ស្ទើរតែមិនជឿអតីតតារាសម្តែង និងជាអ្នកលក់អនឡានល្បីឈ្មោះក្នុងបណ្តាញសង្គម ដេននីក្វាន់ ធ្លាប់ឆ្លងកាត់មុខកាំបិតនៅលើផ្ទៃមុខរបស់ខ្លួនរហូតដល់ទៅ ២៣ លើក ។
គ្រាន់តែលើ ដេននីក្វាន់ និយាយថា ខ្លួនធ្លាប់ឆ្លងកាត់មុខកាំបិតរហូតដល់ទី ២៣ លើក បានធ្វើឱ្យមហាជនជាច្រើនមានការភ្ញាក់ផ្អើលនិងនឹកស្មានមិនដល់ ។
ដេននីក្វាន់ បានចេញវីដេអូមួយដែលបង្ហាញពីការវះកាត់កែសម្ផស្សរបស់ខ្លួនក្នុងរយៈពេលជាច្រើនឆ្នាំនេះថា មុននឹងបងប្អូនសម្រេចចចិត្តធ្វើការវះកាត់កែសម្ផស្សអាចមើលវិដេអូរបស់នាងសិន មុននឹងសម្រេចចិត្ត ។
ទោះជាបង្ហាញវិដេអូបែបនេះក្តីចំពោះ ដេននីក្វាន់ ហាក់មិនញញើតក្នុងការឡើងជ្រុញវះកាត់កែសម្ផស្សឡើយ ផ្ទុយទៅវិញនាងបែរជានិយាយថា ចំពោះរឿងកែសម្ផស្សសម្រាប់នាងគឺជារឿងធម្មតា ២៣ លើកហើយដែលនាងបានទៅវះកាត់ ហើយក៏ជួបនូវឧបសគ្គជាច្រើន ប៉ុន្តែបើសួរថា តើពេលណាទើបនាងឈប់វះកាត់ ? នាងនៅតែនិយាយដដែលៗថា ឱ្យតែមិនពេញចិត្តត្រង់ណា នាងនឹងហោះទៅកែសម្ផស្សបន្ថែមទៀត សំខាន់គឺនាងចង់បានមុខមាត់ស្អាតទៅតាមអ្វីដែលខ្លួនចង់បាន ។
២៣ លើកនៅលើជ្រុញវះកាត់កែសម្ផស្សនេះ ដេននីក្វាន់ បានចំណាយទឹកប្រាក់ខ្ទង់សែនដុល្លារ ហើយនាងក៏មិនខ្លាចក្នុងការចំណាយជាបន្តទៀតដែរទៅលើការកែសម្ផស្ស ពីព្រោះវាគឺជាសេចក្តីសុខរបស់នាង ។
អាចនិយាយបានថា ដេននីក្វាន់ ជាស្រ្តីម្នាក់ដែលញៀនក្នុងការកែសម្ផស្ស ជារៀងរាល់ឆ្នាំនាងតែងតែហោះទៅក្រៅប្រទេសដើម្បីកែនូវចំណុចខ្វះខាតដែលខ្លួនមិនពេញចិត្ត ជាពិសេសនៅពេលដែលនាងបែកបាក់ស្នេហាម្តងៗ គឺនាងតែងតែកែសម្ផស្ស ដើម្បីលុបស្នាមភាពឈឺចាប់របស់ខ្លួនចោល ៕
