តារាចម្រៀង សុវត្ថិ មុនីវណ្ណ កូនប្រុសច្បងលោក ព្រាប សុវត្ថិ បានជះរាងយ៉ាងសង្ហាចូលរួមពិធីសម្ពោធក្រុមហ៊ុនរបស់អ្នកនាង ខាត់ សុឃីម កាលពីថ្ងៃ ១៥ ខែ តុលា ឆ្នាំ ២០២៤ កន្លងមកនេះ ។ វត្តមានរបស់ សុវត្ថិ មុនីវណ្ណ នាពេលនោះបានធ្វើឱ្យអ្នកចូលរួមចាប់អារម្មណ៍លោកជាខ្លាំង ដោយលោកបានជិះរថយន្តស្ព័រផ្ទាល់ខ្លួន ជះរាងយ៉ាងសង្ហាធ្វើឱ្យអ្នកចូលចោលមរោមមើលគ្រប់ៗ ។
តារាចម្រៀង សុវត្ថិ មុនីវណ្ណ បានតំណាងលោកឪពុករបស់ខ្លួនគឺកំពូតារាចម្រៀង ព្រាប សុវត្ថិ យកកន្រ្តក់ផ្កាយ៉ាងស្រស់ស្អាតទៅជូនអ្នកនាង ខាត់ សុឃីម និងស្វាមី ក្នុងថ្ងៃសម្ពោធក្រុមហ៊ុនលក់ផលិតផលគ្រឿងសម្អាង ។ នាពេលនោះ អ្នកនាង ខាត់ សុឃីម បាននិយាយចំអែចំអន់នូវពាក្យពេចន៍មួយចំនួនទៅកាន់លោក សុវត្ថិ មុនីវណ្ណ ថែមទាំងសរសើរ និងអរគុណនូវទឹកចិត្តដ៏ថ្លៃថ្លារបស់ក្មួយប្រុស ។
វត្តមានតារាចម្រៀង សុវត្ថិ មុនីវណ្ណ នាថ្ងៃនោះបានធ្វើឱ្យអ្នកចូលរួមជាច្រើនចាប់អារម្មណ៍ ហើយម្នាក់ៗបានលាន់មាត់សរសើរថា សុវត្ថិ មុនីវណ្ណ ពិតជាស្រស់សង្ហា មិនចាញ់ឪពុកឡើយ ។
បច្ចុប្បន្ននេះ សុវត្ថិ មុនីវណ្ណ គឺជាតារាចម្រៀងប្រចាំនៅក្នុងផលិតកម្ម Galaxy Navatra បទចម្រៀងថ្មីៗរបស់លោកជាច្រើនកំពុងផ្ទុះការចាប់អារម្មណ៍ពីមហាជន ។ សុវត្ថិ មុនីវណ្ណ ក៏ត្រៀមនឹងបង្ហាញស្នាដៃថ្មីៗជាច្រើនដើម្បីបង្ហាញអ្នកគាំទ្ររបស់ ដោយបទចម្រៀងថ្មីនេះផលិតឡើងយ៉ាងសម្រិតសម្រាំងបំផុត ដូច្នេះទស្សនិកជនទាំងអស់ កុំភ្លេចតាមដានទាំងអស់គ្នាថាតើ សុវត្ថិ មុនីវណ្ណ មានអ្វីនឹង Surprise អ្នកគាំទ្រ ៕
