ត្រឹមតែការហាត់សម ព្រឺសប្បុរសប៉ុហ្នឹងហើយ ចុះទំរាំតែចូលរួមព្រឹត្តិការណ៍ « ស្នាមញញឹមនៃកម្ពុជា» លើកទី២ ផ្ទាល់ មិនដឹងថាអស្ចារ្យប៉ុណ្ណាទេ ? ជាក់ស្តែងតាមរយៈរូបភាពដែលទស្សនិកជនបានឃើញស្រាប់ គឺសិល្បករសិល្បការិនីជាង ៥០០ នាក់បានប្រឹងប្រែងអស់ពីសមត្ថភាពដើម្បីត្រៀមសម្តែងក្នុងព្រឹត្តិការណ៍ដ៏អស្ចារ្យនេះ ក្រោមការដឹកនាំរបស់ក្រសួងវប្បធម៌ និងលោកគ្រូអ្នកគ្រូខាងផ្នែករបាំល្បីឈ្មោះជាច្រើនរូប ។
ព្រឹត្តិការណ៍ « ស្នាមញញឹមនៃកម្ពុជា » លើកទី ២ នេះនឹងរៀបចំឡើងនៅថ្ងៃទី ២៩ -៣០ ខែតុលាឆ្នាំ ២០២៤ នៅសប្តាហ៍ក្រោយនេះហើយ ដែលនាំមកនូវផ្ទាំងទស្សនីយភាពយ៉ាងអស្ចារ្យ រំលេចនូវប្បធម៌ ដ៏យូរលង់ អរិយធម៌ចំណាស់ ព្រមទាំងមានការដង្ហែក្បួនទ័ព ពីក្រមនាថការី ក្រុមសិល្បៈល្បីៗសរុបជាង ៥០០ នាក់ នៅលើទឹកដីអង្គរ ខេត្ត សៀមរាប ។
សិល្បករសិល្បការិនីជាង ៥០០ នាក់បានត្រៀមខ្លួនរួចរាល់ហើយសម្រាប់សម្តែងក្នុងព្រឹត្តិការណ៍អស្ចារ្យនេះ ជាក់ស្តែងកញ្ញា សំណាង , ចន សុទីម៉ា និងអ្នកនាង គង់ ច័ន្ទស្រីមុំ ជាដើម ….។ ម្នាក់ៗខំប្រឹងហ្វឹតហាត់ និងបេ្តជ្ញាចិត្តធ្វើឱ្យបានល្អក្នុងព្រឹត្តិការណ៍នោះ ។
ព្រឹត្តិការណ៍ដ៏កម្រនេះក៏មានការតាំងពិព័រណ៌ម្ហូបអាហារ វត្ថុសិល្បៈនៃស្នាដៃខ្មែរ និងការច្រៀងរាំកម្សាន្ត ល្បែងប្រជាប្រិយ និង ការបង្ហាញសម្លៀកបំពាក់ប្រពៃណី ខ្មែរ ជាដើម… ដើម្បីទាក់ទាញភ្ញៀវទេសចរណ៍ជាតិនិងអន្តរជាតិឱ្យមកទស្សនាខេតសៀមរាបឱ្យបានច្រើនកុះករ ។ សិល្បករសិល្បការិនីទាំងអស់បានអំពាវនាវឱ្យភ្ញៀវជាតិ និងអន្តរជាតិចូលរួមព្រឹត្តិការណ៍នេះ ៕
