ពិធីការិនីស្រគត់ស្រគុំ មិនចេះមាត់ក ហ៊ិន ច័ន្ទនីរ័ត្ន បាន Surprise ស្វាមីនិងអ្នកគាំទ្រទាំងព្រឹកព្រលឹម អំពីដំណឹងល្អរបស់ខ្លួនដែលបានទន្ទឹងជាយូរមកហើយ បន្ទាប់ពីរៀបការបានជាងមួយឆ្នាំ ។
ទីបំផុតក្តីស្រមៃចង់បានកូនរបស់ពិធីការិនិ ហ៊ិន ច័ន្ទនីរ័ត្ន និងស្វាមីបានសម្រេចដូចបំណងប្រាថ្នាហើយ បន្ទាប់ពីនាងបានព្យាយាមរាប់ឆ្នាំ ទើបតែសម្រេចនៅក្នុងឆ្នាំនេះ បន្ទាប់ពីរៀបចំពិធីខួបអាពាហ៍ពិពាហ៍បានមួយឆ្នាំកាលពីពេលថ្មីៗនេះ ។
បន្ទាប់ពី Surprise ស្វាមីជាមួយដំណឹងល្អនេះ ហ៊ិន ច័ន្ទនីរ័ត្ន ក៏បានបង្ហាញពីអារម្មណ៍ពិតរបស់ខ្លួនថា នាងពិតជារំភើបចិត្តខ្លាំងណាស់ដែលបំណងប្រាថ្នាខ្លួនចង់បានកូនឆ្នាំ ម្សាញ់ បានក្លាយជាការពិត មិនថាកូនប្រុសឬកូនស្រីគឺនាងពេញចិត្ត និងរីករាយទទួលស្វាគមន៍សមាជិកថ្មីក្នុងពេលឆាប់ៗខាងមុខ ។ ចំណែកស្វាមីរបស់ ហ៊ិន ច័ន្ទនីរ័ត្ន វិញបានបង្ហាញនូវអារម្មណ៍រំភើបចិត្តលើសពីភរិយាទៅទៀត ហើយបានទាយថា កូនច្បងរបស់ខ្លួនគឺជាកូនប្រុស ។
ថ្វីដ្បិតតែប្រកាសដំណឹងល្អកូនដំបូងរបស់ខ្លួនក្តី ហ៊ិន ច័ន្ទនីរ័ត្ន នៅតែបន្តធ្វើការងារជាពិធីកររបស់ខ្លួនដូចដើម ជាក់ស្តែងនាងទទួលកុងត្រាការងារជាច្រើនទាំងក្នុងកម្មវិធីមង្គលការ និងតាមបណ្តាក្រុមហ៊ុននានា…៕
