អង្គភាពអ្នកនាំពាក្យរាជរដ្ឋាភិបាល ចេញសេចក្ដីប្រកាសព័ត៌មាន ស្ដីពីជោគជ័យ នៃដំណើរចូលរួមរបស់សម្ដេចធិបតី ហ៊ុន ម៉ាណែត ក្នុងវេទិកាខ្សែក្រវាត់ និងផ្លូវ លើកទី៣ នៅសាធារណរដ្ឋប្រជាមានិតចិន ចាប់ពីថ្ងៃទី១៦ ដល់ថ្ងៃទី១៩ ខែតុលា ឆ្នាំ២០២៣។
អង្គភាពអ្នកនាំពាក្យរាជរដ្ឋាភិបាល បានបញ្ជាក់ថា ជារួម ដំណើរអញ្ជើញចូលរួមវេទិកាខ្សែក្រវាត់ និងផ្លូវ លើកទី៣ សម្រាប់កិច្ចសហប្រតិបត្តិការអន្តរជាតិ នៅ រដ្ឋធានីប៉េកាំងរបស់ សម្ដេចធិបតី បានទទួលនូវលទ្ធផលយ៉ាងធំធេង ជាពិសេសក្នុងវិស័យសេដ្ឋកិច្ច ពាណិជ្ជកម្ម និងវិនិយោគ ដោយក្រុមហ៊ុនចិនធំៗលំដាប់អន្តរជាតិជាច្រើន ដែលមានទុនវិនិយោគរាប់ពាន់លានដុល្លារអាមេរិក បានអះអាងថានឹងពង្រីកការវិនិយោគ និងមកបោះទុនវិនិយោគលើវិស័យសំខាន់ៗជាច្រើន នៅប្រទេសកម្ពុជា៕
