តារាចម្រៀងលោក កែវ វាសន អាណិតប្រពន្ធឡើងខ្លោចចិត្ត បន្ទាប់ពីភរិយាសម្រាលកូនទី៣ ជួបនូវបញ្ហាសុខភាព ភរិយារបស់លោកត្រូវស្ថិតក្នុងបន្ទប់ ICU រហូតដល់ទៅពីរថ្ងៃ ទើបអាចចេញមកនៅបន្ទប់ធម្មតាវិញ ។
ភរិយាលោក កែវ វាសនា បានសម្រាលកូនស្រីទី៣របស់ខ្លួននៅថ្ងៃទី២២ខែធ្នូឆ្នាំ ២០២៤ ដោយសារពេលសម្រាលនោះភរិយារបស់លោកមានបញ្ហាបន្តិចបន្តួច ធ្វើឱ្យលោកជាស្វាមីព្រួយបារម្ភជាខ្លាំង ទើបមិនបានប្រាប់ញាតិមិត្តអំពីពេលវេលាល្អដែលភរិយាខ្លូនសម្រាលកូន ។ ដោយឡែកនៅថ្ងៃទី ២៤ ខែ ធ្នូឆ្នាំ ២០២៤ នេះ លោក កែវ វាសនា ទើបដាច់ចិត្តរៀបរាប់រឿងក្នុងចិត្តប្រាប់ទៅបងប្អូន និងអ្នកគាំទ្ររបស់ខ្លួនថា « សូមបិទវគ្គត្រឹមហ្នឹងដែរ ព្រោះពិបាកភ្នែកមើលនឹងទទួលអារម្មណ៍យកមួយនេះណាស់ ដោយសារម៉ាមីមានបញ្ហាសុខភាព » ។
ជាមួយនិងដំណឹងល្អនេះក្រឡេកមកមើលភរិយាលោក កែវ វាសនា វិញបានពោលពាក្យចេញពីក្នុងចិត្តបន្ទាប់ពីសម្រាលកូនស្រីបានប៉ុន្មានថ្ងៃថា « ស្វាគមន៍កូនស្រីពៅសំណព្វ ស្នា ឈីអាយ ។ ម៉ាមីផុសក្រោយគេ អត់បានផុសក្នុងថ្ងៃកើត ដោយសារម៉ាមីសុខភាពមិនសូវអំណោយផល តែឥឡូវបានធូស្បើយហើយ អរគុណប្តីសម្លាញ់ ដែលមើលថែប្រពន្ធតាំងពីកូនទី១ ដល់កូនទី៣ ជាពិសេកូនទី៣នេះ ប្រពន្ធមានបញ្ហាសុខភាព បន្ទាប់ពីវះកាត់ ហើយគឺបងមិនប្រលែងដៃប្រពន្ធបង នៅក្នុងបន្ទប់ ICU ជាមួយប្រពន្ធ២យប់ ២ថ្ងៃរហូតដល់ប្រពន្ធមានសុវត្ថិភាព ទើបបងបានគេងខ្លះ មនុស្សស្រីគ្រប់រូបមិនចង់បានអ្វីក្រៅពីមានប្តីល្អ ស្មោះត្រ់ងចេះស្រឡាញ់ប្រពន្ធកូន » ។
ភរិយាលោក កែវ វាសនា ថែមទាំងបានផ្តាំផ្ញើទៅកាន់បុរសគ្រប់រូបថា សូមស្រឡាញ់ភរិយានិងឱ្យតម្លៃភរិយា និងមានការយកចិត្តទុកដាក់ចំពោះភរិយាផង ជាពិសេសស្រ្តីក្នុងអំឡុងពេលពពោះ និងពេលឆ្លងទន្លេ មិនថាដោយការវះកាត់ឬសម្រាលធម្មជាតិក៏ដោយ ។
បន្ទាប់ពីឃើញភរិយារបស់ខ្លួនមានបញ្ហាផ្នែកសុខភាពបន្ទាប់ពីសម្រាលកូនរួច បានធ្វើឱ្យលោក កែវ វាសនា លែងចង់បានកូនជាបន្តទៀតហើយ ដោយសារតែអាណិតភរិយា បើទោះបីជាលោកនិងភរិយាមានគម្រោងយកកូនរហូតដល់ទៅ៥នាក់ក្តី ៕
