ពលទាហានអ៊ុយក្រែន បាននិយាយកាលពីថ្ងៃចន្ទថា កងកម្លាំងរុស្ស៊ីបានវាយលុកភូមិជួរមុខចំនួនពីរនៅក្នុងតំបន់ Donetsk ភាគខាងកើតនៃប្រទេសអ៊ុយក្រែន បន្ទាប់ពីការវាយប្រហារឥតឈប់ឈរដែលជាផ្នែកមួយនៃការជំរុញរដូវក្តៅរបស់វិមានក្រឹមឡាំង ដើម្បីគ្របដណ្តប់លើសមរភូមិការពារនៅទីនោះ។
ដោយឡែក ការវាយប្រហារនៅក្នុងតំបន់ Kursk របស់រុស្ស៊ី ដោយសេវាសន្តិសុខអ៊ុយក្រែន ដែលត្រូវបានគេស្គាល់ថាជា SBU បានវាយប្រហារលើស្ថានីយមួយចំនួនដែលបណ្តាលឱ្យដាច់ចរន្តអគ្គិសនី។ នេះបើយោងតាមសេចក្តីថ្លែងការណ៍របស់អគ្គសេនាធិការអ៊ុយក្រែន។ ការអះអាងទទួលខុសត្រូវបានកើតឡើងបន្ទាប់ពីរុស្ស៊ីបាននិយាយថា ខ្លួនបានរារាំងការវាយប្រហារដោយដ្រូនអ៊ុយក្រែនពេលយប់។
ក្រសួងការពារជាតិរុស្ស៊ីបានអះអាងក្នុងរយៈពេលប៉ុន្មានថ្ងៃថ្មីៗនេះថា ខ្លួនបានគ្រប់គ្រងភូមិនានា ប៉ុន្តែអគ្គសេនាធិការអ៊ុយក្រែនមិនបានធ្វើអត្ថាធិប្បាយជាផ្លូវការទេ។ នេះបើតាមសារព័ត៌មាន AP ចុះផ្សាយ។
AP ចុះផ្សាយថា ភូមិទាំងនោះស្ថិតនៅចម្ងាយប្រហែល ៣០គីឡូម៉ែត្រ (២០ ម៉ាយល៍) ភាគពាយព្យនៃទីក្រុង Avdiivka ដែលជាទីក្រុង Donetsk ដែលកងទ័ពរុស្ស៊ីដណ្តើមបានកាលពីខែកុម្ភៈ បន្ទាប់ពីមានការប្រយុទ្ធគ្នាយ៉ាងយូរ។ ជ័យជម្នះនោះគឺជាជ័យជម្នះដ៏សំខាន់ចុងក្រោយរបស់វិមានក្រឹមឡាំងក្នុងសង្គ្រាម ដែលពេលនេះឈានចូលដល់ឆ្នាំទីបីហើយ៕
អត្ថបទ៖ ជីវ័ន
