កញ្ញា ចន សុទីម៉ា អតីត Miss Universe 2023 កំពុងធ្វើឱ្យមហាជនចាប់អារម្មណ៍ខ្លាំងបន្ទាប់ពីមានវត្តមាននៅក្នុងឈុត « អប្សរាកម្ពុជា » ។
ពេលចេញមកម្តងៗ កញ្ញា ចន សុទីម៉ា តែងតែបង្ហាញនូវរសជាតិថ្មីប្លែកៗ ដែលធ្វើឱ្យអ្នកគាំទ្រជាច្រើនចាប់អារម្មណ៍ដូចជានៅក្នុងឈុត អប្សរា នេះជាដើម… កញ្ញា ចន សុទីម៉ា មានសម្រស់ដូចទេពអប្សរ អ្នកដែលបានឃើញហើយ គឺភ្លឹកអស់ស្មារតី លង់និងសម្រស់នាងគ្រប់ៗគ្នា ។
កញ្ញា ចន សុទីម៉ា ក៏កំពុងវិឌ្ឍន៍ខ្លួនទៅជាតារាសម្តែងបន្ថែមទៀតទៅលើអាជីពបង្ហាញម៉ូដ គ្រាន់តែរយៈពេលនេះ នាងសុំពេលដើម្បីហ្វឹតហាត់សមត្ថភាពខ្លួនបន្ថែមសិន ។
ជួបជាមួយកញ្ញា ចន សុទីម៉ា កាលពីពេលថ្មីៗនេះ នាងបានរៀបរាប់ប្រាប់ថា អាជីពសម្តែងនាងពិតជាស្រឡាញ់ខ្លាំង ហើយក៏ចង់សាកល្បងនៅក្នុងអាជីពថ្មីនេះដែរ ដើម្បីទទួលបានបទពិសោធថ្មី និងការងារថ្មីៗជាច្រើន ប៉ុន្តែគួរឱ្យស្តាយពេលនេះ សមត្ថភាពនាងនៅមានកម្រិត នាងត្រូវប្រឹងប្រែងពង្រឹងសមត្ថភាពបន្ថែមសិន មុននឹងទទួលការងារថ្មីនោះ ។
តាមពិតកន្លងមកក៏មានផលិតកម្មក្នុងនិងក្រៅប្រទេស បានទាក់ទងកញ្ញា ចន សុទីម៉ា ដើម្បីថតភាពយន្តខ្នាតធំផងដែរ ប៉ុន្តែម្តងជាពីរដងនាងតែងតែបដិសេដ ។
គួររំលឹផងដែរថា កាលពីពេលថ្មីៗនេះ កញ្ញា ចន សុទីម៉ា ក៏មានវត្តមាននៅក្នុងព្រឹត្តិការណ៍ « ស្នាមញញឹមនៃកម្ពុជាលើកទី២ » រួមជាមួយសិល្បករជាង ៥០០ នាក់ ។ ក្រៅពីអាជីពបង្ហាញម៉ូដ នាងក៏មានវត្តមាននៅក្នុងកម្មវិធីសិល្បៈថ្នាក់ជាតិធំៗជាច្រើន ….៕
