ត្រឡប់មកពីផ្អែមស្នេហ៍នៅក្រៅប្រទេស តារាចម្រៀង ភិទិ និងគូស្នេហ៍ ប្រាប់ញាតិមិត្តនិងអ្នកគាំទ្រឱ្យត្រៀមខ្លួនរាំធុងបាស់ជិតដល់ថ្ងៃពិសេស !

កៀកថ្ងៃដែលតារាចម្រៀង ភិទិ ដឹកដៃអ្នកលក់អនឡាញល្បីឈ្មោះមួយរូបចូលរោងការហើយ ជាក់ស្តែងបន្ទាប់ពីត្រឡប់មកពីផ្អែមស្អែកនៅក្រៅប្រទេសរួច អ្នកទាំងពីរថែមទាំងពោលពាក្យថា « ថ្ងៃដែលរងចាំកាត់តែជិតមកដល់ » ។ 

លោក ភិទិ និងអ្នកនាង ឡុង ម៉ានីន បានភ្ជាប់ទំនាក់ទំនងស្នេហ៍និងគ្នាយូរឆ្នាំហើយ ហើយក៏មានគម្រោងនឹងរៀបការនិងគ្នាផងដែរ បើទោះបីជាអ្នកទាំងអស់បានរួមរស់ជាមួយគ្នាអស់ពេលយ៉ាងយូរក្តី ។ បន្ទាប់ពីនាំគូស្នេហ៍ទៅផ្អែមល្ហែមនៅទឹកដីធ្លាក់ទឹកកករួចមក តារាចម្រៀង ភិទិ និង គូស្នេហ៍ ក៏បានបង្ហើបប្រាប់ពីគម្រោងរៀបការរបស់អ្នកទាំងពីរក្នុងពេលឆាប់ៗនេះ ។

អ្នកនាង ឡុង ម៉ានីន បាននិយាយថា « ថ្ងៃដែលរង់ចាំកាន់តែជិតមកដល់មែនទែនហើយ ត្រៀមខ្លួនរាំធុងបាស់ការIdol ហើយឬនៅ ? » ។ គ្រាន់តែឃើញគូស្នេហ៍លោក ភិទិ បង្ហើបប្រាប់បែបនេះ ធ្វើឱ្យអ្នកគាំទ្រជាច្រើនបានផ្ញើសារជូនពរអ្នកទាំងពីរឱ្យមានសុភមង្គល ។ 

ក្រឡេកមកមើលតារាចម្រៀង ភិទិ វិញបានផ្តល់គ្រប់បែបយ៉ាងសម្រាប់គូស្នេហ៍ខ្លួន ទាំងការស្រឡាញ់ ការយកចិត្តទុកដាក់ និងផ្តល់ភាពកក់ក្តៅឱ្យគូស្នេហ៍គ្រប់បែបយ៉ាង កាន់តែធ្វើឱ្យខាងស្រីរំភើបចិត្តនិងចង់រៀបចំពិធីមង្គលការឆាប់ៗ ។ 

ទោះបីជាពេលនេះទាំងលោក ភិទិ និងគូស្នេហ៍ មិនទាន់បង្ហើបប្រាប់ពីពេលវេលាច្បាស់លាស់ថ្ងៃរៀបការ ប៉ុន្តែអ្នកទាំងពីរបានបង្ហើបប្រាប់ថាឆាប់ៗនេះហើយ ។ បើតាមប្រភពព័ត៌មានពីអ្នកស្និទ្ធជាមួយ ភិទិ បានបង្ហើបប្រាប់ថា អ្នកទាំងពីររៀបការមុនចូលឆ្នាំ​ខ្មែរ ៕