ដោយសារមើលឃើញពីភាពឈឺចាប់និងការម៉ាក់ងាយទៅលើភរិយាជាទីស្រឡាញ់ តារាចម្រៀងរ៉េប ជី ដេវីត ចាប់ផ្តើមលេងធម៌ក្តៅ និងប្រកាសចាត់ការតាមផ្នែកច្បាប់ហើយ ដើម្បីទទួលបានយុត្តិធម៌ដល់ក្រុមក្រួសារខ្លួន ។
តារាចម្រៀងរ៉េប ជី ដេវីត បានប្រកាសសារជាថ្មីនៅថ្ងៃទី១០ ខែ កុម្ភះឆ្នាំ២០២៥ នេះថា « សូមគោរពជូនដំណឹងដល់សាធារណជន និង បងប្អូនអ្នកគាំទ្រជាទីស្រឡាញ់អោយបានជ្រាបនូវចំណាត់ការផ្នែកច្បាប់របស់យើងខ្ញុំដែលនឹងចូលជាធរមាននៅថ្ងៃនេះ ។ យើងខ្ញុំនឹងជូនដំណឹងបន្ថែមនូវពេលដែលគ្រប់យ៉ាងទទួលបានដំណោះស្រាយចប់សព្វគ្រប់និងយុត្តិធម៌ ។ ដោយក្តីគោរពពីខ្ញុំ ងួន ចាន់ដាវិត » ។
តារាចម្រៀងរ៉េប ជី ដេវីត ផ្ទុះប្រតិកម្មខ្លាំងបែបនេះបន្ទាប់ពីមានផេកមួយបានយករឿងជីវិតប្តីប្រពន្ធរបស់លោកទៅត្រូលបែបលេងកំប្លែងជាពិសេសទាក់ទងនិងកូនប្រុសរបស់ខ្លួន ដែលធ្វើឱ្យ អ្នកនាង ទេព បូព្រឹក្ស ដែលជាភរិយាប្រតិកម្មខ្លាំង និងបង្ហាញនូវការខឹងសម្បារ និងឈឺចាប់ឥតឧបមា ៕
