ធ្លាប់តែប្រកែកនិងមិនចង់រៀបការ ស្រាប់តែចូលឆ្នាំ២០២៥ ហង្ស សុរិយាន់ បែរជាប្រកាសក្តែងៗថា ខ្លួនចង់បានប្តី ដូច្នេះហើយទើបមិនចាប់អារម្មណ៍ប្រកួតកម្មវិធីណាទាំងអស់ ។
ហង្ស សុរិយាន់ គឺជាតារាស្រីសប្បូរស្នេហ៍ដែលមានបុរសជាច្រើនប្រាថ្នាចង់បានជាគូ ប៉ុន្តែម្តងជាពីរដង នាងតែងតែបដិសេធមិនទទួលស្នេហ៍ពីបុរសណាឡើយ ទើបធ្វើឱ្យនាងនៅព្រៅមកដល់សព្វថ្ងៃនេះ ។
ជួបជាមួយ ហង្ស សុរិយាន់ នៅក្នុងកម្មវិធី Miss Cosmo កាលពីពេលថ្មីៗនេះ ស្រាប់តែតារាស្រីរូបស្រស់ម្នាក់នេះបានប្រកាសក្តែងៗថា ខ្លួនចង់បានប្តី បុរសរូបនោះត្រូវមានផ្ទះ រថយន្ត លុយ និងនាំនាងដើរគ្រប់ប្រទេស… ។
ហង្ស សុរិយាន់ មិនខ្មាស់អៀនក្នុងការប្រកាសរកស្វាមីឬគូជីវិតឡើយ ផ្ទុយទៅវិញនាងបែរជាសប្បាយចិត្ត ហើយរំពឹងថា ជីវិតនាងនឹងបានគូក្នុងពេលឆាប់ៗ ។ ហង្ស សុរិយាន់ ថែនទាំងនិយាយថា បើបានជួបបុរសពិតនៅក្នុងបេះដូង នាងនឹងរៀបការនៅក្នុងឆ្នាំ២០២៥នេះ ។
បច្ចុប្បន្នកញ្ញា ហង្ស សុរិយាន់ គឺជាតារាបង្ហាម៉ូដល្បីឈ្មោះមួយរូប រាល់ពេលមានកម្មវិធីធំៗម្តងៗ តែងតែមានវត្តមាននាងជានិច្ច ។ អាជីពបង្ហាញម៉ូដបានធ្វើឱ្យជីវិតនាងកាន់តែល្អប្រសើរឡើង និងមានប្រាក់ចំណូលកាន់តែខ្ពស់ ។ នៅក្នុងឆ្នាំ២០២៥នេះនាងមានគម្រោងការងារធំៗជាច្រើនដែលត្រូវធ្វើ ៕
