ក្រសួងប្រកាសបិទនិងដកហូតការបន្តសុពលភាពក្រុមហ៊ុនឧកញ៉ា អ៊ុច សម្បត្តិ ក្រោយរកឃើញចែកចាយផលិតផលប៉ះពាល់សុខភាព

poth rotha

ក្រសួងសុខាភិបាល សម្រេចបិទ​និងដកហូតសេចក្តីសម្រេចស្តីពីការបន្តសុពលភាពគ្រឹះស្ថានអាហរ័ណ​ នីហរ័ណឱសថ​ គ្រួសារកក់ក្តៅ​ ឯ.ក​ (KROUSAR KORKDAO CO.,LTD.) ដែលគេស្គាល់ថាជារបស់ឧកញ៉ា អ៊ុច សម្បត្តិ កាលពីថ្ងៃអាទិត្យ ទី២៤ ខែកញ្ញា ឆ្នាំ២០២៣។

ក្រសួងសុខាភិបាល បញ្ជាក់ថា ការសម្រេចនិងដកហូតមិនឲ្យក្រុមហ៊ុន គ្រួសារកក់ក្តៅ ធ្វើសកម្មភាពជំនួញតទៀតដោយហេតុក្រុមហ៊ុននេះបានលក់ និងចែកចាយនូវផលិតផលដែលមានសារធាតុដែលធ្វើឲ្យប៉ះពាល់សុខភាពអ្នកប្រើប្រាស់។

លើសពីនេះ ក្រសួងថា ក្រុមហ៊ុននេះបានផ្លាស់ប្តូរទីតាំងក្រុមហ៊ុនពុំបានអនុញ្ញាតិពីក្រសួងសុខាភិបាល ហើយបានលក់ផលិតផលដល់អតិថិជននៅក្រៅឪសថស្ថានស្របច្បាប់។

បន្ថែមទៀតនោះ ក្រុមហ៊ុនឧកញ៉ា អ៊ុចសម្បត្តិ មិនបានគោរពនិងអនុវត្តតាមខ្លឹមសាររបស់ក្រសួងសុខាភិបាលស្តីពីការលុបលេខបញ្ជីកាផលិតផលបំប៉នសុខភាពរបស់ក្រុមហ៊ុនគ្រួសារកក់ក្តៅកន្លងទៅ ខណៈក្រុមហ៊ុននេះបានប្រកាសពីការប្តឹងតវ៉ាសេចក្តីសម្រេចរបស់ក្រសួងសុខាភិបាលទៅកាន់សមត្ថកិច្ចទៀតផង៕

អត្ថបទទាក់ទង

ក្រសួងមហាផ្ទៃ តម្រូវឲ្យមេភូមិប្តូរពីការកត់ត្រាទិន្នន័យប្រជាពលរដ្ឋដោយក្រដាសស្នាម មកគ្រប់គ្រងតាមប្រព័ន្ធទូរស័ព្ទវិញ

ក្រសួងមហាផ្ទៃ បានដាក់ចេញផែន ការឱ្យក្រុមការងារ ធ្វើការសិក្សាស្រាវជ្រាវ អភិវឌ្ឍកម្មវិធីកត់ត្រា និងគ្រប់គ្រងទិន្នន័យប្រជាពលរដ្ឋនៅមូលដ្ឋាន ភូមិ ឃុំ សង្កាត់ ដើម្បីឈានទៅអនុវត្តនូវកម្មវិធីកត់ត្រានេះ និងគ្រប់គ្រងទិន្នន័យប្រជាពលរដ្ឋនៅមូលដ្ឋាន ភូមិ ឃុំ សង្កាត់ ដោយត្រូវអនុវត្តចាប់ពីភូមិតែម្តង។

ក្រុមហ៊ុនជប៉ុនចំនួនពីរ ចូលខ្លួនមកជួយកម្ពុជាលើការបណ្តុះបណ្តាលជំនាញជួសជុលរថយន្តតាមស្តង់ដាជប៉ុន

  • Phea ra
  • កុម្ភៈ ២, ២០២៤
  • 0

ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ កាលពីរសៀលថ្ងៃទី១ ខែកុម្ភៈ ឆ្នាំ២០២៤នេះ បានជួបពិភាក្សាការងារជាមួយក្រុមហ៊ុនធំៗរបស់ជប៉ុនចំនួន២គឺ Ehime Nissan និង Forval Corporation ចំពោះកិច្ចសហប្រតិបត្តិការបណ្តុះបណ្តាលជំនាញជួសជុលរថយន្តតាមបែបស្តង់ដាជប៉ុននៅកម្ពុជា។ ក្នុងជំនួបដែលធ្វើឡើងនៅទីស្តីការក្រសួង ឯកឧត្តមរដ្ឋមន្ត្រី បានស្វាគមន៍ចំពោះលោក Yutaka Oka ប្រធានក្រុមប្រឹក្សាភិបាលEhime Nissan Group និងលោក Ken […]

ជំនួបតាមទូរស័ព្ទ៖ សម្តេចតេជោ ហ៊ុន សែន និងប្រធានាធិបតីអ៊ុយក្រែន សង្កត់ធ្ងន់ពីការស្វែងរកមធ្យោបាយជាក់ស្តែង ដើម្បីបញ្ចប់សង្គ្រាម និងទុក្ខវេទនារបស់ប្រជាជនអ៊ុយក្រែន

  • Phea ra
  • ឧសភា ២៩, ២០២៣
  • 0

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី២៩ ខែឧសភា ឆ្នាំ២០២៣ អញ្ជើញជួបសន្ទនាតាមទូរស័ព្ទជាមួយ ឯកឧត្តម វ៉ូឡូឌីមៀ ហ្ស៊ែលលិនស្គី (Volodymyr Zelenskyy)។ នេះជាលើកទី២ហើយ ដែលប្រមុខដឹកនាំទាំងពីរបានសន្ទនាគ្នាតាមប្រព័ន្ធទូរស័ព្ទ។ ក្នុងជំនួបនោះ សម្តេចតេជោ ហ៊ុន សែន និងប្រធានាធិបតីអ៊ុយក្រែន បានសង្កត់ធ្ងន់អំពីសារៈសំខាន់នៃការស្វែងរកកិច្ចសន្ទនាតាមមធ្យោបាយជាក់ស្តែង ដើម្បីបញ្ចប់សង្គ្រាម និងទុក្ខវេទនារបស់ប្រជាជនអ៊ុយក្រែន៕ ខាងក្រោមនេះជាសេចក្តីប្រកាសព័ត៌មានពីជំនួបតាមទូរស័ព្ទរវាងសម្តេចតេជោ ហ៊ុន […]