នាយករដ្ឋមន្ត្រីឥណ្ឌា Narendra Modi បានអំពាវនាវឲ្យអង្គការសហប្រជាជាតិ UN ធ្វើកំណែទម្រង់សារថ្មី ដើម្បី “ឆ្លុះបញ្ចាំងពីតថភាពជាក់ស្ដែងនៃសង្គមបច្ចុប្បន្ន”។ នេះបើតាមការចុះផ្សាយពី RT។
នៅចំពោះមុខមេដឹកនាំ G7 កាលពីកិច្ចប្រជុំនៅទីក្រុងហ៊ីរ៉ុស៊ីម៉ា លោក Modi បាននិយាយ៖ “ហេតុអ្វីបានជា UN ដែលផ្តើមចេញពីគំនិតបង្កើតសន្តិភាព មិនជោគជ័យក្នុងការទប់ស្កាត់ជម្លោះសព្វថ្ងៃ? ស្ថាប័នដែលបង្កើតឡើងក្នុងសតវត្សមុន មិនស៊ីគ្នាជាមួយប្រព័ន្ធនៃសតវត្សរ៍ទី ២១ នេះឡើយ”។
លោកបានបន្ថែមថា៖ “ពួកគេក៏នឹងត្រូវក្លាយជាសំឡេងរបស់ Global South បើមិនដូច្នេះទេ យើងនឹងបន្តនិយាយតែពីការបញ្ចប់ជម្លោះប៉ុណ្ណោះ។ UN និងក្រុមប្រឹក្សាសន្តិសុខ នឹងនៅតែជាកន្លែងជជែកពិភាក្សា»។
សូមជម្រាបដែរថា នាយករដ្ឋមន្ត្រីឥណ្ឌា ត្រូវបានអញ្ជើញចូលរួមកិច្ចប្រជុំកំពូល G7 នៅទីក្រុងហ៊ីរ៉ូស៊ីម៉ា ក្រោមការអញ្ជើញពីម្ចាស់ផ្ទះ នាយករដ្ឋមន្ត្រីជប៉ុន Fumio Kishida៕
