មុនដាច់ឆ្នាំ តារាសិចស៊ី អៀ ម៉េងលិ បានហែកហួរពីរឿងតារាសម្តែង សាឡាត់ ស្រីឡាង បានជំពាក់លុយមិនព្រមសង ធ្វើឱ្យនាងក្តៅក្រហាយជាខ្លាំង ។
ទោះបីជាពេលនេះតារាសិចស៊ី អៀ ម៉េងលិ កំពុងផ្អែមល្ហែមជាមួយគូស្នេហ៍នៅលើទឹកដី អឺរ៉ុប ក៏ពិតមែន ប៉ុន្តែចិត្តរបស់នាងនៅតែខ្វល់ពីរឿងដែលតារាស្រី សាឡាត់ ស្រីឡាង ដែលបានជំពាក់លុយ ធ្វើឱ្យនាងវ័នកត្រូវគេតាមទារបំណុលគ្រប់ពេលវេលា ។
តារាសិចស៊ី អៀ ម៉េងលិ នៅតែទទួលឱ្យ សាឡាត់ ស្រីឡាង ចូលខ្លួនដោះស្រាយរឿងលុយជំពាក់ដែលនៅសេសសល់ ។
តារាសិចស៊ី អៀ ម៉េងលិ និងគូស្នេហ៍កំពុងផ្អែមល្ហែមនិងចាយជីវិតហ៊ឹហារនៅទឹកដី អឺរ៉ុប អ្នកទាំងពីរចំណាយពេលវេលាដ៏ល្អនេះមុនពេលដឹកដៃគ្នាចូលរោងការនៅក្នុងឆ្នាំ២០២៥ ។ កន្លងមក អៀ ម៉េងលិ ធ្លាប់បានប្រាប់ថា នាងនឹងរៀបចំពិធីភ្ជាប់ពាក្យធំនៅក្នុងអំឡុងឆ្នាំ២០២៥ បន្ទាប់ពីចំណាយពេលវេលាមើលចិត្តគូស្នេហ៍អស់ពេលជាច្រើនឆ្នាំ ពេលនេះល្មមដល់ពេលដែលនាងត្រូវរៀបចំជីវិតគ្រួសារទៅតាមប្រពៃណីហើយ ។
ចាប់តាំងពីប្រកាសត្រៀមខ្លួនរៀបការមក អៀ ម៉េងលិ ក៏បានបោះបង់អាជីពសិល្បៈចោលទាំងស្រុង យូរៗម្តងទើបនាងលេចមុខក្នុងនាមជា BA ឱ្យផលិតផលណាមួយ ដោយសារតែគូស្នេហ៍នាងជាមនុស្សប្រចណ្ឌច្រើន មិនចូលចិត្តឱ្យនាងថតរូប និងស្និទ្ធស្នាលជាមួយបុរសណាម្នាក់ឡើយ ៕
