រោងចក្រដំឡើងរថយន្តថ្មីតម្លៃ ៧,៣លានដុល្លារ សម្ពោធដំណើរការសង្វាក់ផលិតកម្មរបស់ខ្លួននៅខេត្តកំពង់ស្ពឺ

មេទ័ព 001

ក្រុមហ៊ុន K (Cambodia) .,LTD សម្រេចដាក់សម្ពោធជាផ្លូវការនូវរោងចក្រដំឡើងរថយន្ត ISUZU នៅថ្ងៃទី២៩ ខែមីនា ឆ្នាំ២០២៣ ដែលមានទីតាំងស្ថិតនៅតាមបណ្តោយផ្លូវជាតិលេខ៤ ភូមិសង្គ្រោះជាតិ ឃុំត្រពាំងគង ស្រុកគងពិសី ខេត្តកំពង់ស្ពឺ។

បើតាមក្រុមប្រឹក្សាអភិវឌ្ឍន៍កម្ពុជា រោងចក្រផ្គុំដំឡើងរថយន្ដថ្មីនេះ មានតម្លៃ ៧,៣លានដុល្លារ ហើយនឹងអាចបង្កើតការងារជូនប្រជាពលរដ្ឋប្រមាណ ១៦៦កន្លែង។

ការដាក់សម្ពោធជាផ្លូវការនេះ ចូលរួមជាអធិបតីភាពពីលោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការក្រុមប្រឹក្សាអភិវឌ្ឍន៍កម្ពុជា។ ក្នុងឪកាសនោះ លោកបានចាត់ទុករោងចក្រដំឡើងរថយន្តនេះ គឺជាឧទាហរណ៍មួយឆ្លុះបញ្ចាំងពីចក្ខុវិស័យរបស់រាជរដ្ឋាភិបាល ដែលបានសម្រេចឱ្យមានការធ្វើការសិក្សាអំពីរបៀងកំណើនសេដ្ឋកិច្ច រាជធានីភ្នំពេញ-ខេត្តព្រះសីហនុ កាលពីប្រមាណ២០ឆ្នាំមុន ដោយក្រសួងពាណិជ្ជកម្ម និងអង្គការ JICA របស់ជប៉ុនបាន។

លោកថា វត្តមាននៃគម្រោងវិនិយោគនេះ នៅខេត្តកំពង់ស្ពឺ ក៏ជាជោគជ័យនៃគោលនយោបាយពង្រាយរោងចក្រ នៅតាមបណ្តាខេត្តរបស់សម្តេចតេជោនាយករដ្ឋមន្ត្រីផងដែរ។

បើតាមលោក សុខ ចិន្តាសោភា  បច្ចុប្បន្នកម្ពុជាមានរោងចក្រដំឡើងរថយន្តដែលជាម៉ាកល្បីៗជាច្រើន ដូចជា Hyundai, Kia, Ssangyong, Soueast, Dongfeng, Ford, Toyota និងរោងចក្រដំឡើងរថយន្ត ISUZU ៕

អត្ថបទទាក់ទង

ក្រសួងសាធារណការ រកចំណូលចូលជាតិបានជិត ១០០លានដុល្លារ ពីការលក់ផ្លាកលេខពិសេស

  • Phea ra
  • មិថុនា ២១, ២០២៣
  • 0

លេខឡានពិសេសផ្ទាល់ខ្លួន បានដាក់ឲ្យប្រើប្រាស់នៅថ្ងៃទី៧ ខែមករា ឆ្នាំ២០២០ មកដល់ខែឧសភា ឆ្នាំ២០២៣នេះ យើងលក់លេខឡានពិសេសផ្ទាល់ខ្លួនបាន ១ម៉ឺន៩ពាន់ផ្លាក បានចំណូល ៣៣លានដុល្លារ។ រីឯលេខឡានពិសេស រាជធានី ខេត្ត លក់បាន ២២៨,០០០ផ្លាក បានចំណូល ៦២លានដុល្លារ។ នេះបើតាមការឲ្យដឹងពីឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន។ ក្នុងពិធីប្រគល់ថវិកាមូលនិធិសប្បុរសធម៌ ដែលប្រមូលបានពីកម្មវិធី […]

មន្ត្រីជាន់ខ្ពស់រដ្ឋាភិបាល ប្រៀប RCEP ទៅនឹងដំរីដ៏ធំមួយ ដែលកម្ពុជាអាចទាញយកអត្ថប្រយោជន៍

  • Phea ra
  • វិច្ឆិកា ២១, ២០២៣
  • 0

ក្រសួងព័ត៌មាន សហការជាមួយវិទ្យាស្ថានចក្ខុវិស័យអាស៊ី (AVI) នៅថ្ងៃទី២១ ខែវិច្ឆិកា ឆ្នាំ២០២៣ បានរៀបចំបាឋកថាមួយក្រោមប្រធានបទ «ការវិភាគលើទិដ្ឋភាពគតិយុត្តនៃកិច្ចព្រមព្រៀងភាពជាដៃគូ សេដ្ឋកិច្ចគ្រប់ជ្រុងជ្រោយក្នុងតំបន់» ដែលប្រព្រឹត្តទៅក្រោមអធិបតីភាពរបស់ ឯកឧត្តមសាស្ដ្រាចារ្យ បណ្ឌិតសភាចារ្យ សុក ស៊ីផាន់ណា ទេសរដ្ឋមន្ត្រីទទួលបន្ទុកបេសកកម្មពិសេស និងឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នៅសាលចតុមុខមង្គល ទីស្ដីការក្រសួងព័ត៌មាន។ បាឋកថានេះបានរៀបចំឡើង បន្តពីបាឋកថាលើកទី១ ក្រោមប្រធានបទ «កិច្ចព្រមព្រៀងភាពជាដៃគូសេដ្ឋកិច្ច […]

ក្រសួងសេដ្ឋកិច្ច ប្រកាសអនុវត្តអាករលើតម្លៃបន្ថែមចំពោះបារីនាំចូល ចាប់ពីថ្ងៃទី១ ខែសីហាតទៅ

  • Phea ra
  • កក្កដា ២៥, ២០២៣
  • 0

ក្រសួងសេដ្ឋកិច្ច និងហិរញ្ញវត្ថុ នៅថ្ងៃទី២៥ ខែកក្កដានេះ បានចេញសេចក្ដីណែនាំ ស្តីពីការអនុវត្តអាករលើតម្លៃបន្ថែមចំពោះបារីនាំចូល។ ក្នុងគោលដៅពង្រឹងការអនុវត្តអាករលើតម្លៃបន្ថែមឱ្យមានតម្លាភាព និងសង្គតិភាព ក្រសួងសេដ្ឋកិច្ច និងហិរញ្ញវត្ថុ សូមណែនាំដល់គ្រប់ម្ចាស់សហគ្រាសដែលប្រកបអាជីវកម្មនាំចូលបារី ឬចែកចាយបន្តបារីនាំចូល ទាំងអស់ អំពីនីតិវិធីនៃការអនុវត្តអាករលើតម្លៃបន្ថែម(អតប) ដូចខាងក្រោម៖ ១. ចំពោះបារីដែលនាំចូលសម្រាប់គោលដៅលក់ក្នុងស្រុក សហគ្រាសត្រូវអនុវត្តអាករលើតម្លៃបន្ថែមដូចទំនិញ នាំចូលជាប់អាករដទៃទៀតដែរ ដោយត្រូវប្រមូល អតប តាមអត្រា ១០(ដប់)ភាគរយ រាល់ការផ្គត់ផ្គង់បារី នៅក្នុងព្រះរាជាណាចក្រកម្ពុជា។ […]