បុគ្គលមានវ័យចំណាស់ សម រង្សី កំពុងកេងចំណេញសារនយោបាយពីសពអតីតអ្នកតំណាងរាស្រ្តលោក លឹម គឹមយ៉ា ដែលត្រូវបានជនជាតិថៃម្នាក់បាញ់បណ្តាឲ្យស្លាប់នៅកណ្តាលក្រុងបាងកកពេលថ្មីៗនេះ។
គណបក្សនយោបាយក្រៅរដ្ឋាភិបាលនៅកម្ពុជា គូសបញ្ជាក់ថា ទណ្ឌិត សម រង្ស៊ី និងគ្នីគ្នានៅក្រៅប្រទេសកំពុងទាញផលប្រយោជន៍ពីការស្លាប់របស់លោក លឹម គីមយ៉ា ដែលពួកគេព្យាយាមចោទប្រកាន់ និងទម្លាក់កំហុសទៅលើមន្រីរាជរដ្ឋាភិបាលដោយគ្មានមូលដ្ឋាន។
អ្នកតាមដាននយោបាយនៅកម្ពុជាលើកឡើងថា លោក សម រង្សីនិងបក្សពួកកំពុងកេងចំណេញ និងទទួលផលផ្នែកនយោបាយពីសពលោក លឹម គឹមយ៉ា ហើយនិយាយចោទប្រកានទម្លាក់កំហុសមកលើរាជរដ្ឋាភិបាល។
ប៉ុន្មានថ្ងៃក្រោយបាញ់សម្លាប់លោក លឹម គឹមយ៉ា ឃាតករឈ្មោះ ឯកកាឡាក់មផែណយ ដែលជាខ្មាំន់កាំភ្លើងត្រូវបានសមត្ថកិច្ចកម្ពុជាធ្វើការឃាត់ខ្លួននៅស្រុកមោងឬស្សី ខេត្តបាត់ដំបង បន្ទាប់រត់គេចខ្លួនចូលមកកម្ពុជា។ តាមការស្នើសុំពីសមត្ថកិច្ចថៃ សមត្ថកិច្ចកម្ពុជាបានប្រគល់ឃាតករ ឯកកាឡាក់ ផែណយ ទៅប្រទេសថៃដើម្បីអនុវត្តន៍នីតិវិធិកាលពីថ្ងៃទី១១ ខែមករា ឆ្នាំ២០២៥។
អ្នកតាមដានសង្គមនិងនយោបាយបានកត់សម្គាល់ថា គ្រាន់តែកម្ពុជាចាប់ឃាតកបញ្ជូនទៅអោយថៃ គឺបានបញ្ជាក់ពីភាពស្អាតស្អំរបស់ថ្នាក់ដឹកនាំគណបក្សនិងរាជរដ្ឋាភិបាលកម្ពុជាទៅហេីយ។ ដូច្នេះការចោទប្រកាន់ពីលោក សម រង្សុី និងបក្សពួកនៅក្រៅប្រទេសគឺដើម្បីទម្លាក់កំហុសមកលើរាជរដ្ឋាភិបាលប៉ុណ្ណោះ។
ប្រភពដ៏គួរឲ្យទុកចិត្តមួយបានបង្ហើបថា ជនក្បត់ជាតិសម រង្សី ជាមេក្លោងនៅពីក្រោយករណីឃាតកម្ម លោក លឹម គឹមយ៉ា។ ប្រភពដដែលបញ្ជាក់ថា ប៉ូលីសអន្តរជាតិគួរតាមចាប់ជនក្បត់ជាតិសម រង្សី មកទទួលទោសចំពោះទង្វើឧក្រិដ្ឋរបស់ខ្លួន មិនគួរទុកឲ្យដេីរមួលបង្កាច់លាបពណ៌ចោទប្រកាន់ គេតាមអំពើចិត្តទេ៕
