អគ្គស្នងការដ្ឋាននគរបាលជាតិ បានឲ្យដឹងថា តាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹងច្បាប់ស្ដីពីចរាចរណ៍ផ្លូវគោកនៅថ្ងៃទី១៧ ខែកក្កដា ឆ្នាំ២០២៣ បានឲ្យដឹងថាចំនួនគោលដៅសរុប ៥គោលដៅ មានយានយន្តចូលគោលដៅចំនួន ៦គ្រឿង ម៉ូតូ ០គ្រឿង ក្នុងនោះរកឃើញយានយន្តល្មើសសរុបចំនួន ៥គ្រឿង មានម៉ូតូចំនួន ០គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ បើតាមអគ្គស្នងការដ្ឋាននគរបាលជាតិ របាយការណ៍ដដែលបានវាយតម្លៃថា ការអនុវត្តតាមអនុក្រឹត្យថ្មីក្នុងការផាកពិន័យយានយន្តល្មើសបានដំណើរការ ទៅយ៉ាងល្អប្រសើរទទួលបានការគាំទ្រ […]
Author: Phea ra
ក្រសួងមហាផ្ទៃ អនុញ្ញាតឱ្យសមាគមសម្ព័ន្ធសហគមន៍កសិករកម្ពុជា បន្ដសកម្មភាពជាបណ្ដោះអាសន្ន
ក្រសួងមហាផ្ទៃ បានចេញសេចក្ដីសម្រេចអនុញ្ញាតឱ្យសមាគមសម្ព័ន្ធសហគមន៍កសិករកម្ពុជា មានអាសយដ្ឋានទីស្នាក់ការកណ្តាលនៅភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ បន្តសកម្មភាពជាបណ្ដោះអាសន្ន រហូតដល់មានការសម្រេចជាថ្មីរបស់តុលាការ៕
តំណាងកម្ពុជាឡើងថ្លែងបទអន្តរាគមន៍ ២០លើក បង្ហាញពីកិច្ចខិតខំប្រឹងប្រែង និងវឌ្ឍនភាពលើវិស័យសិទ្ធិមនុស្ស
ស្ថានបេសកកម្មអចិន្ត្រៃយ៍កម្ពុជា ប្រចាំទីក្រុងហ្សឺណែវ បានឡើងថ្លែងបទអន្តរាគមន៍២០លើក បង្ហាញពីវឌ្ឍនភាពនិងសមិទ្ធផលរបស់កម្ពុជា ក្នុងអំឡុងពេលកិច្ចប្រជុំក្រុមប្រឹក្សាសិទ្ធិមនុស្ស លើកទី៥៣ រយៈពេល ៤សប្តាហ៍ (ពីថ្ងៃទី១៩-មិថុនា ដល់ថ្ងៃទី១៤-កក្កដា ២០២៣)។ វឌ្ឍនភាពនិងសមិទ្ធផលដែលតំណាងកម្ពុជាបានលើកបង្ហាញពីទិដ្ឋភាពច្បាប់ គោលនយោបាយ និងការអនុវត្តជាក់ស្តែង ក្នុងការលើកកម្ពុជានិងការពារសិទ្ធិមនុស្សគ្រប់ប្រភេទ រួមមានសិទ្ធិពលរដ្ឋ នយោបាយ សង្គម សេដ្ឋកិច្ច និងវប្បធម៌រួមទាំងសិទ្ធិអភិវឌ្ឍន៍។ នេះបើយោងតាមសេចក្តីប្រកាសព័ត៌មានរបស់ស្ថានបេសកម្មអចិន្ត្រៃយ៍កម្ពុជា ប្រចាំទីក្រុងហ្សឺណែវ ចេញផ្សាយកាលពីថ្ងៃទី១៦ ខែកក្កដា ឆ្នាំ២០២៣នេះ៕ […]
លោកជំទាវ ជា សិរី ពន្យល់ច្បាស់ៗពីការព្រួយបារម្ភរបស់ពលរដ្ឋមួយចំនួន ខ្លាចលុយចិនមកចរាចរវាយលុកនៅកម្ពុជា
លោកជំទាវ ជា សិរីទេសាភិបាលរងធនាគារជាតិនៃកម្ពុជាបានចេញពន្យល់ចំពោះការព្រួយបារម្ភរបស់ប្រជាពលរដ្ឋមួយចំនួន ខ្លាចក្រដាសប្រាក់យ័នចិនមកចរាចរវាយលុកប្រទេសកម្ពុជា។ តាមរយៈសំណេរលើផេកហ្វេសប៊ុកផ្លូវការ លោកជំទាវ ជា សិរី នៅថ្ងៃទី១៦ ខែកក្កដា ឆ្នាំ២០២៣ មានខ្លឹមសារទាំងស្រុងដូច្នេះថា៖ កន្លងមកមានការបកស្រាយខុសបច្ចេកទេស នៃគោលបំណងស្នូលនៃការចុះអនុស្សរណ:យោគយល់គ្នារវាង ធនាគារជាតិនៃកម្ពុជា និងក្រុមហ៊ុន UnionPay របស់ប្រទេសចិន។ ប្រជាជនយើងមួយចំនួនមានការព្រួយបារម្ភខ្លាចលុយចិនមកចរាចរវាយលុកប្រទេសកម្ពុជា។ យើងខ្ញុំសូមអរគុណចំពោះការព្រួយបារម្ភនេះ និងសូមលើកទឹកចិត្តបងប្អូនយើងឱ្យបន្តលើកកម្ពស់ប្រាក់រៀល តាមរយៈការសន្សំ និងទូទាត់ជាប្រាក់រៀល។ ចំពោះគោលបំណងនៃអនុស្សរណ:នោះ គឺយើងមិនបានឱ្យទេសចរចិនយកធនប័ត្រចិន […]
សម្តេចតេជោ ហ៊ុន សែន៖ គ្រប់គណបក្សនយោបាយ បានធ្វើសកម្មភាពឃោសនាយ៉ាងសស្រាក់សស្រាំ និងហាក់ចាត់ទុកថា ជាបុណ្យមួយដ៏សប្បាយរីករាយ
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា តាមរយៈឆានែលតេឡេក្រាមនៅយប់ថ្ងៃទី១៦ ខែកក្កដានេះ បានលើកឡើងថា៖ “ចាប់តាំងពីបើកយុទ្ធនាការឃោសនាបោះឆ្នោត គិតរហូតមកដល់ពេលនេះ មានរយៈពេល១៦ថ្ងៃហើយ ដែលគ្រប់គណបក្សនយោបាយដែលចូលរួមប្រកួតប្រជែង បានធ្វើសកម្មភាពឃោសនាយ៉ាងសស្រាក់សស្រាំ ប្រកបដោយភាពសប្បាយរីករាយ និងហាក់ដូចជាចាត់ទុកថា អំឡុងយុទ្ធនាការឃោសនានេះជាបុណ្យមួយដ៏សប្បាយរីករាយរបស់ពួកគាត់ដូច្នោះដែរ”។ សម្តេចតេជោបន្តថា៖ “ស្របជាមួយនឹងព្រះរាជអំពាវនាវរបស់ ព្រះមហាក្សត្រ និងគណៈកម្មាធិការជាតិរៀបចំការបោះឆ្នោត ខ្ញុំក្នុងនាមនាយករដ្ឋមន្ត្រី សូមយកឱកាសនេះ អំពាវនាវដល់ប្រជាពលរដ្ឋទាំងអស់ ដែលមានឈ្មោះក្នុងបញ្ជី សូមអញ្ជើញទៅបោះឆ្នោតជាតិជ្រើសតាំងតំណាងរាស្រ្ត នៅថ្ងៃអាទិត្យ […]
សម្តេច ទៀ បាញ់៖ ៥ឆ្នាំនេះ ក្រុមការងាររាជរដ្ឋាភិបាលចុះមូលដ្ឋាន បានធ្វើមានការប្រែប្រួលមុខមាត់ថ្មី
“នៅក្នុងរយៈពេល៥ឆ្នាំនេះ តាមរយៈក្រុមការងាររាជរដ្ឋាភិបាលចុះមូលដ្ឋានស្រុកកោះកុង ខេត្តកោះកុង បានធ្វើឱ្យឃុំជ្រោយប្រស់ មានការអភិវឌ្ឍរីកចម្រើនលើគ្រប់វិស័យ មានជាអាទិ៍ ផ្លូវក្រាលកៅស៊ូ ផ្លូវក្រាលក្រួសក្រហម ទំនប់ស្ទាក់ទឹកសាបនិងទឹកប្រៃ តំបន់ប្រវត្តិសាស្រ្តយោធា និងកំពង់ផែនេសាទ បានធ្វើឱ្យតំបន់នេះមានការប្រែប្រួលមុខមាត់ថ្មីគួរជាទីមោទនៈ”។ នេះជាសាររបស់សម្តេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ បង្ហោះលើផេកហ្វេសប៊ុកផ្លូវការនៅថ្ងៃទី១៦ ខែកក្កដា ឆ្នាំ២០២៣៕
គ.ជ.ប៖បក្សនយោបាយចំនួន១៥ បានធ្វើសកម្មភាពឃោសនាបោះឆ្នោតនៅថ្ងៃទី១៦ ប្រព្រឹត្តទៅដោយរលូន និងគ្មានអំពើហិង្សា
សេចក្តីប្រកាសព័ត៌មានស្ថានភាពទូទៅថ្ងៃទីដប់ប្រាំមួយ នៃការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ របស់គណៈកម្មាធិការជាតិរៀបចំការបោះឆ្នោត(គ.ជ.ប) បានឲ្យដឹងថា នៅថ្ងៃទីដប់ប្រាំមួយនៃយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ មានគណបក្សនយោបាយចំនួន ១៥ បានធ្វើសកម្មភាពឃោសនាបោះឆ្នោត ក្នុងនោះ មានគណបក្សនយោបាយចំនួន ៧ បានហែក្បួនឃោសនារកសំឡេងឆ្នោត។ ទី១: គណបក្សខ្មែរអភិវឌ្ឍន៍សេដ្ឋកិច្ច ហែក្បួនឃោសនានៅមណ្ឌលរាជធានីភ្នំពេញ។ ទី២: គណបក្សកសិករ ហែក្បួនឃោសនានៅមណ្ឌលខេត្តកំពង់ធំ។ ទី៣: គណបក្សសញ្ជាតិកម្ពុជា ហែក្បួនឃោសនានៅមណ្ឌលខេត្តព្រៃវែង។ […]
បណ្ឌិត សុខ ទូច៖ បង្កើតមុខរបរថ្មីដល់ជនជាតិកួយ ដើម្បីកាត់បន្ថយការកាប់ឈើ និងបាញ់សត្វ នៅឧទ្យានតេជោសែនឫស្សីត្រឹប
“យើងបង្កើតមុខរបរថ្មីដល់ជនជាតិ កួយ ដូចជា មកឃ្វៀលគោ ក្របី ដាំស្មៅ ច្រូតស្មៅ និងការងារផ្សេងៗទៀតនៅឧទ្យានរាជបណ្ឌិត្យសភាកម្ពុជា តេជោសែនឫស្សីត្រឹប ដើម្បីបង្វែរការគិតរបស់ពួកគាត់ កាត់បន្ថយការកាប់ឈើ និងបាញ់សត្វ”។ នេះជាការលើកឡើងលើផេកហ្វេសប៊ុកឯកឧត្តមបណ្ឌិត សុខ ទូច ប្រធានរាជបណ្ឌិត្យសភាកម្ពុជា នៅថ្ងៃទី១៦ ខែកក្កដា ឆ្នាំ២០២៣។ សូមជម្រាបថា កន្លងទៅ ព្រៃឈើធម្មជាតិនៅក្នុងឧទ្យានរាជបណ្ឌិត្យសភាកម្ពុជា តេជោសែនឫស្សីត្រឹប បន្តរងការកាប់បំផ្លាញ ទោះបីជាក្រុមការងារអភិរក្ស […]
សម្ដេចបណ្ឌិត ម៉ែន សំអន៖ គ្រប់បក្សនយោបាយដែលកំពុងឃោសនារកសម្លេងឆ្នោត ប្រព្រឹត្តទៅក្រោមម្លប់សុខសន្តិភាពរបស់គណបក្សប្រជាជនកម្ពុជា
ថ្ងៃទី១៦ ឃោសនារកសម្លេងឆ្នោត នៃយុទ្ធនាការឃោសនាបោះឆ្នោតជ្រើសតាំងតំណាងរាស្ត្រអណត្តិទី៧ សម្ដេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សប្រជាជនកម្ពុជា ចុះជួយខេត្តស្វាយរៀង បានបន្តចុះជួបសំណេះសំណាលជាមួយសមាជិក សមាជិកា គណបក្សប្រជាជនកម្ពុជា និងបង្រៀនគូសសន្លឹកឆ្នោត ដល់សមាជិកបក្ស ១.២០០នាក់ នៅឃុំពងទឹក ស្រុករំដួល និង ឃុំក្រោលគោ ស្រុកស្វាយជ្រំ ខេត្តស្វាយរៀង នាព្រឹកថ្ងៃអាទិត្យទី១៦ ខែកក្កដា ឆ្នាំ២០២៣។ សម្ដេចកិត្តិសង្គហបណ្ឌិត […]
កម្ពុជា ទន្ទឹងរងចាំដំណើរការផ្លូវល្បឿនលឿនត្រីភាគី ឥណ្ឌា-មីយ៉ាន់ម៉ា-ថៃ និងលទ្ធភាពពង្រីមកកាន់ឡាវ កម្ពុជា និងវៀតណាម
ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិនៃកម្ពុជា បានទន្ទឹងរងចាំការបញ្ចប់ និងដំណើរការទាន់ពេលវេលារបស់ផ្លូវល្បឿនលឿនត្រីភាគី ឥណ្ឌា-មីយ៉ាន់ម៉ា-ថៃ និងលទ្ធភាពនៃការពង្រីកផ្លូវនេះមកកាន់ប្រទេសឡាវ កម្ពុជា និងវៀតណាមផងដែរ។ ឯកឧត្តមឧបនាយករដ្ឋមន្ត្រី បានលើកឡើងក្នុងកិច្ចប្រជុំរដ្ឋមន្ត្រីការបរទេសអាស៊ាន-ឥណ្ឌា។ ឯកឧត្តមឧបនាយករដ្ឋមន្ត្រី ប្រាក់ សុខុន បានអញ្ជើញចូលរួមក្នុងកិច្ចប្រជុំរដ្ឋមន្ត្រីការបរទេសអាស៊ាន ជាមួយដៃគូសន្ទនាអាស៊ាន រួមមាន ឥណ្ឌា នូវែលសេឡង់ អូស្ត្រាលី ចិន ជប៉ុន សាធារណរដ្ឋកូរ៉េ […]