កំពុងល្បីឈ្មោះសុខៗ ! ស្រាប់តែតារាកំប្លែង ពូណុយ បង្ហើបប្រាប់ពីអាថ៌កំបាំងមានជីវិតរស់ត្រឡប់មកវិញប្រៀបដូចជា ខ្មោច ឱ្យ …! 

ស្តាប់ហើយព្រឺសប្បុរខ្ញាក់ បន្ទាប់ពីតារាកំប្លែង ពូណុយ បង្ហើបពីអាថ៌កំបាំងដែលមានជីវិតរស់រាដូចសព្វថ្ងៃនេះបាន ប្រៀបដូចជាត្រូវឆ្នោតលេខធំ បន្ទាប់ពី ខ្មោច ជួយឱ្យខ្លួនដោះបំណុលអស់ រហូតមានមុខមាត់ឡើងវិញ ។ 

តារាកំប្លែងល្បីឈ្មោះនៅក្នុង TikTok ដែលមហាជនច្រើនស្គាល់ថា ពូណុយ គឺបានឆ្លងកាត់នូវជីវិតជូរចត់លំបាកររាប់មិនអស់ ទាំងអត់អាហារ ជំពាក់បំណុល ជីវិតតធ្លាក់ដល់សូន្យ រហូតបានប៉ុនប៉ងសម្លាប់ខ្លួនជាច្រើនលើកច្រើនសារដោយការលេបថ្នាំសម្លាប់ខ្លួន តែសំណាងល្អលោកនៅតែអាចរស់រានមានជីវិត រហូតបានកែប្រែវាសនារបស់ខ្លួនឱ្យល្អប្រសើរឡើង ។ 

ពូណុយ បានបង្ហាញប្រាប់បន្ថែមពីខ្សែជីវិតរបស់ខ្លួនថា ជីវិតរបស់លោកគឺបានធ្លាក់ដល់សូន្យ ដែលគ្មាននរណាអាចជួយលោកបាននោះទេ រហូតដល់លោកបានប៉ងសម្លាប់ខ្លួនជាច្រើនលើក ប៉ុន្តែមិនស្លាប់ ។ លោកអាចរស់រាមានជីវិតដូចសព្វថ្ងៃនេះប្រៀបដូចជា ខ្មោចជួយអីចឹង សូម្បីតែលោកផ្ទាល់ក៏មិនដែលស្រមៃថា ជីវិតនឹងបានល្អប្រសើរឡើងវិញដូចសព្វថ្ងៃនេះដែរ ជាក់ស្តែងនៅពេលដែលប៉ងសម្លាប់ខ្លួនម្តងៗ តែងតែមានគេហៅ និង ឃាត់មិនឱ្យលោកដើរផ្លូវនេះទេ អីចឹងហើយបានលោកគិតថា ខ្មោច ជួយ និងជំរុញចិត្តលោកឱ្យខំប្រឹងរស់ ហើយប្រឹងដោះស្រាយជាមួយម្ចាស់បំណុល ហើយបន្តធ្វើការងារ រហូតមានលុយកាក់ចាយវាយគ្រប់គ្រាន់ ហើយថែមទាំងបានម្តាយឱ្យមានជីវភាពល្អប្រសើរឡើងវិញ ។

ជីវិត ពូណុយ ចាប់ផ្តើមល្អប្រសើរឡើងវិញ បន្ទាប់ពីលោកជំនះក្នុងការលេង TikTok រហូតមានបងប្អូនស្គាល់ និងគេហៅធ្វើការងារជាបន្តបន្ទាប់ លោកថា លោកមិនដែលភ្លេចពីការលំបាករបស់ខ្លួនពីមុនមកទេ ជាពិសេសរឿង អត់អាហារ ជំពាក់បំណុលគេ គឺនៅចងចាំនៅក្នុងខ្លួនលោកជានិច្ច ដូច្នេះហើយទើបលោកខំប្រឹងប្រែងទាំងយប់ទាំងថ្ងៃ ដើម្បីរកប្រាក់ចំណូលឱ្យបានច្រើន ទើបជីវិតមិនលំបាក ។ ស៊ូធ្វើការងារលំបាក ហត់ តែបានលុយ ល្អជាងអត់ការងារដែរ ។ 

ជាមួយគ្នានេះផងដែរ ពូណុយ ក៏បានលើកទឹកចិត្តដល់បងប្អូនដែលជួបនូវការលំបាក គឺកុំបោះបង់ខ្លួនឯងចោល ឬ ជ្រើសរើសផ្លូវសម្លាក់ខ្លួនដោយវិធីណាមួយ គឺត្រូវបន្ត ប្រឹងប្រែងតស៊ូងើបឡើង ជីវិតរបស់យើងនៅវែងឆ្ងាយ រឿងអ្វីក៏មានដំណោះស្រាយដែរ ប្រៀបដូចជារូបលោកជាដើម លោកបានប៉ងសម្លាប់ខ្លួន មិនតិចជាង ៥ លើកឡើយ ….៕