សម្តេចតេជោ ហ៊ុន សែន ស្នើលើកលែងដល់លោក ស ឡុងដេត បន្ទាប់ពីសាមុីខ្លួនបានដឹងកំហុស និងបានសុំទោសជាសាធារណៈ

Phea ra

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅរសៀលថ្ងៃទី១៣ ខែមិថុនានេះ សម្រេចស្នើលើកលែងទោសដល់លោក ស ឡុងដេត បន្ទាប់ពីសាមុីខ្លួនបានដឹងកំហុស និងបានសុំទោសជាសាធារណៈ។

តាមរយៈសំណេរក្នុងឆាណែលតេឡេក្រាមសម្តេចតេជោ ហ៊ុន សែន ភ្ជាប់ជាមួយវីដេអូសំទោសរបស់លោក ស ឡុងដេត សម្តេចតេជោបានលើកឡើងថា៖ “ដោយដឹងនូវកំហុសលោក ស សាឡុងដេត បានធ្វើការសុំទោសដូចមានក្នុងវីដេអូនេះ។ ដោយសាមុីខ្លួនបានដឹងកំហុស និងបានសុំទោសជាសាធារណៈខ្ញុំស្នើរសុំដល់ក្រសួងយុត្តិធម៍ធ្វើការជាមួយដើមបណ្តឹង និងតុលាការដើម្បីបញ្ចប់រឿងក្តីនេះតាមវិធីដែលអាចធ្វើទៅបានដូចជា ការដកពាក្យបណ្តឹង ឬលើកលែងការចោទប្រកាន់”។

គួរបញ្ជាក់ថា ការចេញវីេដេអូសុំទោសរបស់លោកស ឡុងដេត ជាសមាជិករបស់គណបក្សប្រឆាំងនៅកម្ពុជានេះ ធ្វើឡើងក្រោយប៉ុន្មានម៉ោងប៉ុណ្ណោះ បន្ទាប់ពីសម្តេចតេជោ ហ៊ុន សែន ក្នុងពិធីជួបជាមួយនឹងកម្មករកម្មការិនីជិត ២ម៉ឺននាក់ក្នុងខណ្ឌពោធិ៍សែនជ័យ រាជធានីភ្នំពេញ នៅព្រឹកថ្ងៃទី១៣ ខែមិថុនា ឆ្នាំ២០២៣នេះ បានថ្លែងឲ្យបុគ្គល ស សាឡុងដេត ដែលបានរត់គេចពីភ្នំពេញទៅប្រទេសថៃ ត្រឡប់មកវិញជាបន្ទាន់ ទោះបីជារត់គេចក៏គង់តែគេចាប់ខ្លួនបញ្ជូនមកវិញដដែល។

នៅក្នុងបន្ទប់ប្រជុំមួយនៅខណ្ឌឬស្សីកែវ រាជធានីភ្នំពេញកាលពីពេលថ្មីៗនេះ បុគ្គល ស ឡុងដេត បាននិយាយជាសាធារណៈថា “ស៊ីហ្គេម (រៀបចំដោយ គ.ជ.ប.អ.) ទាំងមូលមិនដែលបានបង្ហាញអំពីវប្បធម៌ ពីប្រពៃណី បង្ហាញពីសក្តានុពល នៃវប្បធម៌សេដ្ឋកិច្ចរបស់ខ្មែរទេ…“ និង “មានមនុស្សតែប៉ុន្មាននាក់ប៉ុណ្ណោះបានទៅមើល (ព្រឹត្តិការណ៍ស៊ីហ្គេម) និង “អ្វីៗជារឿង ក្លែងក្លាយទាំងអស់។

គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) បដិសេធទាំងស្រុងការលើកឡើងបែបអគតិទាំងនេះ និងប្រកាសថ្កោលទោសយ៉ាងដាច់អហង្ការ ចំពោះបុគ្គល ស សាឡុងដេត នេះ ខណៈ​ស្ថាប័នជាច្រើនបានចេញថ្កោលទោសជាបន្តបន្ទាប់ផងដែរ៕

អត្ថបទ៖ អក្ខរា

អត្ថបទទាក់ទង

អនុវត្តវិធានការក្តៅ បើរកឃើញមន្រ្តីណាពាក់ព័ន្ធក្នុងបទល្មើសកាប់បំផ្លាញធនធានធម្មជាតិ ក្នុងភូមិសាស្ត្រខេត្តពោធិ៍សាត់

  • Phea ra
  • មីនា ១១, ២០២៤
  • 0

ឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន និងឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិដើម្បីបង្ការទប់ស្កាត់ និងបង្ក្រាបបទល្មើសធនធានធម្មជាតិ ដឹកនាំអង្គប្រជុំរៀបចំផែនការយុទ្ធនាការទប់ស្កាត់ និងបង្ក្រាបបទល្មើសកាប់ព្រៃទន្ទ្រានយកដីរដ្ឋ នៅភូមិសាស្ត្រខេត្តពោធិសាត់ ជាពិសេសបទល្មើសកាប់ទន្ទ្រានដីព្រៃរដ្ឋដោយខុសច្បាប់ដែលបាននិងកំពុងកើតមានឡើងនៅក្នុងភូមិសាស្ត្រ ស្រុកវាលវែង។ កិច្ចប្រជុំនេះ ធ្វើឡើងនៅរសៀលថ្ងៃទី១០ ខែមីនា ឆ្នាំ២០២៤ នៅសាលប្រជុំរដ្ឋបាលសាលាខេត្តពោធិ៍សាត់។ ក្នុងនោះ ឯកឧត្តម អ៊ាង […]

គ.ជ.ប៖ នៅថ្ងៃទី១៨ គណបក្សនយោបាយចំនួន១៣ បានធ្វើសកម្មភាពឃោសនាបោះឆ្នោត ដោយរលូន

  • Phea ra
  • កក្កដា ១៨, ២០២៣
  • 0

គ.ជ.ប បានឲ្យដឹងថា នៅថ្ងៃទីដប់ប្រាំបីនៃយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ​២០២៣ មានគណបក្សនយោបាយចំនួន ១៣ បានធ្វើសកម្មភាពឃោសនាបោះឆ្នោត ក្នុងនោះ មានគណបក្សនយោបាយចំនួន ៥ បានហែក្បួនឃោសនារកសំឡេងឆ្នោត។ សេចក្តីប្រកាសព័ត៌មាន បានបញ្ជាក់ថា ទី១: គណបក្សប្រជាធិបតេយ្យមូលដ្ឋាន បានហែក្បួនឃោសនានៅមណ្ឌលខេត្តកំពង់ធំ។ ទី២ គណបក្សសញ្ជាតិកម្ពុជា ហែក្បួនឃោសនានៅមណ្ឌលខេត្តព្រៃវែង និងមណ្ឌលខេត្តកំពង់ស្ពឺ។ ទី​៣: គណបក្សខ្មែររួបរួមជាតិ ហែក្បួនឃោសនានៅមណ្ឌលខេត្តកំពង់ចាម និងមណ្ឌលខេត្តក្រចេះ។ […]

រដ្ឋមន្ត្រីមហាផ្ទៃ ឯកឧត្តម ស សុខា កោតសរសើរកងកម្លាំងបង្ក្រាបឧក្រិដ្ឋជនគ្រឿងញៀន នៅខេត្តសៀមរាប

  • Phea ra
  • សីហា ២៣, ២០២៣
  • 0

“ខ្ញុំសូមកោតសរសើរ និងសាទរចំពោះប្រតិបត្តិការ និងការបង្ក្រាបឧក្រិដ្ឋជនពាក់ព័ន្ធករណីរំដោះអ្នកទោសដែលជាមេក្លោងគ្រឿងញៀន នៅខេត្តសៀមរាប ពីសំណាក់អាជ្ញាធរ កងកម្លាំងពាក់ព័ន្ធគ្រប់លំដាប់ថ្នាក់ រហូតឈានដល់ចាប់ខ្លួនឧក្រិដ្ឋជនបានជាបន្តបន្ទាប់ រួមទាំងអ្នកទោសដែលត្រូវបានរំដោះ ក៏ត្រូវបានចាប់ខ្លួនត្រឡប់មកវិញបានដែរ”។ នេះបើតាមការលើកឡើងរបស់ឯកឧត្តម ស សុខា រដ្ឋមន្ត្រីក្រសួងមហាផ្ទៃ នៅរសៀលថ្ងៃទី២៣ ខែសីហានេះ។ ឯកឧត្តមបានលើកឡើងលើផេកហ្វេសប៊ុកផ្លូវការបន្តថា៖ ជោគជ័យនៅក្នុងបេសកកម្មដ៏មានសារៈសំខាន់មួយនេះ គឺកើតឡើងពីការខិតខំប្រឹងប្រែង និងរួមសហការគ្នាយ៉ាងល្អពីសំណាក់អាជ្ញាធរ ក៏ដូចជាកងកម្លាំងមានសមត្ថកិច្ចគ្រប់លំដាប់ថ្នាក់ ដោយមិនគិតពីពេលវេលា ការនឿយហត់ និងគ្រោះថ្នាក់ជាយថាហេតុ។ ជាមួយគ្នានេះ ឯកឧត្តមក៏សូមលើកទឹកចិត្តដល់អាជ្ញាធរ […]