អំឡុងបំពេញទស្សនកិច្ចនៅប្រទេសឡាវ សម្តេចតេជោ ហ៊ុន សែន បានទម្លាយសារថា សម្ដេចមានឯកសារជាអក្សរ ជាសំឡេងជាច្រើនរាប់ការនិយាយតាមទូរសព្ទដែលលោក សេង សារី សុំលុយទៅអាមេរិកដើម្បីចូលគៀកជាមួយអ្នកស្រី មួ សុខហួរ លោក អេង ឆៃអៀង និងការសុំជួយបង្កើតគណបក្សផ្ទាល់ផងដែរ។
នៅរាត្រីថ្ងៃទី៦កុម្ភៈម្សិលមិញ បន្ទាប់ពីលោក សេង សារី បាននិយាយភូតកុហកនៅក្នុងកម្មវិធីវិទ្យុអាស៊ីសេរីករណីបែកធ្លាយសារសំឡេងឆ្លងឆ្លើយរវាងសម្ដេចតេជោជាមួយនិងអ្នកវិភាគរូបនេះ សម្តេចតេជោបញ្ជាក់ថា សម្តេចមិនដែលចាត់ទុកលោក សេង សារី ជាចារកម្ម ឬជាចំណាប់ខ្មាំងនោះឡើយតែចាត់ទុកជាអ្នកពិគ្រោះនយោបាយមួយរូប។
នៅព្រឹកថ្ងៃសុក្រនេះ សម្តេចតេជោមានប្រសាសន៍ថា ក្នុងការបង្ហោះសារយប់មុិញសម្តេចបាននិយាយថា មិនបញ្ចេញនូវសារឆ្លងឆ្លើយរវាងសម្តេចនិងលោក សេង សារី ទេដោយយល់ដល់ទំនាក់ទំនងឪពុកនិងកូន។ ប៉ុន្តែសម្តេចក៏អាចនឹងបង្ហោះសារឆ្លងឆ្លើយទាំង២៩៥នៃសារក្នុងករណីលោក សេង សារី ឈានហួសបន្ទាត់ក្រហមដោយចាត់ទុកសម្តេចជាសត្រូវ។
សម្តេចតេជោបានគូសបញ្ជាក់ថា នៅពេលខ្ញុំបញ្ចេញនូវសារនេះទាំងសម្លេងទាំងសំណេរ សម្តេចនិងបញ្ចេញតាមChannel telegram របស់សម្តេចដែលសមាជិកជាង៨០មុឺននាក់។ សហការីរបស់សម្តេចបានតម្រៀមសារទាំង
នេះតាមលំដាប់លំដោយរួចហើយ សម្តេចគ្រាន់តែforward ចូលទៅchannel telegram ជាការស្រេច។
សម្តេចតេជោប្រធានព្រឹទ្ធសភាបានថ្លែងបញ្ជាក់បន្ថែមថា ពេលសារចេញទៅគេអាចវាយតម្លៃបានប្រៀបជាមួយការនិយាយរបស់លោក សេង សារី ជាមួយអាសុីសេរីយប់មិញនេះ៕
