ព្រះអង្គម្ចាស់ នរោត្តម ចក្រាវុធ ព្រះប្រធានគណបក្សហ៊្វុនស៊ិនប៉ិច យាងជួបសំណេះសំណាល ជាមួយ សហជីវិន សហជីវិនី សកម្មជនគាំទ្រ ប្រមាណជាង ១៥០០នាក់ ស្ថិតឃុំតាផូ ស្រុកស្វាយចេក នាព្រឹកថ្ងៃទី២៦ ខែមិថុនា ឆ្នាំ២០២៣។ ព្រះអង្គម្ចាស់ នរោត្តម ចក្រាវុធ ក៏បានមានព្រះបន្ទូលស្វាគមន៍ អតីតអ្នករាជានិយម អ្នកជាតិនិយម បងប្អូនអញ្ជើញមកពីគណបក្សខ្មែររួបរួមជាតិ គណបក្សភ្លើងទៀន ដែលបានមករួបរួមសាមគ្គី ជាមួយមហាគ្រួសារហ៊្វុនស៊ិនប៉ិច ក្នុងគោលបំណងជួយឱ្យគណបក្សរាជានិយមមួយនេះ ទទួលបានជោគជ័យ ដូចឆ្នាំ១៩៩៣។
ព្រះអង្គម្ចាស់ ថ្លែងកោតសរសើរ ទឹកចិត្តអង់អាច ក្លាហាន ស្មោះត្រង់ ចង់ឱ្យគណបក្សហ៊្វុនស៊ិនប៉ិច ឈ្នះឆ្នោត មានអាសនៈ នៅក្នុងអាណត្តិទី៧នេះ ដូច្នេះហើយសន្លឹកឆ្នោត១សន្លឹករបស់បងប្អូន ប្រជារាស្ត្រ ពិតជាមានសារៈសំខាន់ណាស់ ក្នុងការសម្រេចជោគវាសនាប្រទេសជាតិ ជ្រើសរើសមេដឹកនាំ ដែលខ្លួនស្រឡាញ់ ដើម្បីដឹកនាំប្រទេសរីកចំរើន និងការអភិវឌ្ឍន៍៕
