មានវ័យក្បែរ៦០ឆ្នាំហើយតារាសម្តែងជើងចាស់លោក ចា រិទ្ធី នៅតែជះរាងសង្ហា និងមានសុខភាពល្អ មិនចាញ់កាលពីលោកនៅក្មេងឡើយ ។ មូលហេតុដែលធ្វើឱ្យលោកនៅក្មេងវ័យបែបនេះដោយសារលោកមិនប្រព្រឹត្តិរឿង២យ៉ាងនេះ ។
លោក ចា រិទ្ធី បានបោះបង់ការសម្តែងចោលច្រើនឆ្នាំមកហើយ ដោយសារតែលោកមមាញឹកនៅក្នុងការងាររកស៊ី ប៉ុន្តែថ្មីៗនេះលោកទើបតែត្រឡប់មកទទួលការសម្តែងឡើងវិញឱ្យផលិតកម្មមួយចំនួន ។
ទន្ទឹមនិងការត្រឡប់មកសម្តែងឡើងវិញនេះលោក ចា រិទ្ធី ក៏បានបង្ហើបប្រាប់ពីអាថ៌កំបាំងផ្ទាល់ខ្លួនដែលធ្វើឱ្យលោកនៅតែមានរូបរាងស្រស់សង្ហា និង មានសុខភាពល្អ បើទោះបីជាលោកមានវ័យក្បែរ៦០ឆ្នាំទៅហើយក្តី ។ លោកថា មូលហេតុដែលលោកមានរូបរាងសង្ហា និងមានសុខភាពល្អបែបនេះ ទីមួយគឺលោក ឧស្សាហ៍ហាត់ប្រាណ និងលេងកីឡា ហើយអ្វីដែលលោកមិនប្រព្រឹត្តិនោះ គឺលោកមិនក្រេបគ្រឿងញៀន និង គ្រឿងស្រវឹង ។
ក្រៅពីអាជីពសម្តែង លោក ចា រិទ្ធី ជាអ្នកជំនួញជោគជ័យមួយរូបដែលមានមុខជំនួញជាច្រើននៅក្នុងដៃ ។ ក្រៅពីនេះលោកក៏ជាសមាជិកនៅក្នុងក្រុមកីឡាបាល់ទាត់កម្ពុជាផងដែរ រាល់ពេលដែលមានការប្រកួតម្តងៗលោកតែងតែចូលរួមមិនដែលខាន ។
លោក ចា រិទ្ធី ក៏បានអំពាវនាវឱ្យបងប្អូនទាំងអស់ស្រឡាញ់ និងថែរក្សាសុខភាពឱ្យបានល្អ ចូលរួមលេងកីឡាឱ្យបានច្រើន ៕
