ក្នុងជំនួបសម្តែងការគួរសម និង ពិភាក្សាការងារនៅវិមានសន្តិភាពកាលពីព្រឹកមិញនេះ តារាកំប្លែងនាយ ពាក់មី បានជូនអាវលេខ ៩ ក្រុមផ្ការីកគ្រប់រដូវ ដល់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃ កម្ពុជា ។
នាយ ពាក់មី បានឈរថតរូបយ៉ាងសង្ហាជាមួយសម្តេចធិបតី ហ៊ុន ម៉ាណែត ក្នុងនោះលោកថែមទាំងបានរៀបរាប់នៅលើហ្វេសប៊ុករបស់លោកថា « ថ្ងៃនេះខ្ញុំបាទ ដែលជាប្រធានក្រុម ផ្ការីកគ្រប់រដូវ មានកិត្តិយសណាស់ ដែលបានមកជួបសំណេះសំណាល សំដែងការគួរសម ក្នុងនាមជាសមាជិក សមាគមន៍សិល្បៈកខ្មែរ ដែលដឹកនាំដោយលោកជំទាវ អ្នកឧកញ៉ា ម៉ៅចំណាន នឹងបានជូនអាវ ផ្ការីកគ្រប់ដូវ ដល់សម្តេច ទុកជាអនុស្សាវរីយ » ។
រូបភាព នាយ ពាក់មី ជូនអាវលេខ ៩ ក្រុមផ្ការីកគ្រប់រដូវ ដល់សម្តេចធិបតី កំពុងផ្ទុះការចាប់អារម្មណ៍ខ្លាំងពីមហាជន ។ ទន្ទឹមនិងការជូនអាវជាអនុស្សាវរីយ៍ដល់សម្តេចធិបតី ហ៊ុន ម៉ាណែត ក៏មានអ្នកគាំទ្រជាច្រើនបានខមមិនសុំអាវពីនាយ ពាក់មី ដូចដឹងស្រាប់ហើយថា ក្រុមបាល់ទាត់ ផ្ការីកគ្រប់រដូវ ពិតជាទទួលបានការចាប់អារម្មណ៍ និងការគាំទ្រចច្រើនពីមហាជន ជាក់ស្តែងរាល់ពេលមានការប្រកួតម្តងៗ គឺកក្រើកអស់តារាងបាល់ទាត់ មិនថានៅទីក្រុង ឬតាមបណ្តាខេត្តនានា… ។
ក្រុមផ្ការីកគ្រប់រដូវ របស់នាយ ពាក់មី ត្រៀមនឹងបញ្ចេញថ្វីដៃថ្មីជាបន្តបន្ទាប់ទៀត ដើម្បីស្វែងរកថវិការជួយការងារសប្បុរសធម៌នានា ដូចដែលខ្លួនធ្លាប់បានធ្វើនាពេលកន្លងមក …៕
