យុវជនគណបក្សប្រជាជនកម្ពុជាទូទាំងប្រទេស ប្រកាសប្តេជ្ញាកំចាត់ចោលរាល់ជនទាំងឡាយណាដែលប៉ុនប៉ងប្រមាថដល់អាយុជីវិតសម្តេចតេជោ ហ៊ុនសែននិងសម្តេចបវរធិបតី ហ៊ុនម៉ាណែតព្រមទាំងក្រុមគ្រួសារ ទោះបីក្នុងតម្លៃណាក៏ដោយ។
ក្នុងញត្តិរបស់ គណៈកម្មាធិការកណ្តាលយុវជនគណបក្សថា្នក់កណ្ដាល បានប្រកាសថ្កោលទោសដាច់អហង្ការ ចំពោះគម្រោង វាយប្រហារដោយគ្រូន ទៅលើភូមិគ្រឹះរបស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស ប្រជាជនកម្ពុជា និងជាប្រធានព្រឹទ្ធសភានៃព្រះរាជាណាចក្រកម្ពុជា និងក្រុមគ្រួសារ នាទីក្រុងតាខ្មៅ ខេត្តកណ្តាល កាលពីពេលថ្មីៗនេះ ដែលប្រព្រឹត្តដោយក្រុមជ្រុលនិយម តាមការញុះញង់ពីសំណាក់ក្រុមឧទ្ទាមក្រៅប្រទេស។
យុវជនគណបក្សប្រជាជនកម្ពុជា បានបញ្ជក់ថា ការប៉ុនប៉ងធ្វើឃាតលើថ្នាក់ដឹកនាំកំពូលរបស់គណបក្សប្រជាជនកម្ពុជា និងជាថ្នាក់ដឹកនាំនៃព្រះរាជាណាចក្រកម្ពុជា គឺជាអំពើភេរវកម្មប្រឆាំងលើថ្នាក់ដឹកនាំប្រទេសនៃរដ្ឋអធិបតេយ្យមួយ ដែលប្រជាពលរដ្ឋផ្ដល់ការទុកចិត្ត តាមរយៈការបោះឆ្នោតស្របច្បាប់។
យុវជនគណបក្សប្រជាជនកម្ពុជា ចាត់ទុកសកម្មភាពនេះរៀបចំឡើងក្នុងចេតនាប៉ុនប៉ងបំផ្លាញកម្ពុជាសាជាថ្មី តាមរយៈការបង្កអស្ថិរភាពសង្គម បំផ្លាញនូវសន្តិភាព ស្ថិរភាពនយោបាយ និងសេចក្តីសុខសាន្តរបស់ប្រជាជន ។ ទន្ទឹមនេះ យុវជនគណបក្សប្រជាជនកម្ពុជា បានប្រកាសថា៖ «ទោះបីក្នុងតម្លៃណាក៏ដោយ យើងខ្ញុំទាំងអស់គ្នាសូមប្រកាសប្ដេជ្ញាកំចាត់ចោលរាល់ជនទាំងឡាយណា ដែលប៉ុនប៉ងប្រមាថដល់អាយុជីវិត សម្តេចតេជោ ហ៊ុន សែន និង សម្តេចបវរធិបតី ហ៊ុន ម៉ាណែត ព្រមទាំងក្រុមគ្រួសារ»៕
