តារាបង្ហាញម៉ូដនិងសម្តែងកូនកាត់ខ្មែររុស្ស៊ី ឌៀប សូហ្វៀរ៉ា កាន់តែកាច ហើយហិរ នៅក្នុងឆ្នាំថ្មីនេះ ដោយនាងបានបង្ហាញនូវវត្តមានថ្មីជាមួយស្នាដៃថ្មីៗជាច្រើន ជាពិសេសថ្មីៗនេះ នាងបានបង្ហាញវត្តមានថ្មីជាមួយដៃគូថ្មី មើលទៅពិតជាទាក់ទាញខ្លាំងណាស់ ។
ឌៀប សូហ្វៀរ៉ា គឺជាតារាស្រីវ័យក្មេងដ៏មានទេពកោសល្យ នៅក្នុងឆ្នាំនេះនាងមានស្នាដៃជាច្រើនអង្រូញបេះដូងអ្នកគាំទ្រ ទាំងស្នាដៃសម្តែងភាពយន្ត ក៏ដូចជាស្នាដៃនៅក្នុងការដើរម៉ូដក្នុងព្រឹត្តិការណ៍ធំៗជាដើម…ដូច្នេះហើយទើបតម្លៃខ្លួនរបស់នាងចាប់ផ្តើមកើនឡើងជាលំដាប់ ។
ថ្មីៗនេះ ឌៀប សូហ្វៀរ៉ា កំពុងធ្វើឱ្យមហាជនជាច្រើនចាប់អារម្មណ៍បន្ទាប់ពីបានចូលរួមថត MV ចម្រៀងថ្មីមួយជាមួយតារាចម្រៀងរ៉េប Meezy ។ តាមរយៈរូបភាពជាច្រើនសន្លឹកនេះបង្ហាញឱ្យឃើញថា ឌៀប សូហ្វៀរ៉ា កាន់តែកាច កាន់តែហិរ នៅក្នុងឆ្នាំនេះ តែនាងបត់បែនបានល្អ និងបានផ្លាស់ប្តូរខ្លួនឯងស្ទើរតែមួយរយដឺក្រែដើម្បីទទួលបានការងារថ្មីៗ ។
កាលពីដើមឆ្នាំ ឌៀប សូហ្វៀរ៉ា ល្បីល្បាញម្តងរួចមកហើយបន្ទាប់ពីមានវត្តមាននៅក្នុង MV ចម្រៀងរបស់តារាចម្រៀង សុវត្ថិ សិរីវុឌ្ឍ លើកនេះ ស្នាដៃថ្មីរបស់នាងត្រូវបានរំពឹងថា នឹងកាន់តែផ្ទុះខ្លាំងមិនចាញ់កាលពីមុនឡើយ ។
កាន់តែធំពេញវ័យ ឌៀប សូហ្វៀរ៉ា កាន់តែស្រស់ស្អាត និងមានហាងឆេងខ្ពស់នៅក្នុងពិភពសិល្បៈ ពេលនេះតម្លៃខ្លួននាងចាប់ផ្តើមកើនឡើងជាលំដាប់ ។ មានបណ្តាផលិតករនៅក្រៅប្រទេសជាច្រើនកំពុងចាប់អារម្មណ៍ និងអញ្ជើញចូលរួមនាងសម្តែងនៅក្នុងភាពយន្តខ្នាតធំជាច្រើន ៕
