បទ “អូសវ៉ាលី-OS VALI” របស់តារាចម្រៀងឯករាជ្យ លោក ឋានៈ ដែលកំពុងតែពេញនិយមខ្លាំងលើស្រទាប់យុវវ័យ ពិសេសនៅលើបណ្ដាញសង្គមនោះ ពេលនេះបទចម្រៀង១បទនេះ បានចេញ MV Version ស្រី បន្ថែមទៀតហើយ ច្រៀងដោយ កញ្ញា LDA White តារាចម្រៀងរបស់Galaxy Navatra ស្ដាប់ហើយ ញ័រជើងចង់រាំតែម្ដង។
តាមប្រភពច្បាស់ការមួយ បានទម្លាយឲ្យដឹងថា Galaxy Navatra បានទិញសិទ្ធិបទចម្រៀង”អូសវ៉ាលី-OS VALI” យកមកផលិតជា Versionស្រី ដោយឲ្យកញ្ញា LDA White ជាអ្នកច្រៀង ក្នុងនោះមានការកែប៉ារូខ្លះៗ ហើយច្រៀងជាចង្វាក់ញាក់។
ប្រភពដដែល បានបន្តឲ្យដឹងទៀតថា បទ”អូសវ៉ាលី-OS VALI” versionស្រី បានថតMV ជាមួយនឹងបច្ចេកទេសកម្រិតស្តង់ដា និងប្រើកាមេរ៉ាទំនើបទាន់សម័យ ចំណែកកញ្ញា LDA White បានតុបតែងខ្លួនមានភាពទាក់ទាញជាខ្លាំង។
សម្រាប់ versionស្រី វា ពិតជាមានភាពទាក់ទាញជាខ្លាំង ត្បិតអីបទ ចម្រៀង១បទនេះ កំពុងតែផ្ទុះខ្លាំងស្រាប់ហើយនោះ ។ “អូសវ៉ាលី-OS VALI” នឹងជាទីពេញនិយម អ្នកចូលចិត្ដចង្វាក់ញាក់រាំសប្បាយនៅតាមក្លឹបកម្សាន្ត។
សូមស្ដាប់បទ “អូសវ៉ាលី-OS VALI”ទាំងអស់គ្នា៖
