គ្រាន់តែទៅដល់ប្រទេស កូរ៉េ ភ្លាម កញ្ញា ស៊ីន យូប៊ីន បានចូលរួមកម្មវិធី BULGARI ដោយប្រជុំដោយតារាល្បីៗជាច្រើន ជាពិសេសនៅពេលដែលជួបជាមួយតារាចម្រៀង Lisa សមាជិកក្រុម Black Pink ស៊ីន យូប៊ីន បានសម្តែងការស្រឡាញ់ពេញចិត្តដោយអោបគ្នាជាមួយ Lisa យ៉ាងស្និទ្ធស្នាលបំផុត ហើយនាងថែមទាំងបានសរសើរ Lisa មិនដាច់ពីមាត់ ។
កញ្ញា ស៊ីន យូប៊ីន បានចេញទៅប្រទេស កូរ៉េ នៅថ្ងៃទី១៤ ខែ មីនា ស្របពេលដែលស្នាដៃថ្មីរបស់ខ្លួនដែលមានចំណងជើងថា « បណ្តាសានាងរាត្រី »ដាក់បញ្ចាំងជាផ្លូវការនៅក្នុងប្រទេស ហើយក៏កំពុងផ្ទុះខ្លាំង ។
តាមរយៈរូបភាព ក៏ដូចជាវិដេអូ ដែល ស៊ីន យូប៊ីន បានបង្ហោះនេះ គឺបង្ហាញឱ្យឃើញថា ស៊ីន យូប៊ីន ពិតជាពេញចិត្ត Lisa ខ្លាំងណាស់ ហើយនាងថែមទាំងបានសរសើរតារាស្រីរូបនោះថា Lisa គួរឱ្យស្រឡាញ់ រូសរាយរាក់ទាក់ និង ចិត្តល្អ ។
ក្រៅពីចូលរួមក្នុងកម្មវិធី BULGARI នៅទីក្រុង សេអ៊ូល ប្រទេស កូរ៉េ កញ្ញា ស៊ីន ក៏មានគម្រោងនឹងចូលរួមកម្មវិធីធំៗផ្សេងៗទៀតនៅតាមបណ្តាប្រទេសមួយចំនួនដូចជាបណ្តាឆ្នាំមុនៗដែរ ដោយសារតែនាងជាតារាស្រីល្បីល្បាញ និង មានទេពកោសល្យ ដែលមានឈ្មោះល្បីល្បាញលំដាប់ប្រទេស ។ កន្លងមកនាងបាននាំ កម្ពុជា ទៅឆាកអន្តរជាតិ ដែលធ្វើឱ្យពិភពលោកកាន់តែស្គាល់ កម្ពុជា ច្រើនឡើង ៕
