សម្តេចធិបតី ហ៊ុន ម៉ាណែត ផ្ញើសាររំលែកទុក្ខជូនរាជរដ្ឋាភិបាល និងប្រជាជនម៉ារ៉ុក ក្នុងករណីគ្រោះរញ្ជួយដីដ៏កម្រ

Phea ra

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ផ្ញើសាររំលែកទុក្ខជូន រាជរដ្ឋាភិបាល និងប្រជាជនម៉ារ៉ុកក្នុងករណីគ្រោះរញ្ជួយដីដ៏កម្រ។

ក្នុងសារលិខិតរបស់សម្តេចនាយករដ្ឋមន្ត្រីនៃកម្ពុជា ជាភាសាបារាំង ផ្ញើជូនលោក អាហ្សីស អាខាន់ណុច នាយករដ្ឋមន្ត្រីនៃព្រះរាជាណាចក្រម៉ារ៉ុក បានលើកឡើងថា៖ “ក្នុងនាមប្រជាជនកម្ពុជា ក្នុងនាមរាជរដ្ឋាភិបាល និងក្នុងនាមខ្លួនខ្ញុំផ្ទាល់ ខ្ញុំសូមចូលរួមរំលែកទុក្ខដ៏ក្រៀមក្រំបំផុតចំពោះឯកឧត្តម។ ប្រជាជនកម្ពុជាបង្ហាញនូវសាមគ្គីភាពទាំងស្រុងរបស់ពួកគេនៅក្នុងគ្រានៃទុក្ខព្រួយ និងការឈឺចាប់ដែលមិនអាចនិយាយបាន”។

សូមជម្រាបថា ចំនួនអ្នកស្លាប់ដោយសារគ្រោះរញ្ជួយដីកម្រិត ៦.៨ទៅ ៦.៩រ៉ិចទ័រ កាលពីថ្ងៃសុក្រទី ៨​ខែកញ្ញា ឆ្នាំ២០២៣ នៅប្រទេសម៉ារ៉ុក បានកើនឡើងជិត ៣ពាន់នាក់ និងរបួសជាង ២ពាន់នាក់។ នេះជាគ្រោះមហន្តរាយរញ្ជួយដីដែលសម្លាប់មនុស្សច្រើនបំផុតរបស់ប្រទេសនេះ ក្នុងរយៈពេលជាង៦០ឆ្នាំ បន្ទាប់ពីវាបានវាយប្រហារតំបន់ភ្នំ ភាគខាងត្បូងទីក្រុង Marrakesh។

មកទល់ពេលនេះ មានប្រទេសជាច្រើនប្រកាសផ្តល់ជំនួយរួមមាន ចក្រភពអង់គ្លេស អេស្ប៉ាញ កាតា បារាំង សហរដ្ឋអាមេរិក និងតួកគីជាដើម៕

អត្ថបទ៖ អក្ខរា

អត្ថបទទាក់ទង

រាជរដ្ឋាភិបាលនឹងបញ្ចប់ការប៉ុនប៉ងធ្វើបដិវត្តន៍ដីធ្លីនៅកម្ពុជាតាមរយៈការប្រើប្រាស់កម្លាំងសរុបទូទាំងប្រទេស ដើម្បីវាស់វែង និងចេញបណ្ណកម្មសិទ្ធិដីធ្លីជូនប្រជាពលរដ្ឋ 

  • poth rotha
  • កុម្ភៈ ៨, ២០២៤
  • 0

ថ្លែងនាកិច្ចប្រជុំគណៈកម្មការសុរិយោដី និងអាជ្ញាធរជាតិដោះស្រាយទំនាស់ដីធ្លី កាលពីថ្ងៃទី៧ ខែកុម្ភៈម្សិលមិញ ឯកឧត្តម សាយ សំអាល់ ចាត់ទុកការចុះបញ្ជីដីធ្លី គឺជាកិច្ចការប្រវត្តិសាស្ត្រមួយក្នុងការបន្តធ្វើកំណែទម្រង់ដីធ្លីរបស់កម្ពុជា បង្កើតបរិយាកាសគ្មានវិវាទ ក្នុងគោលដៅគ្រប់គ្រង និងអភិវឌ្ឍវិស័យដីធ្លី ឱ្យបានត្រឹមត្រូវ និងកាន់តែមានប្រសិទ្ធភាព

សម្តេចធិបតី ហ៊ុន ម៉ាណែត ទៅទស្សនកិច្ចនៅប្រទេសសិង្ហបុរី

  • ratha
  • មិថុនា ១៨, ២០២៤
  • 0

នៅថ្ងៃទី១៨​ ខែមិថុនា ឆ្នាំ២០២៤ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ព្រមទាំងគណៈប្រតិភូជាន់ខ្ពស់ បានធ្វើដំណើរតាមយន្តហោះពិសេសចេញពីអាកាសយានដ្ឋានអន្តរជាតិភ្នំពេញ ឆ្ពោះទៅកាន់ប្រទេសសិង្ហបុរី ដើម្បីបំពេញទស្សនផ្លូវការរយៈពីរថ្ងៃ គឺនៅថ្ងៃទី១៨ -១៩ ខែមិថុនា  ។

សម្តេចធិបតី ហ៊ុន ម៉ាណែត ប្រកាសគណនី Tik Tok ផ្លូវការផ្ទាល់ខ្លួនសម្រាប់ទំនាក់ទំនងបន្ថែមជាមួយប្រជាពលរដ្ឋ

  • ratha
  • កក្កដា ២៥, ២០២៤
  • 0

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅថ្ងៃទី២៥ ខែកក្កដា ឆ្នាំ២០២៤ បានប្រកាសគណនីតិកតុក (Tik Tok) ផ្លូវការផ្ទាល់ខ្លួន ដែលមានឈ្មោះថា Manet Hun សម្រាប់ទំនាក់ទំនងបន្ថែមជាមួយប្រជាពលរដ្ឋ នៅក្នុងបណ្តាញសង្គមកំពុងមានប្រជាប្រិយភាពនេះ។ សម្តេចធិបតី ហ៊ុន ម៉ាណែត បានសរសេរថា៖ “សូមជម្រាបជូនដល់បងប្អូន អ៊ំពូមីង តាយាយទាំងអស់មេត្តាជ្រាបអំពីគណនីតិកតុក (Tik Tok) […]