ប្រជាពលរដ្ឋខ្មែរនៅក្នុងប្រទេស និងក្រៅប្រទេស បានចេញមកប្រតិកម្មខ្លាំងៗ និងទទូចសូមក្រសួងការបរទេស និងរដ្ឋាភិបាលភិបាលកូរ៉េ ចាត់វិធានការច្បាប់លើបុគ្គលឈ្មោះ ប៊ុត វីឆៃ រហស្សនាម«អាចារ្យហ្វី» ដែលបានសម្តីប្រមាថលើថ្នាក់ដឹកនាំកម្ពុជា និងប្រមាថមើលងាយមកលើជនពិការ។
លោក សូរ មុនីឬទ្ធ ដែលគណនីfacebooK (សូរ មុនីឬទ្ធ/So Mony Rith) បានលើកឡើងថា សម្រាប់ការប្រើប្រាស់ពាក្យប្រមាថមើលងាយដ៏អាក្រក់របស់បុគ្គលឈ្មោះ ប៊ុត វីឆៃ រហស្សនាម «អាចារ្យហ្វី» មកលើថ្នាក់ដឹកនាំជាតិកម្ពុជា ដែលមានពិការភាព គឺមិនអាចទទួលបាននោះឡើយ។ ក្នុងនាមពលរដ្ឋខ្មែរមួយរូប លោកបានស្នើសុំដល់ក្រសួងការបរទេសកម្ពុជា ធ្វើការជាមួយរដ្ឋាភិបាលកូរ៉េ ដើម្បីចាត់វិធានការលើបុគ្គលមានរហស្សនាម អាចារ្យហ្វី ដែលកំពុងបម្រើការងារនៅក្នុងប្រទេសកូរ៉េខាងត្បូង។
ដោយឡែក គណនីfacebook ឈ្មោះ Vi Sal ក៏បានលើកឡើងដែរថា សម្តីប្រមាថមើលងាយ លើជនមានពិការភាព គឺត្រូវបានគេហាមប្រាម និងថ្កោលទោសដាច់អហង្កា។ សម្រាប់ការប្រើប្រាស់ពាក្យប្រមាថមើលងាយដ៏អាក្រក់របស់បុគ្គលឈ្មោះ ប៊ុត វីឆៃ រហស្សនាម «អាចារ្យហ្វី» គឺមិនអាចទទួលបាននោះឡើយ។ លោកក៏បានទទូចក្រសួងការបរទេសកម្ពុជា និងរដ្ឋាភិបាលភិបាលកូរ៉េ ចាត់វិធានការច្បាប់លើបុគ្គលរូបនេះ និងអំពាវនាវដល់ពលរដ្ឋខ្មែរដែលស្អប់ខ្ពើមការប្រមាថដ៏អាក្រក់លើថ្នាក់ដឹកនាំជាតិ សូមរួមគ្នាធ្វើសំណើទៅកាន់ស្ថានទូតកូរ៉េនៅកម្ពុជា ដើម្បីឱ្យរដ្ឋាភិបាលកូរ៉េខាងត្បូង ចាត់វិធានការលើទង្វើអសិលធម៌របស់ជននេះ។
គួរបញ្ជាក់ថា ក្នុងគោលដៅការពារ និងលើកកម្ពស់សិទ្ធិជនពិការក្នុងព្រះរាជាណាចក្រកម្ពុជា កម្ពុជាបានបង្កើតច្បាប់ស្តីពីកិច្ចការពារ និងលើកកម្ពស់សិទ្ធិជនពិការ នៅឆ្នាំ២០០៩ ។ ច្បាប់នេះមានគោលបំណង ដូចជា ការពារសិទ្ធិ និងសេរីភាពរបស់ជនពិការ,ការពារផលប្រយោជន៍ជនពិការ ,ទប់ស្កាត់ កាត់បន្ថយ និងលុបបំបាត់ការរើសអើងជនពិការ ,ស្តារកាយសម្បទា សតិបញ្ញា និងវិជ្ជាជីវៈ ដើម្បីធានាលទ្ធភាពក្នុងការចូលរួម ដ៏ពេញលេញ និងដោយស្មើភាពនៃជនពិការក្នុងសកម្មភាពនានារបស់សង្គម ។
អត្ថបទ៖ ពុទ្ធិកា
