គោរមងារ «កិត្តិទេសាភិបាលបណ្ឌិត» មានន័យថា បណ្ឌិតគ្រប់គ្រងរក្សាប្រទេសប្រកបដោយសេចក្តីថ្កុំថ្កើងរុងរឿង

តំណាងកម្ពុជា ​ឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ (កម្ពុជា) បានអញ្ជើញជាអធិបតីក្នុងពិធីដាំដើមឈើអាស៊ាន ជាមួយតំណាងថៃ ឧត្ដមសេនីយ៍ទោ ផាក់ណា ខ្លែវប្លតធុក មេបញ្ជាការកងទ័ពភូមិភាគទី១ (ថៃ) ជាសហប្រធាន។ ពិធីដាំដើមឈើអាស៊ានប្រចាំឆ្នាំ២០២៣ នៅទីធ្លាសាធារណៈចំណុចកណ្តាលរបស់ភូមិខៅចុងខាប ក្រុមទី១២ ឃុំខ្លងហាត ស្រុកខ្លងហាត ខេត្តស្រះកែវ នៅថ្ងៃទី២៤ ខែសីហា ឆ្នាំ២០២៣ […]

រដ្ឋបាលខេត្តព្រះវិហារ ចេញសេចក្ដីប្រកាសព័ត៌មាន ពាក់ព័ន្ធនឹងការចុះផ្សាយព័ត៌មានថ្មីៗនេះ ដោយភ្ជាប់ជាមួយរូបភាពចាស់ៗ និងកិច្ចសម្ភាសន៍ជាមួយក្រុមប្រជាពលរដ្ឋ ដែលអះអាងថា កំពុងរត់គេចខ្លួនទៅសម្ងំពួនក្នុងព្រៃថា មានកុមារតូចៗ ៧នាក់ធ្លាក់ខ្លួនឈឺក្រោយមានភ្លៀងធ្លាក់។ រដ្ឋបាលខេត្តព្រះវិហារ អំពាវនាវជាលើកទី៣ ក្នុងករណីប្រសិនបើពិតជាមានប្រជាពលរដ្ឋ និងកុមារមួយចំនួនតូច លាក់ខ្លួនក្នុងព្រៃប្រាកដមែន សូមបងប្អូនវិលត្រលប់មកភូមិឋានខ្លួនវិញ អាជ្ញាធរនិងពុំយកទោសពៃបងប្អូននោះទេ ហើយបើបងប្អូនពិតជាមានការខ្វះខាត អាជ្ញាធរនឹងជួយទំនុកបម្រុង។ បើតាមរដ្ឋបាលខេត្តព្រះវិហារ សូមបងប្អូនកុំចាញ់បោកឧបាយកលក្រុមជនមួយក្ដាប់តូចនៅក្រៅប្រទេស ដែលមានគំនិតទុច្ចរិតយកបងប្អូនដើម្បីកេងចំណេញនយោបាយ។ មានតែអាជ្ញាធរដែនដីទេដែលអាចជួយបងប្អូនពិតប្រាកដ៕

អាជ្ញាធរខេត្តតាកែវ គ្រោងនឹងចាប់ផ្ដើមដាំដើមឈើនៅតាមមាត់បឹងតាកែវ នៅពេលឆាប់ៗនេះ ដើម្បីធ្វើយ៉ាងណាកែលម្អសោភ័ណភាពផ្ទៃបឹងតាកែវឱ្យកាន់តែស្រស់បំព្រងមួយកម្រិតទៀត នៅពេលដែលបឹងតាកែវនឹងត្រូវរៀបចំជាទីតាំងបុណ្យទន្លេនៅអំឡុងខែមីនា ឆ្នាំ២០២៥ខាងមុខនេះ។ ថ្លែងនៅក្នុងឱកាសអញ្ជើញចូលរួមនៅក្នុងពិធីរៀបចំវេទិកាស្តីពីការអនុវត្តកំណែទម្រង់វិមជ្ឈការ និងវិសហមជ្ឈការរយៈពេល៣ឆ្នាំ(២០២១ដល់ ២០២៣) របស់ខេត្តតាកែវ នៅព្រឹកថ្ងៃ អង្គារ៍ ទី ១៩ ខែ វិឆ្ឆាកា ឆ្នាំ ២០២៤នេះ ឯកឧត្តម វ៉ី សំណាង អភិបាលខេត្តតាកែវបានថ្លែងថា នៅខែមីនា ឆ្នាំ ២០២៥ខាងមុខនេះ ខេត្តតាកែវ ត្រូវបានជ្រើសរើសជាទីតាំងសម្រាប់ពិធីបុណ្យទន្លេ ដោយយើងជ្រើសរើសយកបឹងតាកែវធ្វើជាទីតាំង ដូច្នោះមន្រ្តីជំនាញពាក់ព័ន្ធ រួមនិងអាជ្ញាធរក្រុងដូនកែវ ត្រូវចូលរួមសហការគ្នាកែលម្អសោភ័ណភាពជុំវិញបឹងតាកែវឱ្យមានសោភ័ណភាពស្រស់បំព្រងជាពិសេសត្រូវចាប់ផ្ដើមដាំដើមឈើតាមមាត់បឹងក្នុងពេលឆាប់ៗ។ ឯកឧត្តម វ៉ី សំណាង បានលើកឡើងបន្ថែមថា ពិធីបុណ្យទន្លេនិងមានភ្ញៀវទេសចរជាតិ និងអន្តរជាតិចូលរួមយ៉ាងច្រើន ដូច្នោះនេះវាជាឱកាសមួយសម្រាប់ខេត្តតាកែវ បង្ហាញពីសក្ដានុពលដែលខេត្តមាន ទៅកាន់ភ្ញៀវទេសចរជាតិ និងអន្តរជាតិ ពិសេសបង្ហាញពីសោភ័ណភាពរបស់ក្រុងដូនកែវ ដែលជាបេះដូងរបស់ខេត្តតាកែវ។ ឯកឧត្តមអភិបាលខេត្តតាកែវ បានធ្វើការណែនាំទៅដល់អាជ្ញាធរក្រុងដូនកែវ និងសមត្ថកិច្ចពាក់ព័ន្ធទាំងអស់ត្រូវត្រៀមខ្លួន និងរៀបចំផែនការ ការពារសណ្ដាប់ធ្នាប់និងថែរក្សាការពារសុវត្ថិភាព សន្តិសុខឱ្យបានល្អប្រសើរនៅក្នុងពិធីបុណ្យទន្លេខាងមុខ៕