បណ្តាញសង្គមផ្លូវការរបស់ឯកឧត្តម ហ៊ុន ម៉ាណែត បន្ថែមពាក្យ Prime Minister of Cambodia ក្រោយសម្តេចតេជោប្តូរទៅជា Hun Sen of Cambodia

Phea ra

Facebook ផ្លូវការរបស់ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីថ្មីកម្ពុជា ដែលមានឈ្មោះថា «Dr. Hun Manet, Prime Minister of Cambodia» ត្រូវបានទទួលស្គាល់ជាផ្លូវការដោយក្រុមហ៊ុន Meta (Facebook)ហើយ ជាមួយនឹងការផ្ដល់សញ្ញាធិកពណ៌ខៀវ «Verified» មានអ្នក like ចំនួន ជាង២.១លាននាក់ និងមានអ្នកតាមដានរហូតដល់ជាង ២.២លាននាក់ មកដល់ថ្ងៃទី១២ ខែសីហា ឆ្នាំ២០២៣នេះ។

ទន្ទឹមនេះ ឆាណែល Telegram ផ្លូវការរបស់ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ដែលមានអ្នកតាមដានរហូតជាង ៣៤ម៉ឺននាក់ គិតត្រឹមថ្ងៃទី១២ ខែសីហា ក៏បានប្តូរទៅជា «Dr. Hun Manet, Prime Minister of Cambodia» ផងដែរ។

ការសម្រេចបន្ថែមពាក្យ Prime Minister នៅលើបណ្តាញសង្គមផ្លូវការរបស់ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ក្រោយពេលដែលសម្តេចតេជោ ហ៊ុន សែន ប្តូរឈ្មោះ Channel telegram ទៅជា Hun Sen of Cambodia បន្ទាប់ពីសម្ដេចបានជួបជាមួយនឹងសមាជិកគណៈរដ្ឋមន្ត្រីអាណត្តិទី៦ និងសមាជិកគណៈរដ្ឋមន្ត្រីអាណត្តិទី៧ថ្មី នៃកម្ពុជា កាលពីរសៀលថ្ងៃទី១០ ខែសីហា ឆ្នាំ២០២៣។

Channel Telegram របស់សម្តេចនេះនៅតែបន្តប្រើប្រាស់ជាធម្មតា ដោយគ្រាន់តែប្តូរឈ្មោះទៅជា Hun Sen of Cambodia វិញម្តង។ ការផ្លាស់ប្តូរឈ្មោះ Channel telegramនេះ ច្បាស់ណាស់ថា បន្តិចទៀតនេះ សម្តេចតេជោ ហ៊ុន សែន នឹងលាលែងពីតំណែងនាយករដ្ឋមន្រ្តីនៃកម្ពុជា ដែលគ្រោងប្រកាសជាផ្លូវការនាថ្ងៃទី២២ ខែសីហាខាងមុខនេះ៕

អត្ថបទ៖ អក្ខរា

អត្ថបទទាក់ទង

សម្តេចធិបតី ហ៊ុន​ ម៉ាណែត អរគុណដល់កងកម្លាំងនិងអាជ្ញាធរទាំង​អស់ ដែលខិតខំរក្សាសន្តិសុខ និងស្ថិរភាពសង្គមជាតិ

  • ratha
  • សីហា ១៩, ២០២៤
  • 0

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអរគុណដល់កងកម្លាំងគ្រប់ប្រភេទ និងអាជ្ញាធរពាក់ព័ន្ធទាំងអស់ ដែលបានខិតខំប្រឹងប្រែងប្រកបដោយ ការទទួលខុសត្រូវខ្ពស់ ដើម្បីរក្សាសន្តិសុខ សណ្ដាប់ធ្នាប់សាធារណៈ  និងស្ថិរភាពសង្គមជាតិកម្ពុជា។ សម្តេចធិបតី ហ៊ុន ម៉ាណែត បានបន្តថា រាជរដ្ឋាភិបាល មានកាតព្វកិច្ចក្នុងការធានាឱ្យបាននូវសុខសន្តិភាព សន្តិសុខ និងសុវត្ថិភាពជូនប្រជាពលរដ្ឋគ្រប់រូប ទោះក្នុងតម្លៃណាក៏ដោយ ដើម្បីរក្សាបាននូវប្រក្រតីភាពនៃការប្រកបរបរប្រចាំថ្ងៃរបស់ប្រជាជន​ និងភាពចម្រុងចម្រើនរបស់ប្រទេសជាតិ ដោយមិនអនុញ្ញាតឱ្យជនណាមួយមកបំផ្លិចបំផ្លាញសន្តិភាព និងបង្កចលាចលសង្គមបានឡើយ។ គួរបញ្ជាក់ថា […]

រដ្ឋមន្រ្តីបរិស្ថាន ជំរុញឲ្យមន្ត្រីសិក្សាស្រាវជ្រាវជីវៈចម្រុះ បេតិកភណ្ឌធម្មជាតិ និងវប្បធ៌មនៅតាមតំបន់ការពារធម្មជាតិ

  • Phea ra
  • ធ្នូ ៦, ២០២៣
  • 0

ឯកឧត្តម អ៊ាង សុផល្លែត រដ្ឋមន្រ្តីក្រសួងបរិស្ថាន នៅក្នុងពិធីបិទសិក្ខាសាលា ស្តីពី «ការត្រួតពិនិត្យការងារឆ្នាំ២០​២៣ និងការរៀបចំផែនការសកម្មភាព ជាយុទ្ធសាស្រ្តសម្រាប់គ្រប់គ្រង តំបន់ការពារធម្មជាតិ ឆ្នាំ២០២៤​-​២០២៨» នៅព្រឹកថ្ងៃពុធទី០៦ ខែធ្នូ ឆ្នាំ២០២៣នេះ បានមានប្រសាសន៍ លើកទឹកចិត្តដល់ថ្នាក់ដឹកនាំ មន្រ្តីរាជការ និងមន្រ្តីឧទ្យានុរក្សទាំងអស់ ឱ្យបន្តខិតខំអនុវត្តឱ្យ បានកាន់តែល្អប្រសើរបន្ថែមទៀត នូវរាល់តួនាទីភារកិច្ចរបស់ខ្លួន និងចូលរួមដោះស្រាយបញ្ហាប្រឈមនានា ប្រកបដោយភាពម្ចាស់ការ មនសិកាវិជ្ជាជីវៈ ការទទួលខុសត្រូវ […]

សកម្មជនបក្សភ្លើងទៀន នៅមូលដ្ឋានខេត្តតាកែវ ១៤រូប ប្រកាសផ្តាច់ខ្លួនពីបក្ស និងសុំរួមរស់ជាមួយគណបក្សប្រជាជនកម្ពុជា

ចរន្តផ្តាច់ខ្លួនពីបក្សប្រឆាំង និងជនក្បត់ជាតិ សម រង្ស៉ី កំពុងពុះកញ្ជ្រោលយ៉ាងខ្លាំង ព្រោះតែអស់សង្ឃឹមនឹងជោគវាសនាបក្សប្រឆាំងដែលចេះតែបែកបាក់គ្នា និងគ្មានគោលនយោបាយច្បាស់លាស់ លើសកម្មភាពនយោបាយ។ ជាពិសេសការធ្វើនយោបាយខ្វះការពិចារណាតែងប្រឆាំងនឹងប្រយោជន៍ជាតិ។ នៅពេលនេះ បេក្ខជនក្រុមប្រឹក្សាគណបក្សភ្លើងទៀន សង្កាត់រកាក្រៅ ចំនួន ៦រូប, អ្នកសង្កេតការណ៍គណបក្សភ្លើងទៀន សង្កាត់រកាក្រៅ ចំនួន ២រូប, អ្នកសង្កេតការណ៍គណបក្សភ្លើងទៀន ឃុំប្រាំងបីមុំ ចំនួន ៥រូប, បេក្ខជនក្រុមប្រឹក្សាគណបក្សភ្លើងទៀន ឃុំព្រៃផ្ដៅ ចំនួន […]