តារាចម្រៀងល្បីឈ្មោះ Ruthko បានស្លាប់យ៉ាងអណោចអធមក្នុងគ្រោះថ្នាក់ចរាចរណ៍រថយន្តបុកជាមួយម៉ូតូកាលពីយប់នៅតាមបណ្តោយផ្លូវ៦០ម៉ែត្រវេលាម៉ោង១រំលងអធ្រាតថ្ងៃទី០៦ខែ មករាឆ្នាំ២០២៥ ។ ម៉ូតូដែលតារាចម្រៀង Ruthko ជិះគឺត្រូវបុកខូចខ្ទេច ធ្វើឱ្យលោក Ruthko ស្លាប់ៗនៅនិងកន្លែង ។
គ្រោះថ្នាក់ចរាចរណ៍ដ៏រន្ធត់នេះធ្វើឱ្យក្រុមគ្រួសារ មិត្តភក្តិនិងកូនក្រុមរបស់ Ruthko មានការតក់ស្លុត និង សោកស្តាយបំផុតដែល Ruthko ត្រូវស្លាប់ភ្លាមៗនៅនិងកន្លែង ដោយពុំអាចជួយសង្រ្គោះបាន ។ ភ្លាមៗនៃហេតុការណ៍នោះក៏មានវត្តមានតារាចម្រៀងរ៉េបជាច្រើនរូបដែលជាមិត្តស្និទ្ធស្នាលរបស់ Ruthko និងកូនក្រុមរបស់លោកបានទៅមើលលោកផ្ទាល់ផងដែរ ។
គួររំលឹកផងដែរថា តារាចម្រៀងរ៉េប Ruthko ធ្លាប់មានបទចម្រៀងល្បីៗជាច្រើននៅក្នុងវិស័យចម្រៀងរ៉េប ជាពិសេសបន្ទាប់ពីលោកក្លាយទៅជាគណកម្មការក្នុងការប្រកួត Rapper Fighter មក កាន់តែធ្វើឱ្យកេរ្តិ៍ឈ្មោះរបស់លោកល្បីល្បាញថែមមួយកម្រិតទៀត ។ បើតាមប្រភពព័ត៌មានដែលស្និទ្ធជាមួយលោក Ruthko បានបង្ហើបប្រាប់ថា លោក Ruthko ត្រូវថតកម្មវិធី Rapper Fighter ជាមួយតារាចម្រៀងផ្សេងៗទៀតនៅថ្ងៃទី ០៦ ខែ មករា ឆ្នាំ ២០២៥ ប៉ុន្តែពេលនេះលោក Ruthko បានទៅចោលយើងគ្រប់គ្នាហើយ ៕
