មកដឹងពីប្រវត្តិមិនធម្មតា! នាឡិកាដែលសម្តេចតេជោ ហ៊ុន សែន ពាក់តាំងពីមុនសង្គ្រាម និងកំពុងស្វែងរក

Phea ra

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី១២ ខែឧសភានេះ បានបង្ហាញរូបថតនាឡិកា ដែលសម្តេចពាក់តាំងពីមុនសម័យសង្គ្រាម និងកំពុងខិតខំស្វែងរក ខណៈនាឡិកានេះ មានប្រវត្តិវែងឆ្ងាយជាមួយសម្តេចតាំងពីនៅជាក្មេងវត្ត រហូតដល់ក្លាយជាឧបនាយករដ្ឋមន្ត្រី រដ្ឋមន្ត្រីការបរទេសនាជំនាន់នោះ។

តាមរយៈសំណេរលើបណ្តាញសង្គមសម្តេចតេជោបង្ហោះជាមួយរូបថតសម្តេច ៣សន្លឹកពាក់នាឡិកាដៃនេះបានរៀបរាប់ថា៖ “បានត្រឹមរូបថត! ខ្ញុំបានខិតខំស្វែងរកនាឡិកាដែលខ្ញុំពាក់តាំងពីមុនសង្គ្រាមឆ្នាំ១៩៧០ហើយមកដូរ
ជាមួយបងជា សុីមក្នុងឆ្នាំ១៩៨២។ ម្សិលមុិញខ្ញុំបានទទួលពីបណ្តាញសង្គមនូវរូបថត៣សន្លឹកដែលថតក្នុង១៩៧៩។ នៅក្នុងរូបថតនេះមាននាឡិកាដែលពាក់នៅដៃខ្ញុំនេះហើយជានាឡិកាដែលខ្ញុំកំពុងស្វែងរក។ នាឡិកានេះមានប្រវត្តិវែងឆ្ងាយតាំងពីខ្ញុំនៅជាក្មេងវត្ត។ ប្រហែលចុងឆ្នាំ១៩៦៩ ឬដើមឆ្នាំ១៩៧០ដោយសារព្រះសង្ឃស្តីបន្ទោសរឿងយកចង្ហាន់យឺត ខ្ញុំសម្រេចបោកកូនជ្រូកយកប្រាក់សន្សំបានប្រាក់ជាង ៥០០០រៀលយកទៅទិញនាឡិកា ម៉ាកទីតូនីមួយគ្រឿង។ ប្រហែលដើមខែមិនា១៩៧០ខ្ញុំបានយកនាឡិកានេះទៅប្តូរជាមួយហាងនាឡិកានៅស្រុកមេមត់ដោយយកម៉ាកទីតូនី ដែលមានតម្លៃខ្ពស់ជាងរហូតដល់ ៨៧០០រៀល លុយជំនាន់នោះ(មាសមួយដំឡឹងតម្លៃ៣២០០រៀល)។ ដូចនេះនាឡិកានេះមានតម្លៃស្មើនិងជាង២ដំឡឹងមាសនាពេលនោះ។ នាឡិកានេះ បានជួយខ្ញុំច្រើនមិនឲ្យលោកស្តីបន្ទោសរឿងយកចង្ហាន់យឺត ពិសេសបំរើការក្នុងកងទ័ពរហូតជារដ្ឋមន្តីក្រសួងការបរទេស​១៩៧៩.១៩៨០ និងជាឧបនាយករដ្ឋមន្ត្រីរដ្ឋមន្ត្រីការបរទេស១៩៨១.១៩៨២ មុនពេលប្តូរនាឡិកានេះជាមួយបងជា សុីមក្នុងឆ្នាំ១៩៨២”។

សូមបញ្ជាក់ថា នាឡិកាដៃម៉ាក ទីតូនី (TITONI) ដែលសម្តេចតេជោកំពុងស្វែងរកនេះ ជាប្រភេទនាឡិកាមិនប្រើថ្ម។ តាមការសិក្សាស្រាវជ្រាវជាមួយ Google ក្រុមហ៊ុននាទ្បិកាដៃនោះ បង្កើតទ្បើងនៅឆ្នាំ១៩១៩ ស្ថាបនិកដំបូងមានឈ្មោះថា លោក Fritz Schluep នៅទីក្រុង Grenchen ប្រទេសស្វីស។ សព្វថ្ងៃមានបុគ្គលិកបម្រើការប្រមាណ ៦០នាក់ ដែលជាគ្រួសារជំនាន់ទី៣ របស់ក្រុមហ៊ុន Titoni Ltd. នេះ។

កាលពីខែមេសា ឆ្នាំ២០២១ ក្នុងកិច្ចប្រតិបត្តិការរុករក និងបោសសម្អាតគ្រាប់មិនទាន់ផ្ទុះនៅក្នុងនាវាចម្បាំងមួយ ដែលបានលិចបាត់ទៅក្នុងបាតទន្លេមេគង្គ ក្នុងភូមិសាស្រ្តភូមិវាល ឃុំមានជ័យ ស្រុកស្រីសន្ធរ ខេត្តកំពង់ចាម កងកម្លាំងជំនាញ បានប្រទះឃើញនាឡិកាដៃម៉ាក TITONI នេះ ចំនួន២គ្រឿង ដែលបានលិចទឹកអស់រយៈពេលជាង ៤៦ឆ្នាំទៅហើយ ប៉ុន្តែនៅរក្សាបានរូបរាង ខ្សែគ្មានច្រែះចាប់ ហើយម៉ាស៊ីនអាចដំណើរការបានធម្មតា បន្ទាប់ពីយក​មកដុសលាងសម្អាត ហើយគោះចុះគោះឡើងទៅវាដើរឡើងវិញធម្មតា៕

អត្ថបទ៖ អក្ខរា

អត្ថបទទាក់ទង

សម្តេចក្រឡាហោម ស ខេង អះអាងថា បញ្ហាពលរដ្ឋយកអត្តសញ្ញាណប័ណ្ណទៅបញ្ចាំ ខ្ចីប្រាក់ នឹងលែងមានតទៅទៀត

  • Phea ra
  • មិថុនា ១៣, ២០២៣
  • 0

ករណីយកអត្តសញ្ញាណប័ណ្ណសញ្ជាតិខ្មែរទៅប្រើប្រាស់ខុសគោលដៅ ដូចជា យកទៅបញ្ចាំជាមួយមីក្រូហិរញ្ញវត្ថុ និងខ្ចីប្រាក់ក្រៅប្រព័ន្ធជាដើម សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានមានប្រសាសន៍ថា បញ្ហានេះនឹងលែងមានតទៅទៀត បន្ទាប់ពីសេចក្តីព្រាងច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ត្រូវបានអនុម័តដាក់ឱ្យប្រើប្រាស់ជាផ្លូវការនាពេលដ៏ខ្លីខាងមុខនេះ។ សម្តេចក្រឡាហោមបានលើកឡើងបែបនេះ ក្នុងកិច្ចប្រជុំត្រួតពិនិត្យផលទ្ធផលការអនុវត្តផែនការយុទ្ធនាការផ្តល់អត្តសញ្ញាណប័ណ្ណសញ្ជាតិខ្មែរទុតិយតា នៅថ្ងៃទី១៣ ខែមិថុនា ឆ្នាំ២០២៣នេះ។ សូមបញ្ជាក់ថា សេចក្តីព្រាងច្បាប់ស្តីពី អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម […]

សម្តេចធិបតី ហ៊ុន ម៉ាណែត៖ កម្លាំងដែលអាចការពារបូរណភាពទឹកដី ជាពិសេសតាមបណ្តោយព្រំដែន ប្រកបដោយប្រសិទ្ធភាព គឺប្រជាជន

  • ratha
  • កក្កដា ៣០, ២០២៤
  • 0

តាមរយៈបណ្តាញសង្គមនៅថ្ងៃទី៣០ ខែកក្កដា​ ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានសរសេរថា កម្លាំងដែលអាចការពារបូរណភាពទឹកដី ជាពិ​សេ​ស​តាមបណ្តោយព្រំដែន ប្រកបដោយប្រសិទ្ធភាពនិងចីរភាពយូរអង្វែងបំផុត គឺប្រជាជន មិនមែនកងកម្លាំងប្រដាប់អាវុធទេ។ សម្តេចធិបតី ហ៊ុន ម៉ាណែត បានបន្តថា ហេតុដូច្នេះ ការកសាង អភិវឌ្ឍន៍សេដ្ឋកិច្ចនិងសង្គម រួមទាំងការកសាងហេដ្ឋា​រចនា​សម្ព័នតភ្ជាប់ ក៏ដូចជាការលើកកម្ពស់ជីវភាពរស់នៅរបស់ប្រជាពលរដ្ឋនៅតាមបណ្តោយព្រំដែនគឺជាការចាំបាច់។ ជាមួយគ្នានេះ ឆ្លៀតពេលអត់មានកម្មវិធីផ្លូវការ សម្តេចធិបតី […]

នាយករដ្ឋមន្ត្រីជឿថា ព្រលានយន្តហោះសៀមរាបអង្គរថ្មី នឹងនៅកណ្តាលក្រុងនាពេលឆាប់ៗខាងមុខ

  • Phea ra
  • វិច្ឆិកា ១៦, ២០២៣
  • 0

ព្រលានយន្តហោះសៀមរាបអង្គរបច្ចុប្បន្ន ពិតណាស់នៅឆ្ងាយបន្តិចពីក្រុង ប៉ុន្តែ ខ្ញុំជឿថាក្នុងរង្វង់១០ ២០ឆ្នាំទៀត ទីក្រុងសៀមរាបនឹងរីក ទៅខាងថ្មពួក ដូច្នេះចង់ឬមិនចង់ ព្រលានយន្តហោះនេះនឹងនៅកណ្តាលក្រុងនាពេលឆាប់ៗខាងមុខ។ នេះជាប្រសាសន៍របស់សម្ដេចធិបតី ហ៊ុន ម៉ាណែត នាយករដ្ឋមន្ត្រី ក្នុងពិធីសម្ពោធដាក់ឱ្យប្រើប្រាស់ជាផ្លូវការ «អាកាសយានដ្ឋានអន្តរជាតិសៀមរាបអង្គរ (Siem Reap Angkor International Airport)» នៅព្រឹកថ្ងៃទី១៦ ខែវិច្ឆិកា ឆ្នាំ២០២៣។ សូមជម្រាបថា អាកាសយានដ្ឋានអន្តរជាតិសៀមរាបអង្គរ […]