តារាចម្រៀង សុវត្ថិ សិរីវុឌ្ឍ បានទំលាក់ Full MV ចម្រៀងថ្មីស្រឡាងមួយមុនចូលឆ្នាំថ្មីប្រពៃណីចិន ដែលមានចំណងជើងថា « ចូលរោងការ » ។ តាមរយៈវិដេអូ និងបទចម្រៀងរបស់ សុវត្ថិ សិរីវុឌ្ឍ មួយបទនេះ ពិតជាធ្វើឱ្យអ្នកគាំទ្រពេញចិត្តស្តូកតែម្តង ។
MV ចម្រៀង « ចូលរោងការ » របស់តារាចម្រៀង សុវត្ថិ សិរីវុឌ្ឍ បានចេញជាផ្លូវការនៅក្នុងផលិតកម្ម Galaxy Navatra កាលពីថ្ងៃទី ២៦ខែមករា ឆ្នាំ២០២៥ ដើម្បីជាកាដូដល់អ្នកគាំទ្រនៅអំឡុងមុនចូលឆ្នាំថ្មីប្រពៃណីចិន ។ គ្រាន់តែទំលាក់បទចម្រៀងនេះភ្លាមអ្នកគាំទ្រជាច្រើនបានសរសើរ និងពេញចិត្តនូវស្នាដៃថ្មីរបស់លោកគ្រប់ៗគ្នា ជាពិសេសនៅក្នុង MV ចម្រៀងមួយបទចម្រៀង សុវត្ថិ សិរីវុឌ្ឍ បានផ្លាស់ប្តូរទាំងស្ទាយតុបតែងខ្លួន និងស្ទាយច្រៀង រាំជាដើម… ដែលជាចំណុចពិសេសទាក់ចិត្តអ្នកគាំទ្រ ។ លើសពីនេះទៅទៀត Full MV ចម្រៀងនេះផលិតឡើងយ៉ាងសម្រិតសម្រាំង មើលទៅត្រជាក់ភ្នែក ចម្លែកអាម្មណ៍ ។
សុវត្ថិ សិរីវុឌ្ឍ បានសម្តែងនូវអារម្មណ៍រំភើបនិងបាននិយាយទៅកាន់អ្នកគាំទ្ររបស់ខ្លួនថា លោកពិតជារំភើបចិត្តណាស់ដែលអ្នកគាំទ្រពេញចិត្តនូវបទចម្រៀងនេះ ។ មិនដឹងថាបទចចម្រៀង « ចូលរោងការ » របស់តារាចម្រៀង សុវត្ថិ សិរីវុឌ្ឍ ចង់សំដៅទៅលើនារី ឬបុរសណាម្នាក់ទេ ដូច្នេះមានតែតាមដានទស្សនា Full MV ចម្រៀងនេះ ទើបដឹងច្បាស់ ៕
