សម្តេចតេជោ ហ៊ុន សែន បានឲ្យដឹងថា សុខភាពរបស់ឧត្តមភរិយាសម្តេច គឺសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានធូរស្រាលហើយ ដោយចេញពីមន្ទីរពេទ្យទៅសម្រាកនៅសណ្ឋាគារ។
សម្តេចតេជោ ហ៊ុន សែន បានសរសេរបង្ហោះលើបណ្តាញសង្គមនាល្ងាចថ្ងៃពុធនេះយ៉ាងដូច្នេះថា បើទោះជាសម្តេចតេជោកំពុងប្រឈមជាមួយ និងការបាត់បង់បងប្រុសជាទីគោរពស្រឡាញ់នាពេលដ៏ខ្លីខាងមុខនេះក្តី តែសម្តេចបានទទួលព័ត៌មានថា ភរិយាសម្តេចបានធូរស្រាល។
សម្តេចតេជោបានបញ្ជាក់ថា ព្រឹកមុិញគ្រូពេទ្យបានឲ្យភរិយាសម្តេចចេញពីមន្ទីរពេទ្យទៅសម្រាកនៅសណ្ឋាគារ និងត្រឡប់ទៅកាន់មន្ទីរពេទ្យវិញនៅថ្ងៃទី២៩ មីនា ដើម្បីពិនិត្យសាជាថ្មី។
សម្តេចសរសេរបន្ថែមថា យោងលើពេលវេលានេះ សម្តេចគិតថាបើ ទោះភរិយាសម្តេចត្រូវបានអនុញ្ញាតិឲ្យចេញពីមន្ទីរពេទ្យត្រឡប់មកប្រទេសវិញថ្ងៃ២៩ ឬ៣០មិនាក៏សម្តេចកិត្តិព្រឹទ្ធបណ្ឌិត មិនអាចមកទាន់ដង្ហើមចុងក្រោយរបស់បងប្រុសសម្តេចដែលអាចនឹងលាចាកលោកនៅយប់ថ្ងៃទី២៧ឈានចូលថ្ងៃ២៨ស្អែកនេះបានដែរ ដោយសម្តេចបញ្ជាក់ថា តាមព័ត៌មានប៉ាន់ស្មានរបស់គ្រូពេទ្យដែលព្យាបាលបងប្រុសសម្តេច។ តែទោះយ៉ាងណាក៏ សម្តេចបានបន្ថយការលំបាកលើរឿងពីរក្នុងពេលតែមួយដូចពីម្សុិលមុិញ៕
