មិនខ្លាចនូវការរិះគន់ គង់ ច័ន្ទស្រីមុំ លេងឈុតសិចស៊ីបែបប្រពៃណីចិនយ៉ាងស្រស់ស្អាត ស្វាគមន៍ឆ្នាំថ្មី ។
តាមរយៈរូបភាពជាច្រើនសន្លឹករបស់ គង់ ច័ន្ទស្រីមុំ ដែលបានបង្ហោះកាលពីព្រឹកមិនញនេះពិតជាធ្វើឱ្យអ្នកគាំទ្រ និងមហាជនភ្ញាក់ផ្អើលយ៉ាងខ្លាំង ដោយនាងបានតុបតែងខ្លួននិងស្លៀកពាក់ឈុតអាវក្នុងពណ៌ក្រហមឆ្អិនឆ្អៅ រំលេចជាមួយម៉ុងសាយនៅពីក្រោយ ។
ជាមួយនិងការបង្ហោះរូបភាពស្អាតៗរបស់ខ្លួនបែបនេះ គង់ ច័ន្ទស្រីមុំ បាននិយាយថា « យុគ៩ ស្រ្តីរឹងមាំមិនត្រូវការអាណិត ព្រោះនាងតែងតែរក្សាជំហរដ៏រឹងមាំដោយខ្លួនឯង » ។
បន្ទាប់ពីឃើញរូបភាពជាច្រើនរបស់ គង់ ច័ន្ទស្រីមុំ បានធ្វើឱ្យអ្នកគាំទ្រជាច្រើនលាន់មាត់សរសើរថា អ្នកម្តាយហាយសូរកូនមួយ គង់ ច័ន្ទស្រីមុំ ពិតជាហិរខ្លាំងណាស់ក្នុងឈុតសម្លៀកបំពាក់ស្វាគមន៍ឆ្នាំថ្មីប្រពៃណីចិន ។
គង់ ច័ន្ទស្រីមុំ គឺជាតារាស្រីហាយសូរមួយរូបដែលចូលចិត្តលេងខ្លួនប្លែកៗគួរឱ្យចាប់អារម្មណ៍ នាងមិនខ្លាចនៅក្នុងការចំណាយប្រាក់ផ្ទាល់ខ្លួន ដើម្បីទិញសម្ភារៈប្រ៊េនប្រ៊េនដែលមានតម្លៃថ្លៃនោះទេ ពីព្រោះនាងគិតថា នាងខំប្រឹងរកលុយដូចសព្វថ្ងៃនេះ គឺចង់ផ្តល់ក្តីសុខសម្រាប់ខ្លួនឯង ៕
