កំពូលតារាចម្រៀងល្បីៗជាច្រើនដួង នឹងមកអង្រួញបេះដូងអ្នកគាំទ្រជាថ្មីម្តងទៀតនៅក្នុងមហាព្រឹត្តិការណ៍ប្រគំតន្រ្តី Ganzberg Premium Idol Tour ចំនួន ២ថ្ងៃលើទឹកដីខេត្តកំពង់ចាមនាចុងសប្តាហ៍នេះ ។
មហាព្រឹត្តការណ៍ប្រគំតន្រ្តី Ganzberg Premium Idol Tour Concert ដែលបានសហការជាមួយផលិតកម្មដ៏ធំ Galaxy Navatra បានធ្វើដំណើរមកដល់ខេត្ត កំពង់ចាម ហើយ នៅសប្ដាហ៍នេះ ដោយការប្រគំតន្ត្រីដ៏ធំសម្បើមមួយនេះ នឹងនាំយកកំពូលតារាចម្រៀងប្រចាំប្រទេសជាច្រើនដួង មកអង្រួនឆាកតន្រ្តី បង្កើតទស្សនីយភាពដ៏អស្ចារ្យ ដើម្បីបម្រើអារម្មណ៍ពុកម៉ែបងប្អូន ។ អ្វីដែលពិសេសនោះ ទស្សនិកជនអាចចូលរួមទទួលយកនូវភាពសប្បាយរីករាយ និងរាំលេងកម្សាន្ត ជាមួយនឹង ចង្វាក់ភ្លេងគ្រប់ប្រភេទ គ្រប់ស្ទាយ ព្រមទាំងបានជួបជាមួយអាយដលជាច្រើនដួងផងដែរ ។
ការប្រគំតន្រ្តីនេះនឹងចាប់ផ្ដើមនៅថ្ងៃទី 25.26 ខែតុលា ឆ្នាំ២០២៤ នេះ ដែលមានទីតាំងនៅស្រុកស្ទឹងត្រង់ ខេត្តកំពង់ចាម ចាប់ពីម៉ោង ០៦:០០ ល្ងាចតទៅ ។
កំពូល តារាចម្រៀងដែលនឹងចូលរួមច្រៀងក្នុងព្រឹត្តិការណ៍ប្រគំតន្រ្តីនេះរួមមាន កំពូលតារាចម្រៀងប្រចាំប្រទេស លោក ព្រាប សុវត្ថិ លោក ខាន់ ជេមស៌ និងតារាចម្រៀងជាច្រើនរូបទៀតរួមមាន លោក Tempo Tris លោក សុវត្ថិ មុនីវណ្ណ លោក សុវត្ថិ សិរីវុឌ្ឍលោក K-LA កញ្ញា អ៊ុក សុវណ្ណារី កញ្ញា ហុិន លីដា លោក VIKIT និងលោក ចឺម លោក Zedes អមដោយក្រុមកំប្លែងនាយក្រូច ។
ក្រៅពីការប្រគំតន្ត្រី របស់តារាចម្រៀង ដែលបានរៀបរាប់ ខាងលើក៏មានអមមកជាមួយការសម្ដែងshow ពិសេសៗ ដើម្បីបង្កើនភាពសប្បាយរីករាយ នៅលើឆាកតន្រ្តីដ៏ធំសម្បើម បច្ចេកទេសSoundទំនើបចុងក្រោយ និងភ្លើងចម្រុះពណ៏ ដ៏អស្ចារ្យ ដែលមិនធ្លាប់មានពីមុន ។ ព្រឹត្តិការណ៍ដ៏អស្ចារ្យនេះ បងប្អូនអាចចូលរួមដោយសេរី ដើម្បីទទួលបានរសជាតិថ្មីមួយបែបទៀត ៕
