ្វើឡើងក្នុងកិច្ចប្រជុំពេញអង្គគណៈរដ្ឋមន្ត្រី នៅព្រឹកថ្ងៃទី២ ខែកុម្ភៈ ឆ្នាំ២០២៤នេះ នៅវិមានសន្តិភាព ដើម្បីពិភាក្សា និងឆ្លងលើរបៀបវារៈ ចំនួន៥ រួមមាន៖ ១-របាយការណ៍វឌ្ឍនភាព […]

ឧត្តមសេនីយ៍ឯក ជួន ណារិន្ទ ចេញមុខរកយុត្តិធម៌ ក្រោយនារីម្នាក់បង្ហោះសារមិនសុខចិត្តរឿងមន្ត្រីចរាចរណ៍ចាប់ផាកពិន័យ ហើយឆ្លៀតឆាតញ៉ែ

  • Phea ra
  • កុម្ភៈ ៦, ២០២៤
  • 0

ស្នងការនគរបាលរាជធានីភ្នំពេញ ឯកឧត្តម ឧត្តមសេនីយ៍ឯក ជួន ណារិន្ទ នៅថ្ងៃទី៦ ខែកុម្ភៈ បានប្រកាសឲ្យនារីម្នាក់មកដាក់ពាក្យបណ្តឹង ដើម្បីឯកឧត្តមជួយរកយុត្តិធម៌ជូន ក្រោយនារីរូបនោះបង្ហោះសារទម្លាយរឿងមន្រ្តីនគរបាលចរាចរណ៍ចាប់ផាកពិន័យ ហើយឆ្លៀតឆាតញ៉ែទៀត។ តាមរយៈសំណេរលើបណ្តាញសង្គមផ្លូវការ ឧត្តមសេនីយ៍ឯក ជួន ណារិន្ទ បានលើកឡើងថា៖ “សួស្ដីក្មួយស្រី ម៉ូ លីកា ជាទីរាប់អាន​ពូបានតាមដានយ៉ាងយកចិត្តទុកដាក់រាល់ការរៀបរាប់របស់ក្មួយស្រី! តែពូសុំអញ្ជើញក្មួយមកស្នងការរាជធានីជួបពូដើម្បីសហការណ៌និងដាក់ពាក្យបណ្ដឹងមក! ពូនឹងរកយុត្តិធ៏ម៌ជូនក្មួយស្រី!ដូច្នេះពូសង្ឃឹមថាក្មួយនិងមកសហការណ៌ជាមួយពូដើម្បីរកយុត្តិធ៏មដល់ក្មួយជាមិនខាន!ព្រោះពូ ស្រាវជ្រាវបានមួយជំហ៊ានហើយ!ពូ(សង្ឃឹមថា រូបហ្នឹងពិតជារូបក្មួយហើយមានឈ្មោះ ម៉ូលីកាពិតប្រាកដ)! […]

វៀតណាមលើកលែងទោស និងដោះលែង ពលរដ្ឋខ្មែរ២នាក់ដែលបានបើកទូកទេសចរណ៍ដឹកភ្ញៀវឆ្លងចូលដែនសមុទ្រវៀតណាម

  • poth rotha
  • កក្កដា ១៩, ២០២៤
  • 0

បន្ទាប់ពីជំនួបរវាងប្រមុខក្រសួងមហាផ្ទៃកម្ពុជា និងក្រសួងនគរបាលវៀតណាម កាលពីរសៀលថ្ងៃទី១៣ ខែកក្កដា ឆ្នាំ២០២៤ លោក ស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ បានស្នេីដល់ឧត្តមសេនីយ៍ឯកបម្រុង លឿង តាមក្វាង រដ្ឋមន្រ្តីក្រសួងនគរបាលវៀតណាម សុំលេីកលែងទោស និងដោះលែងពលរដ្ឋខ្មែរចំនួន ០២ នាក់ ដែលបានបើកទូកទេសចរណ៍ដឹកភ្ញៀវស្ទូចត្រី ឆ្លងចូលដែនសមុទ្រវៀតណាម ឲ្យវិលត្រឡប់ចូលមកប្រទេសកម្ពុជាវិញ។  ដោយផ្អែកលេីលទ្ធផលពិភាក្សា ក្នុងជំនួបខាងលេីនេះ ជាពិសេសកិច្ចសហប្រតិបត្តិការរវាងប្រទេសទាំងពីរ  ព្រមទាំងការវាយតម្លៃខ្ពស់ចំពោះការផ្លាស់ប្តូរព័ត៌មានអំពីសភាពការណ៍សន្តិសុខ […]