នៅថ្ងៃទី១៣-១៤ ខែឧសភា ឆ្នាំ២០២៣នេះ ព្រឹត្តិការណ៍ប្រគំតន្រ្តី Cambodia Mega Concert នឹងធ្វើដំណើរមកដល់ទឹកដីខេត្តកំពង់ចាម មកជួបបងប្អូនពុកម៉ែមាមីងទាំងអស់ ជាមួយវត្តមានដ៏កក្រើករបស់កំពូលតារាចម្រៀងល្បីៗប្រចាំប្រទេសកម្ពុជា នៃផលិតកម្មហ្គាឡាក់ស៊ី ណាវ៉ាត្រា។
ព្រឹត្តិការណ៍ប្រគំតន្រ្តីនេះនឹងប្រព្រឹត្តិទៅរយៈពេល០២ថ្ងៃពេញ នៅទីតាំងភូមិប៉ាណា ឃុំសូទិព្វ ស្រុកជើងព្រៃ ខេត្តកំពង់ចាម និងនាំមកនូវជាមួយភាពរំជើបរំជួល សប្បាយរីករាយជាមួយចង្វាក់ភ្លេងនិងចង្វាក់រាំពេញនិយមជាមួយកំពូលតារាចម្រៀងលំដាប់ប្រទេសកម្ពុជាជាច្រើនរូបរបស់ផលិតកម្មហ្គាឡាក់ស៊ី ដែលនឹងចូលខ្លួនមកអង្រួនឆាកប្រគុំតន្រ្តី និងបេះដូងទស្សនិកជនគ្រប់ៗរូប ឱ្យបំភ្លេចមិនបាន។
កំពូលតារាចម្រៀងលំដាប់កំពូលៗដែលនឹងបង្ហាញវត្តមានរួមមានដូចជា ឧកញ៉ា ព្រាប សុវត្ថិ ឧកញ៉ា ខេមរៈ សិរីមន្ត លោក ខេម កញ្ញា តន់ ចន្ទសីម៉ា លោកខាន់ ជេមន៍ លោក គូម៉ា កញ្ញា អ៊ុក សុវណ្ណារី លោក Nak Fake កញ្ញា អេម មី កញ្ញា ហ៊ិន លីដា លោក វង្ស ថាណាន់ តារារ៉េបលោក K-LA និងតារាល្បីៗដទៃទៀតជាច្រើនទៀតដែលកំពុងមានពេញនិយម និងមានឈ្មោះបោះសម្លេងក្នុងចំណោមបងប្អូនទស្សនិកជនទាំងអស់គ្នា។ ក្រៅពីវត្តមានតារាចម្រៀងល្បីៗ បងប្អូនទស្សនិកជនក៏នឹងបានជួបជាមួយពិធីករ-ពិធីការិនី វោហារសាសព្ទមិនចេះរីងស្ងួតផងដែរ។
សហការរៀបចំឡើងដោយក្រុមហ៊ុនស្រាបៀរ Cambodia និងផលិតកម្មហ្គាឡាក់ស៊ី ណាវ៉ាត្រា ព្រឹត្តិការណ៍ Cambodia Mega Concert នេះនឹងមានការផ្សាយបន្តផ្ទាល់ពីកញ្ចក់ទូរទស្សន៍ BTV News ផេកផ្លូវការ Galaxy Navatra និង Cambodia Beer ចាប់ពីម៉ោង៨យប់ តទៅផងដែរ។
កុំខកខានឱ្យសោះ បងប្អូនពុកម៉ែអ្នកកំពង់ចាម មកចូលរួមទស្សនាការប្រគុំតន្រ្តីទាំងអស់គ្នា និងជួបអាយដលសំណព្វចិត្តរបស់ខ្លួន រយៈពេលពីរថ្ងៃពេញ និងក្រេបឱជារសស្រាបៀរកម្ពុជាក្នុងពេលវេលាដ៏សប្បាយរីករាយ។
