កម្ពុជា ជំរុញការផ្សព្វផ្សាយឲ្យក្លាយជាដែនដីទាក់ទាញនៃការថតភាពយន្តជាតិ និងបរទេស

Phea ra

មហោស្រពភាពយន្តអន្តរជាតិកម្ពុជា គឺជាព្រឹត្តការណ៍ដ៏សំខាន់មួយ ដែលគាំទ្រដល់ផែនការយុទ្ធសាស្រ្ត ក្នុងការផ្សព្វផ្សាយអំពីកម្ពុជាទៅកាន់ពិភពលោក សំដៅជំរុញកម្ពុជា ឱ្យក្លាយជាដែនដីទាក់ទាញនៃការថតភាពយន្តជាតិ និងបរទេស ស្របតាមចក្ខុវិស័យ នៃគោលនយោបាយជាតិស្តីពីវិស័យវប្បធម៌។ នេះបើតាមឯកឧត្តម ហាប់ ទូច រដ្ឋលខាធិការក្រសួងវប្បធម៌ និងវិចិត្រសិល្បៈ ក្នុងពិធីបិទមហោស្រពភាពយន្តអន្តរជាតិកម្ពុជាលើកទី១២ ឆ្នាំ​២០២៣ នៅរោងភាពយន្ត លេជេន អូឡាំព្យា បានធ្វើឡើងកាលពីល្ងាចថ្ងៃទី៤ ខែមិថុនា ឆ្នាំ២០២៣។

មហោស្រពភាពនេះ បានឧបត្ថម្ភគាំទ្រពីស្ថានទូតអូស្រ្តាលី ស្ថានទូតអង់គ្លេស ទីភ្នាក់ងាស្វីសដើម្បីអភិវឌ្ឍន៍ និង​សហ​ប្រតិបត្តិការប្រចាំនៅកម្ពុជា សប្បុរសជន និងដៃគូសហការទាំងអស់ ដើម្បីឱ្យមហោស្រពភាពយន្តអន្តរជាតិ នេះអាច ដំណើរការទៅបានប្រកបដោយជោគជ័យ។

រដ្ឋមន្ត្រីក្រសួងវប្បធម៌ធ្លាប់បានបញ្ជាក់ថា ការទាក់ទាញផលិតករភាពយន្តបរទេស​មកថតខ្សែភាពយន្តនៅកម្ពុជា គឺជាផ្នែកមួយនៃគោលនយោបាយរបស់​ក្រសួងវប្បធម៌​និងវិចិត្រ​សិល្បៈ ក៏ដូចជារាជរដ្ឋាភិបាលកម្ពុជា​ក្នុងពេលបច្ចុប្បន្ន។

សូមជម្រាបថា កម្ពុជាជាទឹកដីសម្បូរបែបមួយ ដែលកន្លងមកធ្លាប់មានភាពយន្តបរទេសមួយចំនួន​ចុះមកថតនៅទីតាំងផ្សេងៗ។ ដូចជារឿង City of Ghosts ថតនៅទីក្រុងភ្នំពេញ​និងលើភ្នំបូកគោ, រឿង Same Same but Different​ ​ថតជាច្រើនកន្លែងក្នុងប្រទេសកម្ពុជា, រឿង Wish You Were Here រឿង Holy Lola​​, រឿង Lara Croft: Tomb Raider សម្ដែងដោយតារាភាពយន្តល្បី​ Angelina Jolie ​ និង Daniel Crai ថតនៅតំបន់អង្គរវត្ត​ខេត្តសៀមរាប, ភាពយន្តរឿង ONODA 10 000 Nights in the Jungle ឬ​ជា​ភាសាខ្មែរ អូណូដា-មួយម៉ឺនរាត្រីនៅក្នុងព្រៃ បានថតនៅតាមតំបន់មួយចំនួន​ក្នុងខេត្តកំពត កែប និងខេត្តព្រះសីហនុ រួមទាំងខ្សែភាពយន្តមួយចំនួនទៀត ត្បិតតែមិនសូវល្បីខ្លាំង តែជាមោទនភាពមួយ​ដែលមានអ្នកផលិតភាពខាងបរទេសចាប់អារម្មណ៍ប្រទេស​កម្ពុជា។

តាមរយៈទេសភាព​ដ៏សម្បូរបែបរបស់កម្ពុជា​ដែលមានបង្ហាញនៅក្នុងខ្សែភាពយន្តទាំងនោះ កម្ពុជាសង្ឃឹមថា នឹងមានផលិតកម្ម​ក៏ដូចផលិតករបរទេសជាច្រើនទៀត ចាប់អារម្មណ៍មកថតខ្សែភាពយន្តនៅកម្ពុជា៕

អត្ថបទ៖ អក្ខរា

អត្ថបទទាក់ទង

សមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) ចូលរួមបរិច្ចាគថវិកា​ ៥០លានរៀល​ ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» ដោយផ្ដោតលើការកសាងផ្លូវក្រវាត់ព្រំដែន

  • ratha
  • សីហា ២៧, ២០២៤
  • 0

តបតាមការប្រកាសរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា សម្រេចបង្កើត «មូលនិធិកសាងហេដ្ឋារចនាសម្ព័ន្ធតាមព្រំដែន» ក្នុងគោលបំណងដើម្បីកៀរគរថវិកាបន្ថែម សម្រាប់កសាងហេដ្ឋារចនាសម្ព័ន្ធតាមបណ្ដោយព្រំដែន ដោយផ្ដោតលើការកសាងផ្លូវក្រវាត់ព្រំដែន ព្រមទាំងបានផ្តល់ឱកាសឱ្យប្រជាពលរដ្ឋខ្មែរគ្រប់មជ្ឈដ្ឋាន ទាំងក្នុង និងក្រៅប្រទេស បានចូលរួមចំណែកដោយផ្ទាល់ជាមួយ រាជរដ្ឋាភិបាលនៅក្នុងបុព្វហេតុការពារ និងអភិវឌ្ឍជាតិ ក្នុងស្មារតីមហាសាមគ្គីជាតិខ្មែរ ដើម្បីថែរក្សា សុខសន្តិភាព អធិបតេយ្យ និងបូរណភាពទឹកដី ក៏ដូចជាការជំរុញការអភិវឌ្ឍ នៅតាមតំបន់ព្រំដែនឱ្យបានកាន់តែរឹងមាំ និងប្រកបដោយចីរភាព។ សមាគមគ្រូពេទ្យស្ម័គ្រចិត្តយុវជនសម្ដេចតេជោ […]

កម្ពុជា និងជប៉ុន ធ្វើផែនការមេរំដោះទឹក និងពង្វាងទឹកចេញពីភ្នំពេញដោយប្រព័ន្ធទំនើប

  • Phea ra
  • មីនា ១៩, ២០២៤
  • 0

ក្រសួងធនធានទឹក និងឧតុនិយម បានឲ្យដឹងនៅថ្ងៃទី១៩ ខែមីនានេះថា ឯកឧត្តម ចាន់ ស៊ីណាត រដ្ឋលេខាធិការក្រសួងធនធានទឹក និងឧតុនិយម បានដឹកនាំកិច្ចប្រជុំជាមួយនឹងអង្គការ JICA ប្រទេសជប៉ុន តំណាងរដ្ឋបាលសាលាក្រុងភ្នំពេញ និងតំណាងក្រសួងសាធារណការ និងដឹកជញ្ជូន ដើម្បីកសាងផែនការការងារមេរំដោះទឹក និងពង្វាងទឹកចេញពីទីក្រុងភ្នំពេញឱ្យមានលក្ខណៈគ្រប់ជ្រុងជ្រោយនិងសង្គតិភាព។ ឯកឧត្ដមបានបញ្ជាក់ថា ផែនការការងារមេនេះត្រូវតែមានស័ក្តិសិទ្ធិភាពក្នុងការប្រតិសកម្មជាមួយនឹងយុទ្ធសាស្រ្តក្នុងការរំដោះទឹក និងពង្វាងទឹកចេញពីរាជធានីភ្នំពេញ របស់ក្រសួងធនធានទឹក និងឧតុនិយម ពីឆ្នាំ២០២៣-២០២៥ ហើយ​​ធ្វើការដោះទឹកជំនន់គ្រប់ប្រភេទដោយប្រព័ន្ធទំនើបកម្មវិស្វកម្មទៅអាងទន្លេមេគង្គក្រោមរហូតដល់សមុទ្រ ដើម្បីកាត់បន្ថយ […]

ភាគីពាក់ព័ន្ធកូរ៉េទាំងអស់ មានទំនុកចិត្តក្នុងការរស់នៅ និងប្រកបអាជីវកម្មនៅកម្ពុជាដោយសុខសុវត្ថិភាព ផ្ទុយពីការផ្សាយរបស់ទូរទស្សន៍កូរ៉េមួយ

  • Phea ra
  • តុលា ៣១, ២០២៤
  • 0

ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានជួបជាមួយតំណាងស្ថានឯកអគ្គរដ្ឋទូតសាធារណរដ្ឋកូរ៉េប្រចាំនៅកម្ពុជា និងវិស័យឯកជនទីផ្សារទេសចរណ៍កម្ពុជា កូរ៉េ កាលពីរសៀលថ្ងៃពុធ ទី៣០ ខែតុលា ឆ្នាំ២០២៤ នៅទីស្តីការក្រសួងទេសចរណ៍។ កិច្ចប្រជុំនេះមានការចូលរួមពីឯកឧត្តម លោកជំទាវ លោក លោកស្រី ថ្នាក់ដឹកនាំក្រសួងទេសចរណ៍ តំណាងស្ថានទូតកូរ៉េប្រចាំនៅកម្ពុជា សមាគមកូរ៉េ សមាគមទេសចរណ៍កម្ពុជា ប្រតិបត្តករទេសចរណ៍ ក្រុមហ៊ុនទេសចរណ៍ វិនិយោគិនកូរ៉េ និងប្រជាជនកូរ៉េដែលរស់នៅ និងប្រកបអាជីវកម្មនៅកម្ពុជា […]