Author: Phea ra

សម្តេចធិបតី ហ៊ុន ម៉ាណែត នាយករដ្ឋមន្ត្រីបានថ្លែងថា ឥលូវនេះកូនខ្មែរយើងមានសមត្ថភាពខ្លាំង ក្នុងការធ្វើកិច្ចការធំៗជាច្រើនសម្រាប់ប្រទេសជាតិ មិនពឹងពាក់បរទេសនោះទេ នេះជាមោទនភាពណាស់សម្រាប់ខ្មែរ យើងត្រូវលើកទឹកចិត្តគាំទ្រកូនខ្មែរ ដើម្បីសង្គមជាតិយើងរីកចម្រើនទៅមុខទៀត។ សម្តេចធិបតីបានថ្លែងបែបនេះ ក្នុងពិធី “ប្រគល់សញ្ញាបត្រជូនដល់ និស្សិត នៃសាកលវិទ្យាល័យ លីមកុងវីង”​ នៅព្រឹកថ្ងៃទី១៣ មិថុនា ២០២៤។ សម្តេចធិបតី ហ៊ុន ម៉ាណែត បានថ្លែងថា កូនខ្មែរយើងត្រូវមានភាពជាម្ចាស់ការខ្លួនឯង ធ្វើកិច្ចការខ្លួនឯងសម្រាប់ប្រទេសជាតិ។ […]

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានអនុញ្ញាតឱ្យឯកឧត្តម Oh Young-Hun អភិបាលខេត្តស្វយ័តពិសេសជេជូ នៃសាធារណរដ្ឋកូរ៉េ និងគណៈប្រតិភូ ចូលជួបសម្តែងការគួរសម និងពិភាក្សាការងារ នារសៀលថ្ងៃទី១២ ខែមិថុនា ឆ្នាំ២០២៤ នៅវិមានសន្តិភាព។ ក្នុងឱកាសនៃជំនួប ឯកឧត្តមអភិបាលខេត្តជេជូ បានជម្រាបជូនសម្ដេចធិបតីអំពីគោលបំណងសំខាន់ នៃដំណើរទស្សនកិច្ចមកកម្ពុជានាឱកាសនេះ គឺដើម្បីចុះអនុស្សរណៈនៃការយោគយល់គ្នា រវាងរដ្ឋបាលរាជធានីភ្នំពេញ និងខេត្តស្វយ័តពិសេសជេជូ ព្រមទាំងបានសម្ដែងនូវការអំណរគុណចំពោះសម្តេចធិបតី […]

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានផ្តល់ជាគោលការណ៍ពិសេសមួយដល់ក្រសួង-ស្ថាប័នទាំងអស់ ក្នុងគោលដៅបង្កើនស័ក្កិសិទ្ធិភាព និងប្រសិទ្ធភាពក្នុងការជ្រើសរើសមន្ត្រីចូលបម្រើការងារ នៅឆ្នាំ២០២៥ ឱ្យកាន់តែប្រកបដោយគុណាធិបតេយ្យ, តម្លាភាព, យុត្តិធម៌, បរិយាប័ន្ន, និង ប្រសិទ្ធភាពខ្ពស់។ គោលការណ៍ដែលសម្តេចធិបតីបានណែនាំនោះគឺ សម្តេចបាននលើកទឹកចិត្តឱ្យក្រសួង-ស្ថាប័ន អាចផ្ទេរថវិកាដែលសល់ពីការសន្សំលើការកត់បន្ថយក្របខណ្ឌ យកមកប្រើប្រាស់សម្រាប់ការលើកទឹកចិត្តដល់មន្ត្រី ឬ/និងបង្កើនចំណាយក្រៅពីបន្ទុកបុគ្គលិក ក្នុងករណីចាំបាច់ និងមានមូលដ្ឋានពន្យល់សមស្រប និងមានហេតុផលត្រឹមត្រូវ។ ចំពោះចំនួនមន្ត្រីដែលត្រូវជ្រើសរើស ត្រូវគ្រោងយ៉ាងច្រើនស្មើចំនួនមន្ត្រីចូលនិវត្តន៍ឆ្នាំ២០២៤ និងគ្រោងតែក្នុងករណីចាំបាច់ដែលអាចពន្យល់បាន […]

បណ្តុំសហជីពធំៗនៅកម្ពុជាបានចេញប្រតិកម្ម និងមិនពេញចិត្តយ៉ាងខ្លាំងចំពោះរបាយការណ៍របស់មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (សង់ត្រាល់) ដោយបានចាត់ទុកថា មានចរិតអុជអាល រើសអើង ដែលធ្វើឲ្យប៉ះពាល់យ៉ាងខ្លាំងដល់សេដ្ឋកិច្ចគ្រួសាររបស់កម្មករនិយោជិត និងស្ថេរភាពការងារ តាមរោងចក្រ សហគ្រាសនានា។ មជ្ឈមណ្ឌលសម្ព័ន្ធភាពការងារ និងសិទ្ធិមនុស្សហៅកាត់ «សង់ត្រាល់» បានចេញរបាយការណ៍មួយស្តីពីស្ថានភាពសេរីភាពរបស់សហជីពក្នុងប្រទេសកម្ពុជា ដែលបង្ហាញថា សហជីពឯករាជ្យកម្ពុជានៅតែប្រឈមឧបសគ្គរារាំង។ ពួកគេទាមទារឱ្យគ្រប់ភាគីពាក់ព័ន្ធគួរតែពិនិត្យមើលឡើងវិញ ដើម្បីកុំឱ្យមានការរំលោភសិទ្ធិសេរីភាពការងាររបស់ កម្មករនិយោជិត និងសហជីព។ របាយការណ៍នេះចេញផ្សាយ កាលពីថ្ងៃទី៤ ខែមិថុនា ឆ្នាំ២០២៤។ […]

រាជរដ្ឋាភិបាលកម្ពុជា បាននឹងកំពុងរៀបចំសណ្តាប់ធ្នាប់នៃការផ្សាយពាណិជ្ជកម្ម កុំឱ្យជ្រុលហួសហេតុ និងថ្លឹងថ្លែងអំពីការធានានិរន្តរភាព នៃដំណើរការលូតលាស់សេដ្ឋកិច្ច និរន្តរភាពទីផ្សារការងាររបស់ប្រជាពលរដ្ឋ និងធានាចំណូលសម្រាប់ដំណើរការប្រព័ន្ធផ្សព្វផ្សាយបុរាណ ដែលកំពុងប្រឈមទៅនឹងស្ថានភាពបិទទ្វារជាបណ្តើរៗ ដោយសារការវិវត្តន៍នៃប្រព័ន្ធផ្សព្វផ្សាយ ទំនើប និងវិបត្តិសេដ្ឋកិច្ចដែលពិភពលោកកំពុងជួបប្រទះ។ នេះបើតាមការលើកឡើងរបស់ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន និងជាប្រធានក្រុមការងារគ្រប់គ្រងការផ្សាយពាណិជ្ជកម្មផលិតផលគ្រឿងស្រវឹង ក្នុងពិធីចុះហត្ថលេខាលើ “ក្រមប្រតិបត្តិសម្រាប់ការធ្វើទីផ្សារ និង ការធ្វើទំនាក់ទំនងពាណិជ្ជកម្មប្រកបដោយការទទួលខុសត្រូវលើផលិតផលគ្រឿងស្រវឹងក្នុងព្រះរាជាណាចក្រកម្ពុជា នៅថ្ងៃទី១១ ខែមិថុនា ឆ្នាំ២០២៤។ ឯកឧត្តមបានថ្លែងថា រាជរដ្ឋាភិបាលកម្ពុជា […]

បន្ទាប់ពីសម្ដេចធិបតី ហ៊ុន​ម៉ាណែត​នាយករដ្ឋមន្ត្រី ប្រកាសយកដីជុំវិញតំបន់ភ្នំ​១៥០០​ (​ផ្លូវអន្ទង់អាំង)​ទុកអភិរក្សជាតំបន់ទេសចរណ៍​ប្រជាពលរដ្ឋចំនួន​៦៧​គ្រួសារ​ក្នុងចំណោម​ ៩៨​គ្រួសារ​ ដែលរស់នៅកាន់កាប់សាងសង់សំណង់ខុសច្បាប់នៅលេីដីរដ្ឋ​នៅភូមិ​ដីក្រហម​ឃុំ​អន្លង់រាប​ស្រុកវាលវែង​ខេត្តពោធិសាត់​បានស្ម័គ្រចិត្តចាកចេញ​និងយល់ព្រមសហការទទួលយកការដោះស្រាយគោលនយោបាយជាមួយអាជ្ញាធរ​និងរាជរដ្ឋាភិបាល។ ដោយឡែកនៅសល់​ចំនួន​៣១​គ្រួសារទៀត​ដែលភាគច្រេីនអ្នករាជធានីភ្នំពេញ​និងក្រៅភូមិសាស្ត្រ​បានតវ៉ាមិនព្រមសហការទទួលយកគោលនយោបាយដោះស្រាយរបស់អាជ្ញាធរ។ នេះបើយោងតាមឯកសារដែលត្រូវបានទម្លាយលើបណ្តាញសង្គមនៅថ្ងៃទី១១ ខែមិថុនា ឆ្នាំ២០២៤។ ប្រភពដ៏គួរឲ្យទុកចិត្តមួយបានឲ្យដឹងថា ការតវ៉ាភាគច្រេីន​គឺធ្វេីតាមការញុះញង់របស់ឈ្មោះ​ថៃ​ថេរ៉ាគុន​អនិកជនខ្មែររស់នៅរដ្ឋតិចសាស់​សហរដ្ឋអាមេរិក​ដែលតែងតែបង្ហោះវីដេអូភូតកុហកមហាជនថា ខ្លួនរស់នៅលេីដីដែលខ្លួនកាន់កាប់ថាជាដីស្របច្បាប់​ខណៈដីនោះគ្មានប័ណ្ណកម្មសិទ្ធិ​សង់ផ្ទះគ្មានលិខិតអនុញ្ញាត​និងសង់ផ្ទះរំលោភលេីដីចំណីផ្លូវស្ទេីរតែទាំងអស់។ ដោយឡែក​លោកជំទាវ​សុខុម​ហ៊ុន​ពុទ្ធារី​ ដែលជាភរិយារបស់ឯកឧត្តម​ផូវ​សំភី​ប្រតិភូរាជរដ្ឋាភិបាលជាអគ្គនាយកនៃអគ្គនាយកដ្ឋានកិច្ចការរដ្ឋបាលតុលាការ​និងជានាយកសាលាច្បាប់​នៃបណ្ឌិតសភាភូមិន្ទយុត្តិធម៌កម្ពុជាក៏មានឈ្មោះតវ៉ា​ក្នុងចំណោមអ្នកតវ៉ាទាំង​៣១​គ្រួសារដែរ។ សូមបញ្ជាក់ថា​ទោះបីប្រជាពលរដ្ឋដែលកាន់កាប់ដីរដ្ឋដោយខុសច្បាប់ក៏ដោយក៏អាជ្ញាធរ​និងរាជរដ្ឋាភិបាល​បានដោះស្រាយគោលនយោបាយជូនគ្រប់ៗគ្នា​ដោយដោះដូរដីនៅទីកន្លែងផ្សេង​ស្ថិតនៅភូមិប្រម៉ោយ​ឃុំប្រម៉ោយ​ស្រុកវាលវែង​ដដែល ព្រមទាំងធ្វើផ្លូវកៅស៊ូប្រវែង​៥គីឡូម៉ែត្រ តភ្លេីងអគ្គីសនីចូល​និងធ្វើប័ណ្ណកម្មសិទ្ធិស្របច្បាប់ជូនថែមទៀតផង៕