មង្គលការកូនស្រីពៅរបស់តារាកំប្លែងអ្នកនាង គ្រត បានរៀបចំឡើងយ៉ាងធំដុំ ដោយបានអញើញសិល្បករសិល្បការិនី និងអ្នកមានមុខមាត់ជាច្រើនក្នុងសង្គមជាច្រើនចូលរួមអបអរសាទរ ។ អ្នកនាង គ្រត បាននិយាយថា ការកូនស្រីពៅសុំលេងម៉ាអស់អស់ដៃហើយ ។
តារាកំប្លែងអ្នកនាង គ្រត ពិតជាស្រស់ស្អាតខ្លាំងក្នុងថ្ងៃមង្គលការរបស់កូនស្រីខ្លួនកាលពីថ្ងៃទី០៥ ខែ មករា កន្លងមកនេះ ទាំងការតុបតែងខ្លួន និងម៉ូដសម្លៀកបំពាក់រំលេចជាមួយគ្រឿងពេជ្រចិញ្ចាំងចិញ្ចាចកាន់តែធ្វើឱ្យអ្នកនាងលេចធ្លោថែមមួយកម្រិតទៀត បើទោះបីជាអ្នកនាងមានវ័យកាន់តែច្រើនក្តី ។ ជាមួយក្តីរំភើបនេះអ្នកនាង គ្រត បាននិយាយថា ឪពុកម្តាយគ្រប់រូបតែងតែចង់ឃើញកូនមានគ្រួសារ និងមានសុភមង្គលក្នុងជីវិត ថ្ងៃនេះសុំលេងខ្លួនម៉ាចាស់ដៃហើយ កុំឱ្យចាញ់មិត្តភក្តិ ។
មកទល់ពេលនេះតារាកំប្លែងអ្នកនាង គ្រត នៅតែមានប្រជាប្រិយភាពនៅក្នុងសិល្បៈ ទាំងការសម្តែង និងច្រៀងកាត់សក់ការតាមខេត្តក្រុងនានា …។ ក្នុងមួយឆ្នាំៗអ្នកនាង គ្រត ទទួលថតរឿងភាគនិងរឿងដុំជាច្រើន ដូច្នេះហើយទើបធ្វើឱ្យកេរ្តិ័ឈ្មោះរបស់អ្នកនាងនៅតែល្បីល្បាញ និងមានអ្នកស្រឡាញ់ចូលចិត្តច្រើន ។
តារាកំប្លែងអ្នកនាង គ្រត ធ្លាប់បានប្រាប់ថា មិនថាមានរឿងអ្វីកើតឡើងឡើយ អ្នកនាងនៅតែបន្តការងារសិល្បៈដូចដើម ពីព្រោះអាជីពនេះបានធ្វើឱ្យនាងមានមុខមាត់ដូចសព្វថ្ងៃនេះ ៕
