ស្ថានីយ​ប្រព្រឹត្តកម្មទឹ​កកខ្វក់​ទី៣ នៅខេត្តព្រះសីហនុ ដាក់ឱ្យប្រើប្រាស់ជាផ្លូវការ

poth rotha

ស្ថានីយប្រព្រឹត្តកម្មទឹកកខ្វក់ទី៣ ដែលមានសមត្ថភាពផលិតទឹកកខ្វក់បានចំនួន ២០ ០០០ម៉ែត្រគីបក្នុងមួយថ្ងៃ ដាក់ឲ្យប្រើប្រាស់ជាផ្លូវការស្ថិតនៅភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ។

លោក គួច ចំរើន អភិបាលខេត្តព្រះសីហនុ បានលើកឡើងដថា ការសាងសង់ស្ថានីយប្រព្រឹត្តកម្មទឹកកខ្វក់ទី៣ ខេត្តព្រះសីហនុ មានស្ថានីយប្រព្រឹត្តកម្មទី១ ទី២ និងទី៣ គឺឆ្លើយតបទៅនឹងបញ្ហាប្រឈមរបស់ខេត្ត ក្នុងការបញ្ចេញកាកសំណល់ប្រើប្រាស់ដែលមានចំនួនច្រើន និងមានសារធាតុពុលអាចបង្កផលប៉ះពាល់ដល់បរិស្ថានជុំវិញ ដូចជាមនុស្ស សត្វ រុក្ខជាតិ ជីវៈចម្រុះ និងឆ្នេរសមុទ្រជាដើម។ល។ គោលបំណងបន្សុទ្ធទឹកកខ្វក់ ទឹកស្អុយឱ្យក្លាយជាទឹកដែលស្អាតស្របតាមស្តង់ដារបរិស្ថានមុននឹងបញ្ចេញចោលទៅសមុទ្រ ដោយប្រើបចេ្ចកវិទ្យាចុងក្រោយរបស់ MABR ទទួលស្គាល់ថា ជាបច្ចេកវិទ្យាមានស្ថេរភាព ប្រសិទ្ធភាពខ្ពស់។ សន្សំសំចៃថាមពលគ្មានសំឡេងរំខាន និងគ្មានក្លិនប៉ះពាល់ដល់អ្នករស់នៅជុំវិញ។

លោកបន្តថា ស្ថានីយប្រព្រឹត្តកម្មទឹកកខ្វក់ទី៣ បានបើកការដ្ឋានសាងសង់កាលពីថ្ងៃទី១៨ ខែកញ្ញា ឆ្នាំ២០២១ ក្រោមអធិបតីភាពលោក ជា សុផារ៉ា និងបានស្ថាបនារួចរាល់ជាស្ថាពរ នៅថ្ងៃទី៨ ខែសីហា ឆ្នាំ២០២៣។ ស្ថានីយប្រព្រឹត្តកម្មទឹកកខ្វក់ទី៣ មានសមត្ថភាពប្រព្រឹត្តិកម្មទឹកកខ្វក់ក្នុងបរិមាណ ២០.០០០ម៉ែត្រគូប ក្នុងមួយថ្ងៃ ទទួលរងទឹកកខ្វក់ពីតំបន់ទី៥ និងតំបន់ទី៦ មានផ្ទៃដី ២.៦៩០ហិកតា ស្ថិតក្នុងសង្កាត់លេខ៤ សាងសង់ដោយក្រុមហ៊ុន អិកវ៉ធើរ ថេកណឡជី (XWATER TECHNOLOGY CO.,LTD) ចំណាយថវិកា សរុបចំនួន ១៩.៩៥៩.៩០០ដុល្លារអាមេរិក។

ដំណើរការប្រព្រឹត្តកម្មទឹកកខ្វក់របស់ស្ថានីយ៍នេះ បែងចែកជា ៩ដំណាក់កាលសំខាន់ៗដូចខាងក្រោម ៖ ១.​អាង​ចម្រោះបឋម ដកសំរាមទំហំធំជាង ២០mm និងបូមទឹកកខ្វក់បញ្ជូនទៅអាងចម្រោះទី២ ។ ២.អាងចម្រោះទី២ បន្តដកសំរាមធំជាង ១mm និងដកខ្សាច់ ដើម្បីធានានូវដំណើរការរបស់ MABR អោយមានប្រសិទ្ធភាពខ្ពស់។ ៣.អាង SELECTOR ទទួលភក់សកម្មប្រើប្រាស់ឡើងវិញ និងបន្តក់សារធាតុចិញ្ចឹមក្នុងករណីខ្វះភក់សកម្ម។ ៤.អាងភ្នាសជីវសាស្ត្រ (MABR) ជាស្នូលនៃដំណើរការប្រព្រឹត្តកម្មទឹកកខ្វក់ មាននាទីដកសារធាតុពុល។ ៥.អាង CAS ដកសារធាតុពុលដែលនៅសេសសល់។ ៦.អាងពង្រឹង CLARIFIER ញែកទឹក និងភក់សកម្ម។ ៧.អាងសំបុកឃ្មុំ (LAMELLAR) ធ្វើឱ្យទឹកថ្លា ដោយការប្រើប្រាស់សារធាតុបណ្ដុំកករ PAC និង PAM។ ៨.អាងបង្ខាប់ភក់ និងអាងស្តុកភក់ ភក់នេះត្រូវបានបញ្ជូនទៅម៉ាស៊ីនកៀបភក់។ ៩.ប្រព័ន្ធ UV កំចាត់បាក់តេរីដែលនៅសេសសល់៕

អត្ថបទទាក់ទង

សម្តេច​តេជោ​ ហ៊ុន​ សែន​៖​ ការសម្រេចបាននូវសមិទ្ធផលជាប្រវត្តិសាស្ត្រ​ «ព្រែកជីកហ្វូណនតេជោ» គឺដោយសារតែកម្លាំងមហាជនមានការគាំទ្រយ៉ាងផុសផុល

  • poth rotha
  • កក្កដា ២៧, ២០២៤
  • 0

នៅថ្ងៃទី៥ ខែសីហា​ ឆ្នាំ២០២៤ ខាងមុខនេះ ប្រទេសកម្ពុជានឹងអបអរសាទរក្នុងឱកាសនៃពិធីបើកសម្ពោធការដ្ឋានសាងសង់ព្រែកជីកហ្វូណនតេជោ ដែលជាព្រែកជីកប្រវត្តិសាស្ត្រ​របស់ប្រទេសកម្ពុជា។ គិតត្រឹមថ្ងៃសៅរ៍នេះ​ នៅសល់ ០៩ ថ្ងៃទៀត ដល់ថ្ងៃបើកការដ្ឋានសាងសង់ ព្រែកជីកហ្វូណនតេជោ ក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ។ សម្តេច​តេជោ​ ហ៊ុន​ សែន​ បានលេីកឡេីងលេីបណ្តាញសង្គមផ្លូវការថា​ “ការសម្រេចបាននូវសមិទ្ធផលជាប្រវត្តិសាស្ត្រនេះ គឺដោយសារតែកម្លាំងមហាជនមានការគាំទ្រយ៉ាងផុសផុល លេីគម្រោងព្រែកជីកជាប្រវត្តិសាស្ត្រមួយនេះ ដើម្បីបម្រើដល់សង្គម […]

ចលនាបំពុលសង្គម​កំពុងផុសផុលខ្លាំង ខណៈនាយកដ្ឋានជំនាញហាក់ទម្លាក់ដៃ

  • Phea ra
  • មេសា ២៦, ២០២៤
  • 0

បច្ចុប្បន្ន ចលនាបំពុលសង្គម​តាមបណ្ដាញសង្គមហ្វេសប៊ុក​មានលក្ខណៈផុសផុលជាខ្លាំង​ខណៈនាយកដ្ឋានប្រឆាំងបទល្មើសបច្ចេកវិទ្យា​ពុំមានសកម្មភាពអ្វីគួរឲ្យកត់សំគាល់​និងហាក់មិនខ្វាយខ្វល់។ ថ្មីៗនេះ គេសង្កេតឃើញថា នៅលើបណ្ដាញសង្គមហ្វេសប៊ុក កំពុងមានចលនាប្រឆាំងប្រភេទបន្លែ និងម្ហូបមួយចំនួន ដែលនាំខាតប្រយោជន៍អ្នកដាំ​និងកសិផល។ ជុំវិញបញ្ហានេះ អ្នកតាមដានសង្គម បានលើកឡើងថា ជនល្មើសអាចធ្វើសកម្មភាពបំពុលសង្គមតាមបណ្ដាញសង្គមហ្វេសប៊ុក​បានគ្រប់ពេលដោយគ្មានទោស​ដោយសារតែនាយកដ្ឋានប្រឆាំងបទល្មើសបច្ចេកវិទ្យាវិទ្យា​ដែលជានាយកដ្ឋានជំនាញលេីការងារបង្ក្រាបបទល្មើសទាំងនេះ មិនធ្វេីសកម្មភាព។ យ៉ាងណាក៏ដោយ ការបង្ហោះឬចែកចាយ ទោះជាចេតនា ឬអចេតនាក្ដី អាចប្រឈមនឹងច្បាប់នូវរាល់ការផ្សព្វ​ផ្សាយ​ក្លែងបន្លំណាដែលបង្កឱ្យមានភាពចលាចលដល់សង្គម។ អ្នកប្រើប្រាស់បណ្តាញសង្គម គួរជៀសវាងការរកនឹកធ្វេីអ្វីដែលល្ងង់ខ្លៅ​នាំប៉ះពាល់ផលប្រយោជន៍ជាតិ ​និងសង្គម​ហេីយគប្បីយកពេលវេលា​និងចំណេះដឹងរបស់ខ្លួន ផ្សព្វផ្សាយតំបន់ទេសចរណ៍​ លេីកកម្ពស់ផលិតផលកសិកម្មគ្រប់ប្រភេទ ឬលេីកកម្ពស់តែអ្វីដែលក្រុមអ្នកចូលចិត្តជាដើម។ ទន្ទឹមនឹង […]

មូលនិធិគន្ធបុប្ផាកម្ពុជា រៀបចំយុទ្ធនាការ «១ម៉ឺនរៀល ១ម៉ឺននាក់» សម្រាប់កុមារកម្ពុជា

  • Phea ra
  • ឧសភា ២៩, ២០២៣
  • 0

ដើម្បីអបអរសាទរ ទិវាកុមារអន្តរជាតិ ១មិថុនា មូលនិធិគន្ធបុប្ផាកម្ពុជានឹងរៀបចំយុទ្ធនាការ «១ម៉ឺនរៀល ១ម៉ឺននាក់» សម្រាប់កុមារកម្ពុជា រយៈពេល៣០ថ្ងៃ ចាប់ពីថ្ងៃទី១ ដល់ថ្ងៃទី៣០ ខែមិថុនា ឆ្នាំ២០២៣។ យុទ្ធនាការនេះ គឺជាយុទ្ធនាការប្រចាំឆ្នាំ ដែលត្រូវបានរៀបចំឡើងក្នុងគោលបំណងកៀរគរការបរិច្ចាគ ទោះតិចក្តី ច្រើនក្តី ពីសប្បុរសជននានាទាំងក្នុង និងក្រៅប្រទេស ដើម្បីរួមគ្នាផ្តល់ក្តីស្រលាញ់ដល់កុមារនៅកម្ពុជា ជាពិសេសក្នុងឱកាស ទិវាកុមារអន្តរជាតិ ១មិថុនា ហើយយុទ្ធនាការនេះ ត្រូវបានរៀបចំម្តងរួចមកហើយ […]