ស្របពេលតារាសម្តែងសាច់សខ្ចី លី ម៉ារីណា កំពុងសោយសុខជាមួយស្វាមីយ៉ាងមានក្តីសុខបំផុត នោះ ស្រាប់តែនៅថ្ងៃនេះ លី ម៉ារីណា ក្តៅចិត្តមិនស្ទើរឡើយ ដោយបានចេញមុខ ព្រមានលេងផ្លូវច្បាប់ ចំពោះជនខិលខូច ដែលបានបន្លំបង្កើតអាខោន ហ្វេសប៊ុក ក្លែងក្លាយដោយដាក់ឈ្មោះស្វាមីខ្លួន ដើរបង្កើតព័ត៌មានមិនពិតធ្វើឱ្យប៉ះពាល់កិត្តិយសនាងនិងគ្រួសារ ។
អ្នកនាង លី ម៉ារីណា បាននិយាយនៅលើ ហ្វេសប៊ុក របស់ខ្លួនកាលពីព្រឹកមិញនេះថា « នាងខ្ងុំសូមជម្រាបជូនដល់បងប្អូនថាមានជនខិលខួចបានលួចបង្កើតអាខោន Fb ក្លែងក្លាយដើម្បីបង្កើតពត៏មានមិនពិតដូច្នេះបើសិនជាប្អូនស្រី loveriyaនឹងស្វាមី បានឃើញសូមកុំមានការភ័ណច្រលំស្វាម៉ីរបស់នាងខ្ញុំបាននឹងចាត់វិធានការតាមផ្លូវច្បាប់ចំពោះជនខិលខួចនេះ » ។
អ្នកនាង លី ម៉ារីណា ប្រញាប់ចេញមុខប្រកាសបែបនេះ ដើម្បីកុំឱ្យ អ្នកលក់អនឡាញល្បីឈ្មោះ អ្នកនាង Loveriya មានការយល់ច្រឡំ និង អាក់អន់ស្រពន់ចិត្ត ចំពោះនាង ក្រោយពីបុគ្គលនោះប្រើឈ្មោះលោក ទៀង ច័ន្ទសារ បង្ហោះរូបភាព និង បង្កើតព័ត៌មានមិនពិត បង្ខូចកេរ្តិ៍ឈ្មោះនាងនិងស្វាមី ។
តារាសម្តែង លី ម៉ារីណា បានប្រាប់ថា នាងមិនសប្បាយចិត្តនោះទេ នៅពេលដែលមានរឿងបែបនេះបានកើតឡើងចំពោះគ្រួសារនាង បើជនរូបនោះមិនចេញមុខជាសាធារណៈទេ នាងព្រមានលេងធម៌ក្តៅ តាមផ្លូវច្បាប់ហើយ ៕
