អ្នកលក់អនឡាញល្បីឈ្មោះនាង ចោម ខ្វាន់ ត្រូវបានលោក ហុក ពៅ ចៅក្រមស៊ីបសួរនៃសាលាដំបូងរាជធានីភ្នំពេញ បញ្ជាឱ្យស្វែងរកចាប់ខ្លួនជាបន្ទាន់ ក្រោយពីរកឃើញថា ជនត្រូវចោទរូបនេះ បានរំលោភលើទំនុកចិត្តអ្នកដទៃក្នុងការរកស៊ីបើកហាងលក់មាសពេជ្រ កាលពីថ្ងៃទី ១១ ខែ សីហា ឆ្នាំ ២០២១ ។ នេះបើតាមដីការបញ្ជារឱ្យចាប់ខ្លួន ដែលចេញនៅថ្ងៃទី១១ ខែសីហា ឆ្នាំ២០២៣ ប៉ុន្តែទើបផ្សព្វផ្សាយនៅខែមេសា ឆ្នាំ២០២៤នេះ។
បច្ចុប្បន្នជនត្រូវចោទឈ្មោះ សឿន ចំរើន ហៅ ចោម ខ្វាន់ ភេទ ស្រី ដែលបានកើតថ្ងៃទី០៧ ខែតុលា ឆ្នាំ១៩៨៨ ជនជាតិខ្មែរ កាន់អត្តសញ្ញាណប័ណ្ណសញ្ជាតិខ្មែរលេខ ២២០១៧៣៥៣០០ មិនដឹងជាស្ថិតនៅទីកន្លែងណាឱ្យពិតប្រាកដឡើយ ហើយក៏គ្មាននរណាម្នាក់បានជួប ឬ ឃើញនាងដែរ ដោយនាងបានលាក់ខ្លួនបាត់ ស្រមោលសូន្យឈឹង សូម្បីតែបងប្អូនស្រីទាំងពីររបស់នាង ដេននី ក្វាន់ និង ចោម ច័ន្ទ ក៏មិននិយាយរឿងនេះដែរ ។
ក្នុងដីការនោះផងដែរ ចៅក្រម ក៏បានបញ្ជាដល់កំលាំងសាធារណៈ មន្ត្រីនគរបាលយុត្តិធម៌ ដែលមានសមត្ថកិច្ច ឱ្យស្រាវជ្រាវរកចាប់ខ្លួន និងនាំខ្លួនជនត្រូវចោទឈ្មោះ សឿន ចំរើន ហៅ ចោម ខ្វាន់ ដែលមានអត្តសញ្ញាណដូចខាងលើ យក មកប្រគល់ឱ្យចៅក្រមស៊ើបសួរនៃសាលាដំបូងរាជធានីភ្នំពេញ ដើម្បីចាត់ការតាមនីតិវិធី។
មហាជននិងម្ចាស់បំណុលជាច្រើនសុទ្ធតែចង់ដឹងថា តើនាង ចោម ខ្វាន់ បាត់ស្រមោលទៅណា ? បានជារកនាងមិនឃើញបែបនេះ ៕
