ឯកឧត្តម វ៉ី សំណាង អភិបាលខេត្តខេត្តតាកែវ បានដឹកនាំកម្លាំងចម្រុះគណៈបញ្ជាការឯកភាពរដ្ឋបាលខេត្ត កម្លាំងស្នងការនគរបាល កម្លាំងកងរាជអាវុធហត្ថ កម្លាំងតំបន់ប្រតិបត្តិការសឹករងខេត្ត និងគណៈបញ្ជាការឯកភាពរដ្ឋបាលស្រុកគិរីវង់ ឡើងកាប់ដុតបំផ្លាញដំណាំកញ្ឆាខុសច្បាប់ បានចំនួន ៧ទីតាំង ក្នុងស្រុកគិរីវង់ ខេត្តតាកែវ នៅព្រឹកថ្ងៃអាទិត្យ ទី០២ ខែកុម្ភៈ ឆ្នាំ២០២៥ ។
ប្រតិបត្តិការនេះ គឺបានកាប់ដុតបំផ្លាញដើមកញ្ឆា ៣៣៦៥ដើម ស្មើនឹង ១៨៩០ម៉ែត្រការ៉េ និង ៦អាងទឹក នៅចំណុចថ្មចង្រ្កាន ជួរ ភ្នំបាយ៉ង់កោរ ស្ថិតក្នុងភូមិព្រៃធំ ឃុំព្រះបាទជាន់ជុំ ស្រុកគិរីវង់ ខេត្តតាកែវ ។
គួរបញ្ជាក់ថា សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា កាលពីឆ្នាំ២០២៤ កន្លងទៅ ធ្លាប់បានប្រកាសមិនអនុញ្ញាតឱ្យមានការដាំកញ្ឆានៅកម្ពុជានោះឡើយ ដោយសម្តេចបានលើកឡើងថា ការដាំកញ្ឆានេះសម្រាប់កម្ពុជា វាមិនមានចំនេញអ្វីនោះទេ ។ សម្តេចក៏បានបញ្ជូនសារទៅអ្នកដែលចង់ធ្វើការនិយោគមកពីក្រៅប្រទេស សុំមកដាក់ទុនធ្វើការវិនិយោគដាំកញ្ឆានៅកម្ពុជា កុំចំណាយពេលវេលា ជិះយន្តហោះមកអី អត់ប្រយោជន៍នោះទេ មិនបាច់មកទេ៕
អត្ថបទ៖ ពុទ្ធិកា ,រូបភាព៖ ផេកឯកឧត្តម វ៉ី សំណាង
