ស្ថិតិរបស់មន្ទីរទេសចរណ៍ខេត្តសៀមរាប បានឲ្យដឹងថា អ្នកទេសចរចូលរួមកម្សាន្តក្នុងពិធីបុណ្យទន្លេលើកទី៨ នៅខេត្តសៀមរាប នៅថ្ងៃទី១ គឺនាថ្ងៃទី១៥ ខែមីនា មានទេសចរសរុបប្រមាណ ១៦០.២៧២នាក់ ក្នុងនោះ ទេសចរជាតិ ប្រមាណ ១៥០.០០០នាក់ ក្នុងនោះបងប្អូនប្រជាពលរដ្ឋក្នុងខេត្តសៀមរាប ប្រមាណ ៦៥.០០០នាក់ និងទេសចរបរទេស ប្រមាណ ១១.២៧២នាក់។
ថ្ងៃទី២ នាថ្ងៃទី១៦ ខែមីនា មានទេសចរសរុបប្រមាណ ២៩៦.២៧៩នាក់ ក្នុងនោះ ទេសចរជាតិ ប្រមាណ ២៨៥.០០០នាក់ ក្នុងនោះបងប្អូនប្រជាពលរដ្ឋក្នុងខេត្តសៀមរាប ប្រមាណ ១៥៨.០០០នាក់ និងទេសចរបរទេសប្រមាណ ១១.២៥៥នាក់។
នៅថ្ងៃទី៣ ថ្ងៃទី១៧ ខែមីនា មានទេសចរសរុបប្រមាណ ៩៦.២៤៣នាក់ ក្នុងនោះ ទេសចរជាតិ ប្រមាណ ៨៥.០០០នាក់ (ក្នុងនោះបងប្អូនប្រជាពលរដ្ឋក្នុងខេត្តសៀមរាប ប្រមាណ ៥៨.០០០ នាក់) និងទេសចរបរទេសប្រមាណ ១១.២៤៣នាក់។
សរុបរយៈពេលបីថ្ងៃ ចាប់ពីថ្ងៃទី១៥-១៧ ខែមីនា ឆ្នាំ២០២៤ មានទេសចរសរុបប្រមាណ ៥៥៣.៧៩៤នាក់ រួមមាន ទេសចរជាតិ ប្រមាណ ៥២០.០០០នាក់ ក្នុងនោះបងប្អូនប្រជាពលរដ្ឋក្នុងខេត្តសៀមរាបប្រមាណ ២៨១.០០០ នាក់ និងទេសចរបរទេស ប្រមាណ ៣៣.៧៧០នាក់៕
