មួយរយៈពេលចុងក្រោយនេះ ព្រះនាងតូច ជេនណា បានលេចធ្លោខ្លាំងនៅលើទឹកដីប្រទេស ចិន ដោយបានចូលរួមនូវកម្មវិធីធំៗជាបន្តបន្ទាប់ ជាពិសេសកាលពីពេលថ្មីៗនេះព្រះនាងបានចូលរួមនៅក្នុងកម្មវិធី « The 2025 Spring Festival Gala of Yunnan Province”នៅខេត្ត Yunnan កាន់តែធ្វើឱ្យផ្ទុះការចាប់អារម្មណ៍ពីមហាជនទាំងក្នុងនិងក្រៅប្រទេសជាមួយនិងការសម្តែង និងច្រៀងបទចម្រៀងប្រពៃណីចិន ។
ស្ថិតក្នុងសម្លៀកបំពាក់មួយឈុតនេះ ព្រះនាងតូច ជេនណា ពិតជាស្រស់ស្អាតខ្លាំង សមជាស្រ្តីធំពេញវ័យ បើទោះបីជាវ័យរបស់ព្រះនាងនៅក្មេងខ្ចីក្តី ជាពិសេសការតុបតែងខ្លួន ការស្លៀកពាក់និងការសម្តែង ច្រៀង របស់ព្រះនាងក្នុងកម្មវិធី The 2025 Spring Festival Gala of Yunnan Province”នៅខេត្ត Yunnan នៃសាធារណរដ្ឋប្រជាមានិតចិនសម្រាប់ចូលរួមអបអរសាទរពិធីបុណ្យចូលឆ្នាំថ្មីប្រៃណីចិន គឺទទួលបានការគាំទ្រ និងការពេញចិត្តច្រើនពីមហាជន រហូតម្នាក់ៗបានលាន់មាត់សរសើរថា មិនថាព្រះនាងតូច ជេនណា ស្ថិតក្នុងទម្រង់សិល្បៈបុរាណសម័យ គឺសក្តិសម និងធ្វើបានយ៉ាងល្អឥតខ្ចោះ ។
ដោយសារសកម្មភាព និងការចូលរួមរបស់ ព្រះនាងតូច ជេនណា នៅក្នុងកម្មវិធីធំៗនៅក្នុងប្រទេស ចិន កាន់តែធ្វើឱ្យពិភពលោកស្គាល់ កម្ពុជា ច្រើនឡើង នេះគឺជាមោទនភាពរបស់ កម្ពុជា ។ ព្រះនាងតូច ជេនណា ត្រៀមនឹងបង្ហាញស្នាដៃថ្មីៗជាបន្តបន្ទាប់ដើម្បីបង្ហាញមហាជននៅក្នុងឆ្នាំ២០២៥នេះ ៕
