សម្តេចតេជោ ហ៊ុន សែន៖ CoolApp ជាមោទនភាពរបស់ជាតិយើង ដែលជា​កម្មវិធីដំបូងជារបស់ខ្មែរ និងប្រើប្រាស់ក្នុងដែនសុវត្ថិភាពរបស់ខ្មែរ

អា ព្រុញ

សម្តេចតេជោ ហ៊ុន សែន នៅថ្ងៃទី២១ ខែមិថុនានេះ បានបង្ហាញនូវបណ្តាញទំនាក់ទំនងសង្គម Chat លើកដំបូងរបស់កម្ពុជា មានឈ្មោះថា CoolApp ដែលមានលក្ខណៈស្តង់ដារបរទេសដូច Telegram និង WhatsApp បច្ចុប្បន្នបានដាក់ដំណើរការនៅលើ​ App Store និង Play Store ហើយ។

សម្តេចតេជោប្រធានព្រឺទ្ធសភា បានគូសបញ្ជាក់ថា បណ្តាញទំនាក់ទំនងសង្គមឆាត CoolApp ជាមោទនភាពរបស់ជាតិយើង ដែលជា​កម្មវិធីដំបូងជារបស់ខ្មែរ និងប្រើប្រាស់ក្នុងដែនសុវត្ថិភាពរបស់ខ្មែរ។

ក្នុងបណ្តាញសង្គម សម្តេចតេជោបានកត់សម្គាល់ថា CoolApp មានលក្ខណៈស្តង់ដារដូចអន្តរជាតិ ធ្វើឡើងដោយក្រុមជំនួញបច្ចេកទេសខ្មែរជាច្រើននាក់ ដែលជាអ្នកជំនាញផ្នែកបច្ចេកវិទ្យា IT។ កម្មវិធីទំនាក់ទំនងឆាត CoolApp នេះបានចំណាយពេលជាង៣ឆ្នាំមកហើយ ចាប់តាំងពីឆ្នាំ២០២១ មកដល់ឆ្នាំ២០២៤នេះ ដែលទើបចេញរូបរាងនៅពេលនេះ។

CoolApp មានមុខងារជាច្រើនរួមមាន Chat និង Call និង Video Call ដោយប្រើប្រាស់តាមស្តង់ដារអន្តរជាតិ ទិន្នន័យ Data និង Call ស្ថិតក្នុងលក្ខណៈ Encryption និងសុវត្ថិភាពទាំងអស់ ដោយប្រើប្រាស់ប្រព័ន្ធ Internet Local (Dix) ដែលធ្វើឲ្យ Call ស្តាប់សំឡេងច្បាស់ និង Chat ផ្ញើរូបភាព វិដេអូ មានភាពរហ័ស ព្រោះ Internet មិនចេញទៅក្រៅប្រទេស៕

អត្ថបទទាក់ទង

នាយករដ្ឋមន្រ្តីហ្គីណេប៊ីសាវ មកបំពេញទស្សនកិច្ចការងារនៅកម្ពុជា និងឆ្លៀតចូលរួមសង្កេតការណ៍បោះឆ្នោតដោយផ្ទាល់

  • Phea ra
  • កក្កដា ១៩, ២០២៣
  • 0

តបតាមការអញ្ជើញរបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ឯកឧត្តម នូណូ ហ្គូមេស ណាប៊ីអេម (Nuno Gomes Nabiam) នាយករដ្ឋមន្ត្រី នៃសាធារណរដ្ឋហ្គីណេប៊ីសាវ នឹងអញ្ជើញមកបំពេញទស្សនកិច្ចការងារ នៅកម្ពុជា ពីថ្ងៃទី២១ ដល់ថ្ងៃទី២៤ ខែកក្កដា ឆ្នាំ២០២៣។ នេះបើតាមសេចក្តីប្រកាសព័ត៌មានរបស់ក្រសួងការបរទេសនៅថ្ងៃទី១៩ ខែកក្កដា ឆ្នាំ២០២៣។ សេចក្តីប្រកាសព័ត៌មានបានឲ្យដឹងថា ក្នុងអំឡុងពេលទស្សនកិច្ច […]

ក្រសួងមហាផ្ទៃ រៀបចំលេខកូដសម្គាល់រាជធានី ខេត្ត ក្រុង ស្រុក ខណ្ឌ ឃុំ សង្កាត់ និងភូមិ ឱ្យមានស្តង់ដាររួម

  • Phea ra
  • កញ្ញា ១៥, ២០២៣
  • 0

ក្រសួងមហាផ្ទៃ នៅថ្ងៃទី១៥ ខែកញ្ញា ឆ្នាំ២០២៣ បានបើកកិច្ចប្រជុំពិភាក្សារៀបចំ និងកែសម្រួលលេខកូដសម្គាល់រាជធានី ខេត្ត ក្រុង ស្រុក ខណ្ឌ ឃុំ សង្កាត់ និងភូមិ ក្រោមអធិបតីភាព ឯកឧត្តម លេង វី រដ្ឋលេខាធិការក្រសួងមហាផ្ទៃ ដោយមានការអញ្ជើញចូលរួមពី អគ្គនាយក នៃអគ្គនាយកដ្ឋានរដ្ឋបាល ក្រសួងមហាផ្ទៃ ប្រធាននាយកដ្ឋាន ព្រមទាំងសមាជិកក្រុមការងារពាក់ព័ន្ធ។ ឯកឧត្តម […]

កម្ពុជា ធ្វើវិសោធនកម្មច្បាប់បង្ក្រាបល្បែងស៊ីសង ឱ្យប្រទាក់ក្រឡាជាមួយច្បាប់គ្រប់គ្រងល្បែងពាណិជ្ជកម្ម

  • Phea ra
  • មករា ២៤, ២០២៤
  • 0

ឯកឧត្តម ទ្រី សុខហេង អនុរដ្ឋលេខាធិការក្រសួងមហាផ្ទៃ និងជាប្រធានក្រុមការងារបច្ចេកទេស នៅរសៀលថ្ងៃទី២៣ ខែមករា ឆ្នាំ២០២៤ បានដឹកនាំបន្តកិច្ចប្រជុំក្រុមការងារបច្ចេកទេសរៀបចំសេចក្ដីព្រាងច្បាប់ស្ដីពីវិសោធនកម្មច្បាប់ស្ដីពីការបង្ក្រាបល្បែងស៊ីសង ដោយមានការអញ្ជើញចូលរួមពី ឯកឧត្តមអនុប្រធាន និងសមាជិកក្រុមការងារបច្ចេកទេសរៀបចំសេចក្ដីព្រាងច្បាប់ស្ដីពីវិសោធនកម្មច្បាប់ស្តីពីការបង្ក្រាបល្បែងស៊ីសង ផងដែរ។ ក្នុងកិច្ចប្រជុំនេះ ឯកឧត្តម​ ទ្រី​សុខហេង​បានបញ្ជាក់ថា កិច្ចការរបស់ក្រុមការងារបច្ចេកទេសជំហ៊ានទី១​ គឺត្រូវសិក្សា ស្រាវជ្រាវប្រមូលផ្ដុំឯកសារពាក់ព័ន្ធច្បាប់ជាតិ​ និងអន្តរជាតិ ដើម្បីជាមូលដ្ឋាន ក្នុងការរៀបចំជាគោលគំនិតរួម ជាទស្សនាទានរួមនៃគោលបំណងដែលត្រូវរៀបចំក្នុងការធ្វើវិសោធនកម្មច្បាប់ស្ដីពីការបង្ក្រាបល្បែងស៊ីសងឆ្នាំ១៩៩៦ឱ្យមានភាពប្រទាក់ក្រឡាស៊ីសង្វាក់ជាមួយនឹងច្បាប់ស្ដីពីការគ្រប់គ្រងល្បែងពាណិជ្ជកម្មដែលបានប្រកាសប្រើនៅឆ្នាំ២០២០។ ក្រោយពីបញ្ចប់ការងារជំហ៊ានដំបូងនេះ ក្រុមការងារបច្ចេកទេស […]