មានសង្ឃឹមហើយ! ជប៉ុនសុំទីតាំង ដើម្បីធ្វើជាគម្រោងគំរូលើការអភិវឌ្ឍប្រព័ន្ធធារាសាស្ត្រ​និងកសិកម្មជនបទ នៅកម្ពុជា

Phea ra

ឯកឧត្តម ពេជ្រ វាសនា អនុរដ្ឋលេខាធិការក្រសួងធនធានទឹក​និងឧតុនិយម​និងមន្ត្រីបច្ចេកទេសក្រសួង​បានជួបពិភាក្សាការងារជាមួយប្រតិភូ​សមាគមកុងស៊ុលតង់ជប៉ុន​សម្រាប់ការអភិវឌ្ឍវិស័យកសិកម្ម (ADCA) ដឹកនាំដោយលោក KUMAGAI Toru​ ​នៅថ្ងៃទី២២ ខែមករា​ឆ្នាំ២០២៤ នៅទីស្តីការក្រសួង។

ឯកឧត្តមបានឱ្យដឹងថា​គោលបំណងសំខាន់របស់ ADCA គឺសិក្សាប្រមូលទិន្នន័យ និង​ព័ត៌មានស្តីពីស្ថានភាពប្រព័ន្ធធារាសាស្ត្រ និងការអភិវឌ្ឍហេដ្ឋារចនាសម្ព័ន្ធជនបទនៅកម្ពុជា ដើម្បីរៀបចំ​គម្រោង​គំរូគ្រប់ជ្រុងជ្រោយលើការអភិវឌ្ឍប្រព័ន្ធធារាសាស្ត្រ​ និងកសិកម្មនៅជនបទ​សម្រាប់ស្នើសុំទៅ​រាជរដ្ឋាភិបាលជប៉ុនតាមរយៈជំនួយអភិវឌ្ឍផ្លូវការជប៉ុន (Japan Official Development Assistant)។

ក្នុងកិច្ចជំនួប​ក្រុមសមាគមកុងស៊ុលតង់ជប៉ុនសម្រាប់ការអភិវឌ្ឍវិស័យកសិកម្ម​(ADCA) បានស្នើសុំឱ្យក្រសួងធនធានទឹក និងឧតុនិយម​ផ្តល់កិច្ចសហការដើម្បីកំណត់ទីតាំងប្រព័ន្ធធារាសាស្រ្ត​សម្រាប់ជ្រើសរើសយកមកធ្វើជាគម្រោងគំរូ និងចុះពិនិត្យដល់ទីតាំងជាក់ស្តែងតែម្តង។

គួរបញ្ជាក់ថា​គម្រោងដែលត្រូវរៀបចំស្នើសុំទៅរាជរដ្ឋាភិបាលជប៉ុនមានរយៈពេល​៥ឆ្នាំ​ចាប់ផ្តើមពីឆ្នាំ២០២៥ រហូតដល់ឆ្នាំ២០៣០៕

អត្ថបទទាក់ទង

កូនប្រុសសម្តេចធិបតី ហ៊ុន ម៉ាណែត បន្តរក្សាតំណែងចំណាត់ថ្នាក់លេខ១ ក្នុងកម្មវិធីប្រលងគណិតវិទ្យាលំដាប់ពិភពលោក

  • Phea ra
  • មករា ២០, ២០២៤
  • 0

កូនប្រុសរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា កុមារា រិទ្ធិសិទ្ធិ ទទួលបានចំណាត់ថ្នាក់លេខ១ ក្នុងការប្រលងគណិតវិទ្យា ក្នុងកម្មវិធី CARIBOU MATHEMATICS CONTEST ក្នុងចំណោមអ្នកចូលរួម ២,២៧៩​នាក់​ មកពីបណ្តាប្រទេសផ្សេងៗក្នុងពិភពលោកក។ នេះបើយោងតាមគណនីហ្វេសប៊ុកផ្ទាល់របស់ សម្តេចនៅថ្ងៃទី​២០ ខែមករា ឆ្នាំ២០២៤។ សម្តេចធិបតី ហ៊ុន ម៉ាណែត បង្ហោះសារលើបណ្តាញសង្គមផ្លូវការយ៉ាងដូច្នេះថា៖ « ថ្ងៃនេះបានទទួលថាមពលពេញ […]

សម្តេចតេជោ ហ៊ុន សែន ចង់ឲ្យជប៉ុនវិនិយោគលើការកែច្នៃវត្ថុធាតុដើម តម្លើងរថយន្ត គ្រឿងបង្គុំអេឡិចត្រូនិច និងថាមពល

  • Phea ra
  • កញ្ញា ១៣, ២០២៣
  • 0

សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានលើកទឹកចិត្ត និងឆ្លើយតបជាវិជ្ជមានចំពោះការគាំទ្រលើការវិនិយោគ ស្របតាម ច្បាប់វិនិយោគកម្ពុជា ហើយបានបញ្ជាក់អំពីគោលបំណងចង់ឱ្យវិនិយោគិនជប៉ុន វិនិយោគលើវិស័យសំខាន់ៗពីរ រួមមាន៖ (១) ការបង្កើតរោងចក្រ ដើម្បីកែច្នៃវត្ថុធាតុដើមដែលមានស្រាប់នៅកម្ពុជា និង(២) បច្ចេកវិទ្យា កម្រិតខ្ពស់ ដូចជារោងចក្រតម្លើងរថយន្ត គ្រឿងបង្គុំអេឡិចត្រូនិច និងថាមពលជាដើម។ នេះបើតាមការឲ្យដឹងក្នុងជំនួបសម្ដែងការគួរសម និងពិភាក្សាការងាររវាងសម្តេចតេជោ ហ៊ុន សែន និងឯកឧត្តម​ […]

សម្តេចធិបតី ហ៊ុន ម៉ាណែត និងទូតអូស្ត្រាលី ពិភាក្សាពាក់ព័ន្ធទៅនឹងបញ្ហាក្នុងតំបន់ និងអន្តរជាតិ ដើម្បីជាផលប្រយោជន៍រួម

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី បានអនុញ្ញាតឱ្យ ឯកឧត្តម ចាស្ទីន ខេវិន វ៉ាយអេត (Justin Kevin Whyatt) ឯកអគ្គរដ្ឋទូតអូស្ត្រាលីប្រចាំកម្ពុជា ចូលជួបសម្តែងការគួរសម និងពិភាក្សាការងារ នៅវិមានសន្តិភាព នាព្រឹក ថ្ងៃទី២២ ខែមករា ឆ្នាំ២០២៤